Tɔn-Fɔɛ-Fila-Nyɔgɛ 9:2 - ALLALA KUMƐ

² Mɔgɛ wonu fanan yan, anu kolo gbɛlɛ! Mɔgɛnu kɛnɛna a fɔla ko mɔgɔ-wo-mɔgɔ ti kɛnu nɔ!

Tɔn-Fɔɛ-Fila-Nyɔgɛ 9:2 ပူးပေါင်းရင်းမြစ်များ

Yobu 11:10

Ni Alla ya i ladon yele la, a tenbi i kitila, yon si a lakala?

Bɔ-Koe-Iyipiti 9:11

Mansɛla kofo-dan wonu ma ke anu sɔla Musa yakɔrɔ sumunɛ wonuna ko la kamasɔrɔn sumunɛ sigira kofo-dan wonu ma anubɛ Iyipiti mɔgɛ bɛɛ.

Daniyɛli 11:16

Siriya kɛlɛ-dan wonu si anu kɛlɛ iko a di anu ye nya min, hali anu ma tɔrɔ. Anu si Isirɛla lanyiri-nyamanɛ wo bira-a-la ka a bi anu bolo.

Daniyɛli 8:4

A tugura duninya tonko sawa wara la, fɔ tele-bɔɛ, a ma tugu nyɔ le wara la. Sogo-wo-sogo ti ke tɔn sigila a ma, ado anu ti ke bɔla ata sɛnbɛ kɔrɔ. Koe min ba diya a ye, ale ye wo le mala. A wasinɛ ala fanka wo rɔ.

Emɔsi 2:9

“Mari ko hali wo, wo ni la a la ko ale le nara wo la ka bɔ Iyipiti nyamanɛ rɔ. San bi-nani, a sɔnɛ wo yarɔ wulɛ rɔ. Wo ni wo miri wo yogenu ma, Amoranu, kɔni. Anu yan, anu kolo, anu tagbɛlɛ kɔnɔ Mari ya anu halaki wolela ko la. A ya anuta nyamanɛ di wo ma ka a ma wo halalɛ la.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Yilan-Yilan Koe 13:28

Kɔnɔ hɛɛ, Kenan nyamanɛ wo gbɛlɛ! Nyɔ ragbɛlɛ! Fanka-tigi gbansannu bi nyɔ. Nyamanɛ wo soenu kolo dɔgɔma-ma-de, anubɛ a tara-belebele-wɛ minnu nadannɛ kuri la, mɔgɔ ti ke ka anu nɔ nyɔ. Wo kɔma, ma ya mɔgɔ-kinama-belebele-wɛnu yen nyɔ.

Yilan-Yilan Koe 13:33

Ma ya fanka-tiginu yen nyɔ minnu yan ma ko, anu kolo ma ko, ado fanka ye anu na ka tenbi male la pon! Anaki bɔnsɔn le mɔgɛ kɛnu na. Ma ya ma nyɛrɛ yen anu yakɔrɔ iko mɛnɛ-mɛnɛnɛnu. Anu fanan ya ma yen ka le.”

Tɔn-Fɔɛ-Fila-Nyɔgɛ 1:28

Ma ye tala nyɔ nfenna? Ko-lakɔrɔsilɛ minnu tara, wonu bara ma rakilan. Anu ko mɔgɛ minnu bi nyɔ, wonu kolo, ado anu yan ma ko. Anu ko tara-layan-bɛnu mininɛ anuna soenu ma sokesoke! Anu ko mɔgɔ-yan-bɛnu bi nyɔ minnu makilannɛ.’

Tɔn-Fɔɛ-Fila-Nyɔgɛ 2:21

Samisumi kɛnu yan iko Anakim mɔgɛnu yan nya min. Fanka ye anu na, ado anu siya nun. Kɔnɔ Mari ya a ma, Lɔti kegeyɛ, Amonnu, kɔni, ya Samisuminu kɛlɛ ka anu faga. Anu sigira anuna nyamanɛ rɔ.

Tɔn-Fɔɛ-Fila-Nyɔgɛ 7:24

Mari si a mansɛnu don wo bolo ka anu faga. Anu tɔgɛ ra si de ka tunu yen! Mɔgɔ-wo-mɔgɔ ti ke kilɛ tɛgɛla wo ma. Wo si anu dama faga tɛrr!

Yasowa 11:21

Wo wati rɔ, Anakim bɔnsɔn- mɔgɛ minnu siginɛ kɔnkɔ-nyamanɛ rɔ Hiburɔn soe burɔ wo, Diba soe burɔ wo, Anaba soe burɔ wo, Yudata nyamanɛ rɔ wo, anubɛ Isirɛla kɔnkɔ-nyamanɛ mumɛ damasi rɔ, Yasowa ya wonu siyaman faga.

Yasowa 11:22

Yasowa ya kɛlɛ kɛ kan min, Anakim bɔnsɔn-mɔgɛ bɛɛ fagara nyɔnu tɔ. Kɔnɔ donu tora Kesa soe burɔ anubɛ Kati soe burɔ anubɛ Asadadi soe burɔ bawo kɛlɛ ma ke wɛ nyɔ.

Yasowa 15:14

Anakila den-kei mɔgɔ sawɛ, Sɛsayi, Ahaiman, anubɛ Talamayi, Kelabu ya wonu kebilɛnu gben ka bɔ Hiburɔn soe burɔ.