Tɔn-Fɔɛ-Fila-Nyɔgɛ 9:10 - ALLALA KUMƐ

¹⁰ Wo ladɛnnɛ Sinayi kɔnkɛ kɔrɔ tumɛ min, wo ya kuman-kan min namɔɛn ta-mɛlan wo rɔ, Mari ya kumɛ wonu denu sɛbɛ kuru-walan filɛ wo ma a nyɛrɛ kɔɛn la ka anu ma tɔn la.

Tɔn-Fɔɛ-Fila-Nyɔgɛ 9:10 ပူးပေါင်းရင်းမြစ်များ

Bɔ-Koe-Iyipiti 31:18

Mari ban kɛ fɔla Musa ye Sinayi kɔnkɛ kuma, Mari ya kuru-walan fila don a bolo ale nyɛrɛ ya ala tɔnnu sɛbɛ minnu ma a kɔɛn la.

Matiyu 12:28

Kɔnɔ ni Allala Ni-Sɛnimɛ le ye anu gben-sɛnbɛ dila n ma, wo ye a yirala wo rɔ ko Allala mansayɛ ara ke wo ma nun. Ka, a sa wo nya?

Luka 11:20

Kɔnɔ n bi nyinɛnu gbenna Allala sɛnbɛ le la. Wo ye a yirala ko Allala mansayɛ ara ban kela wo ma.

2 Kɔrɛnti 3:3

A ara gbɛ feu, ko Kirasiti-nyɛrɛ le ya kɛdi kɛ sɛbɛ ka a don ma bolo. A ma sɛbɛ duwa-yi anubɛ kalɛ la. A sɛbɛnɛ Alla nimɛla Ni-Sɛnimɛ le la, ado a ma sɛbɛ kuru-walan ma. A sɛbɛnɛ mɔgɔ yisi le tɔ.

Tɔn-Fɔɛ-Fila-Nyɔgɛ 10:4

Wo tumɛ wo ladɛnnɛ Sinayi kɔnkɛ kɔrɔ, Mari kumara wo ye kɔnkɛ wo kuma ta-mɛlan rɔ ka Tɔn-Tan di wo ma. Mari ya Tɔn-Tan min di wo ma ta-mɛlan rɔ, wonu denu sɛbɛnɛ kuru-walan fɔlɔtɛ ma. A ya wo le sɛbɛ a tolatɛ fanan ma. Mari ya kuru-walan wonu don n bolo.

Tɔn-Fɔɛ-Fila-Nyɔgɛ 18:16

“Wo tumɛ ma ye Sinayi kɔnkɛ dafɛ, wo ya Alla madiya nyɔ ko wo kana a kuman-kan lamɔɛn nyɔ rɔ, anubɛ ka ale Alla yen ta-mɛlan rɔ nyɔ bawo wo ya a lɔn ko wo ye fagala le.

Hiburunu 8:10

“Nba, mabɛ Isirɛla mɔgɛnu bi sarama-kan-kurɛ min kirila, wo le kɛ la.” Mari ko, “Wo telenu ba ke tumɛ min n si nna tɔnnu sa anu hɛnkili rɔ. N si anu sɛbɛ anu yisi rɔ. N si ma anuta Alla la. Anu si ma nta mɔgɛnu na.