Tɔn-Fɔɛ-Fila-Nyɔgɛ 9:1 - ALLALA KUMƐ

¹ Musa ya a fɔ Isirɛla mɔgɛnu ye ko, “Wo ni wo tole masɔ! A ara to doni, wo ni Yorodan bɛ kɛ tɛgɛ ka ta wo sigi mɔgɔ-ragbɛlɛmɛnuna nyamanɛ rɔ, ado anu siya wo ko kati! Anuna soenu kolo dɔgɔma-ma-de! Anuna tarɛnu yan pon!

Tɔn-Fɔɛ-Fila-Nyɔgɛ 9:1 ပူးပေါင်းရင်းမြစ်များ

Ko-Dabirɛnu 11:4

Anu ya a fɔ anu nyɔgɔn ye tun ko, “Wo na, ma ni so-karantan sɔ. Wo kɔma, ma ni san-bon-nayan-bɛ sɔ min si tugu san-kole la. Woletɔ ma tɔgɛ si bɔ. Ni ma ma wo ma, ma ra si nyɛnsɛn dugu-kole bɛɛ kuma.”

Bɔ-Koe-Iyipiti 32:1

Mɔgɛnu ya a yen tumɛ min ko Musa ara mɛ Sinayi kɔnkɛ kuma, anu ya anu kundɛn Aruna dafɛ. Anu ya a fɔ a ye ko, “Musa min nara ma la ka bɔ Iyipiti nyamanɛ rɔ, ma ma a lɔn min bara ma a la. I lasɔ ma fɛ ka bɛsɛ do ladan ma ye min si sɔ ma yarɔ.”

Daniyɛli 4:11

Kɔlɔma wo tora koloyala ka sɛnbɛ sɔrɔn ha a tara tugu san-kole la. Duninya-mɔgɛ bɛɛ si ke le a yenna nyɔ.

Emɔsi 2:9

“Mari ko hali wo, wo ni la a la ko ale le nara wo la ka bɔ Iyipiti nyamanɛ rɔ. San bi-nani, a sɔnɛ wo yarɔ wulɛ rɔ. Wo ni wo miri wo yogenu ma, Amoranu, kɔni. Anu yan, anu kolo, anu tagbɛlɛ kɔnɔ Mari ya anu halaki wolela ko la. A ya anuta nyamanɛ di wo ma ka a ma wo halalɛ la.

Tɔn-Fɔɛ-Fila-Nyɔgɛ 1:28

Ma ye tala nyɔ nfenna? Ko-lakɔrɔsilɛ minnu tara, wonu bara ma rakilan. Anu ko mɔgɛ minnu bi nyɔ, wonu kolo, ado anu yan ma ko. Anu ko tara-layan-bɛnu mininɛ anuna soenu ma sokesoke! Anu ko mɔgɔ-yan-bɛnu bi nyɔ minnu makilannɛ.’

Tɔn-Fɔɛ-Fila-Nyɔgɛ 11:23

hali fanka-tigi le wo yogenu na, wo ye tala sigila minnuna nyamanɛ rɔ, hali anu kolo wo ko, Mari ko a si anu nayarabi wo ye.

Tɔn-Fɔɛ-Fila-Nyɔgɛ 11:31

A ara to doni, wo ni Yorodan bɛ tɛgɛ ka ta wo sigi lanyiri-nyamanɛ rɔ. Wo wa ban nyamanita-mɔgɛ wonu kɛlɛla tumɛ min ka wo sigi-bole rabɛn,

Tɔn-Fɔɛ-Fila-Nyɔgɛ 27:2

Wo wa Yorodan bɛ tɛgɛ wati min ka ta lanyiri-nyamani-hakikɛ rɔ wo benbanuta Mari Alla ye nala min dila wo ma, wo si kuru-belebele-wɛ donu bi ka wonu nadɛn kan-tina-kelen Ebali kɔnkɛ kuma. Wo si kuru-ladɛnnɛ manunku ka tɔn kɛnu damasi sɛbɛ nyɔ ma.

Tɔn-Fɔɛ-Fila-Nyɔgɛ 3:18

“Wo wati nyɛrɛ rɔ, n ya a fɔ bɔnsɔn filɛ anubɛ a talɛ ye ko ma Mari Alla ya a ma, anu bara Yorodan-bɛ-kɔmɛ kɛ sɔrɔn tele-bɔɛ wara la. Anu ni a ma, anuna kɛlɛ-dannu ni anu tabɛn ka wuli. Yanni bɔnsɔn-toenu ni bɛ tɛgɛ, anu fɔlɔn ni bɛ tɛgɛ. N ko anu ni ta anu na-kelen-nyɔgɛnu dɛnbɛ kɛlɛ-kɛ-tinɛ.

Tɔn-Fɔɛ-Fila-Nyɔgɛ 4:1

Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Tɔn-Fɔɛ-Fila-Nyɔgɛ 4:38

Wo tenbi tagamana nun, a ya wo yogo-siyamɛnu gben wo yarɔ minnu tagbɛlɛ wo ko. A ya wo ma alako wo ni anuna nyamanɛ sɔrɔn wo siginɛ min tɔ kaka.

Tɔn-Fɔɛ-Fila-Nyɔgɛ 6:10

Musa ya a fɔ anu ye tun ko, “Iko wota Mari Alla ya lanyiri kiri wo benbanu ye nya min, Iburayima, Isiyaka, anubɛ Yakoba, kɔni, a ko a si nyamanɛ di wo ma so-belebelenu sɔnɛ min tɔ wo ma minnu sɔ. Anu kin. Nɔnfuli siyaman bi anu tɔ.

Tɔn-Fɔɛ-Fila-Nyɔgɛ 7:1

Musa ya a fɔ Isirɛla mɔgɛnu ye tun ko, “Wota Mari Alla si ta wo la nyamanɛ wo rɔ, wo ye nala sigila kan min. Wo tamatoe, wo si sibolo wɔrɔnfila gben wo yarɔ. Wonu fanka kolo wotɛ ko, ado anu siya wo ko. Sibole wonu tɔgɛ le kɛnu na. Hɛtinu wo, Kagasanu wo, Amoranu wo, Kenannu wo, Perasanu wo, Hefanu wo, anubɛ Yebusinu.

Yasowa 1:11

“Wo ni dɔn-fannu tabɛn. A tele sawa nyɔgɛ ma, wo si wuli ka Yorodan bɛ tɛgɛ. Mata Mari Alla ya nyamanɛ min di ma ma, ma ni ta nyɔ rɔ.”

Yasowa 1:15

ha anu ni anuta nyamanɛ sɔrɔn yisi-kimɛ rɔ. Wo kɔma, wo ni sɛgi wo warɛ Yorodan bɛ kɔma yan.”

Yasowa 14:12

Awa, i ni kɔnkɔ-nyamanɛ kɛ di n ma iko Mari ya lanyiri kiri n ye nya min. Ma ya ma dantɛgɛ tumɛ min, ma ya a fɔ ko mɔgɔ-kinama-wɛnu bi nyɔ. (Anaki bɔnsɔn le kɛnu na.) Anu siginɛ so-wɛnu tɔ minnu nafoonɛ tarɛ la. Kɔnɔ kaka, ni Mari ye n fɛ, n si mɔgɛ kɛnu gben nyamanɛ kɛ rɔ.”

Yasowa 3:14

ado tɔnsɔn bɔ wati le, woletɔ yi kolo wo wati rɔ. Wo banda kɛ, saraka-masɔlɛnu tara tɔn-kenkirɛ la mɔgɛnu yarɔ ka anu kian sɔ yi rɔ.

Yasowa 3:16

Anu ya wo ma wati min, yi gbalata. Yi ladɛnta anu nyɔgɔn kuma ha ka ke Adam soe ma min bi Saraten soe dafɛ kan tɔ. Yi min bi dugula wara la, wo gbalata ha ka ke yi do ma min tɔgɛ le Dalɛ Faganɛ.

Yasowa 3:6

Yasowa ya a fɔ saraka-masɔlɛnu ye ko, “Wo ni tɔn-kenkirɛ bi ka ta mɔgɛnu yarɔ.” Anu ya a ma iko Yasowa ya a fɔ anu ye nya min.

Yasowa 4:19

Kabana-koe kɛ bɛɛ mara anuta karɛ fɔlɛ, a tele tan ma. Karɛ wo tele tan nyɛrɛ ma, Isirɛla mɔgɛ bɛɛ ya Yorodan bɛ tɛgɛ. Anu ya anu daga makɛ kan min, anu ya wo tɔgɔ sa Kiligali, tele-yigi wara la Yɛrikɔ dafɛ.

Yasowa 4:5

ka a fɔ anu ye ko, “Wo ni ta Marila tɔn-kenkirɛ yarɔ Yorodan bɛ tɛma. Mɔgɔ kelen-kelennamɛ-bɛɛ ni kuru kelen-kelen bi a kanban-kunyɛ ma iko wo bɔnsɔn ye nya min.