Tɔn-Fɔɛ-Fila-Nyɔgɛ 8:8 - ALLALA KUMƐ

⁸ Ki-fen anubɛ fui-fen-su bɛɛ ye nyɔ anubɛ liyi.

Tɔn-Fɔɛ-Fila-Nyɔgɛ 8:8 ပူးပေါင်းရင်းမြစ်များ

Ko-Dabirɛnu 49:11

Mansɛ wo ti kilan ala sofɛlɛ kirila nɔnbɔ-kurinu tɛma nɔnbɔ-gbɔɛnu siya kan min! A si ala kurɛnu ku nɔnbɔ-gbɔ-yi wo la siyayɛ bolo.

2 Samuwɛli 4:6

Anu ya anu nyɛrɛ ma iko anu bi tala fui-fan do le bi tinɛ bɔn la kɔnɔ anu tara doidoi! Anu ya ale Mansa Sɔlila den taran a sa tinɛ. Anu ya a sɔgɔ a buyi rɔ ka a kunyɛ tɛgɛ a la. Anu tara a kunyɛ wo la anu bolo pon! Anu kira tagamana kudu kilɛ la Yorodan-ba-lɛɛ rɔ.

1 Mansɛnu 5:11

Mansa Silamɛni fanan ya dɔn-fan di Hairam ma. A ya fui-fan bɔrɔ waga bi-loli (50,000) di anu ma. A ya tulu-durɔmu waga fila, durɔmu kɛmɛ sawa (2,300) di anu ma. San-bo-san, a tora dɔn-fan kɛ nyɔgɔn dila a ma.

2 Mansɛnu 18:32

ha a ni wo bi yan ka ta wo la ata nyamanɛ rɔ min bi iko wotɛ kɛ. Wo ye tala ata nyamanɛ min tɔ wo la, wo si nɔnbɔ-gbɔ-yi sɔrɔn nyɔ, wo si nyɔɛ sɔrɔn nyɔ ka wo ma biredi la. Wo si liyi anubɛ ɔlifi-gbɔɛnu sɔrɔn nyɔ fanan. Ni wo ya mata mansɛ kɛta kumɛ to a gbɛ rɔ, wo ti faga. A ko wo kana a ma, wola mansɛ kɛ ni wo mayuwaya ka wo miri ko Mari si wo kisi le iko wola mansɛ ya a fɔ nya min.

Yaburi 147:14

Dan minnu bi ila nyamanɛla foolɛ rɔ, a si wo kandan i ye ka i hɛnɛ dɔn-fen-hakikɛnu na.

Yaburi 81:16

N si wo de-nyini fui-fen-hakikɛ la. N si faratɔ-liyi di wo ma, min si wo wasa.”

Aiseya 7:23

“Wo wati wa ke tumɛ min, a ko ki-fan min kelen-kelennamɛ si wodi-gbɛ-gbu waga kelen-kelen sɔrɔn, wonu si ma wɔnɔ-gbansan na.

Yɛrɛmaya 2:7

Mari ko a tara anu na nyamani-diyamɛ rɔ alako anu si nyɔ dɔn-fan-diyamɛnu dɔn. Kɔnɔ hali wo, anu ya ala nyamanɛ wo latinya. Anu ya nyɔ ma nyamani-magboyanɛ la Mari ye.

Yɛrɛmaya 5:17

Anu si wola fui-fannu anubɛ wola dɔn-fannu ban fegba! Anu si wola dannu dɔn sa! Anu si wola kolo-fannu nato dogbe! Anu si wola ki-fan bɛɛ dɔn tɛrr! Wo lanɛ wola so-latankanɛ minnu na, anu si wonu takerikeri.

Isikiyɛli 27:17

Fui-fen wo, liyi wo, ɔlifi-tulu wo, anubɛ kɛnɛ wo, Isirɛla anubɛ Yuda kɛnu ya wonu felen Taya kɛnu ma.

Hoseya 2:8

A ma di a ye, a ni a fɔ ko nde le ye a de-nyinina. Ado nfan, n bi sɛnɛ anubɛ wodi-gbɛ min dila a ma, a duruta tala wo le la Beyali kɔ tinɛ.

Maika 4:4

Mɔgɛ bɛɛ si taran yisi-kimɛ rɔ anu nyɛrɛta sɛnɛnu tɔ. Mɔgɔ-wo-mɔgɔ sa nyɔ min si wo maban. Wota Mari Sɛnbɛ-Bɛɛ-Tigi ara lanyiri kɛ kiri wo ye.

Habakuku 3:17

Hali toro-gbɔ sa a la, hali nɔnbɔ-gbɔ sa a la, hali ɔlifi-gbɔ sa a la, hali ki-fen sa mala-a-la ma bolo, hali mala sagɛ dama fagara, mala wɔrɛ ta ni kolonya

Yɔni 6:13

Woletɔ Yisa ya biredi lolɛ min fara nyama la, anu ya wo bɛɛ ladɛn ka sende tan-ni-fila lafa biredi kundu-kundu-toenu na fen-dɔnnɛnu ya min to.

Yɔni 6:9

“Dennɛ do ye yan, biredi lolɛ anubɛ yɛgɛ fila ye a bolo. Kɔnɔ wonu si nfen nyinya mɔgɛ kɛ bɛɛ ma?”

Tɔn-Fɔɛ-Fila-Nyɔgɛ 32:13

“A ya a ma, wo taranta wo diya kɔnkɔ-layan-bɛnu kuma lanyiri-nyamanɛ rɔ. Wo ya fen siyaman sɔrɔn wola sɛnɛnu tɔ. Wo ya liyi taran faran-woenu na. Wola ki-fannu mara-a-la hali wɔsɔkɔrɔ-duginu tɔ.

Tɔn-Fɔɛ-Fila-Nyɔgɛ 32:14

Wo ya nono-siyaman sɔrɔn wola ninkinu anubɛ wola baanu tɔ. Wola kolo-fannu tɔlɔta ka kɛɛnya. Wola dɛgɛ-munkenu kin kati! Wola baan-yinu tuninyanɛ.

Tɔn-Fɔɛ-Fila-Nyɔgɛ 6:3

Wole Isirɛla mɔgɛnu, ni wo si tɔn kɛnu lɔn de a kila-bɛrɛbɛrɛ fɛ ka anu bira, koe bɛɛ si ta a kilɛ fɛ ka diya wo la. Wo bɔnsɔn si siyaya nyamani-hakikɛ wo rɔ iko wo benbanuta Alla kɛ ya lanyiri kiri anu ye nya min nun.

Tɔn-Fɔɛ-Fila-Nyɔgɛ 8:7

Wota Mari Alla ye nala nyamani-hakikɛ dila wo ma. Bɛnu anubɛ yi-nɛnu anubɛ tenkenu bi bɔla folo-kunyɛ anubɛ kɔnkɛnu tɔ nyɔ.

Tɔn-Fɔɛ-Fila-Nyɔgɛ 8:9

Kɔnkɔ ti wo bira nyɔ. Fenfen ti dasa wo ma nyɔ. Wo si nɛgɛnu taran farɛnu tɔ. Wo si kɔnkɛnu sin ka silɛɛ bɔ anu tɔ.