Tɔn-Fɔɛ-Fila-Nyɔgɛ 8:14 - ALLALA KUMƐ

¹⁴ wonu ka a ma, wo ni wasi ka nyina wota Mari Alla ko min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 8:14 ပူးပေါင်းရင်းမြစ်များ

2 Mansɛnu 14:10

Ile Hamasa ara Idɔm kɛnu nɔ min kɛ, woletɔ i wara wasi. I tɔgɛ wo min bara bɔ, wo ni i wasa. I ni a dan wo ma. I ni to ila bɔn la. A sɔgɛ ye i la, i ni nanparan sanba wobɛ ila mɔgɛnu ma, wa?”

2 Mansɛnu 17:38

Ma sarata min ma, wo kana nyina wo ko.

2 Ko-Kɔrɔta-Karan 26:16

Mansa Yusaya ya sɛnbɛ sɔrɔn mansayɛ rɔ wati min, a wasira. Wo le ya a bɔ mansayɛ la. Bawo a ma bɛn, ale nyɛrɛ ni ta ata Mari Alla Bato-Bɔn la ka isɛnti mintan nyɔ kɔnɔ ale le bilara Mari la wola ko la.

2 Ko-Kɔrɔta-Karan 32:25

Kɔnɔ Mansa Hɛsakaya wasira ka fisiriwɔlitayɛ telen Mari la, ado Yuda anubɛ Yerusalɛm kɛnu tɔrɔta wola ko la.

Yaburi 106:21

Alla min ya anu kisi ata sɛnbɛ-makawanɛ la Iyipiti, anu nyinara wo ko salon!

Yaburi 78:7

Wo si a ma, wonu fanan ni la Alla la. Alla ara minnu ma, anu ti nyina wonu ko. Anu si to ata tɔnnu birala tolon!

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Yɛrɛmaya 2:31

Wole Isirɛla mɔgɛnu, wo ni wo tole masɔ ale Mari kan la! A ko a mani ma wo ye nun iko wula-da-rakolɔn. A ko a mani ma wo ye iko nyamani-makilanni-tapinpini-bɛ. A ko nfenna wo rɔ wo ye a fɔla ko min di wole ye, wo ye wo le mala? Nfenna wo ye a fɔla ko wo ti sɛgi a ma tun?

Yɛrɛmaya 2:6

Hali a ya anu kunyɛ bɔ gbaran rɔ Iyipiti nyamanɛ rɔ ka wulɛ ratɛgɛ kasan, wo benbanu ma ale Mari tɔgɛ rakele mumɛ! A bɔra anu na kuru-gbɔgɔsa-gbagasa-nyamanɛ rɔ min tagbalanɛ todo! A bɔra anu na setani-nyamanɛ rɔ min tapinpinɛ. A tenbira anu na kan do mɔgɔ ti tagama kan min, ado mɔgɔ ti sigi nyɔ. Kɔnɔ wo bɛɛ rɔ, anu ma ale Mari tɔgɔ rakele muk!

Yɛrɛmaya 23:27

Mari ko nɛbi wonu bi kiyo minnu takaranna, anu miri ko anu si mɔgɛ wonu bɔ atayɛ la iko anu benbanu ya anu kan-kɔ sɔ ale la nya min ka bɛsi Beyali kɔ.

Daniyɛli 11:12

A si wasi bawo a ara kɛlɛ-den-siyaman faga. Kɔnɔ hali wo, a ti to nɔ-ko sɔrɔnna kɛlɛ rɔ.

Hoseya 13:6

Wo kenɛ nyamani-hakikɛ kɛ rɔ, wo makoe bɛɛ nyinyara ha wo wasara. Wo kɔma, wo wasira ka nyina nde, Mari ko.

Yilan-Yilan Koe 15:39

Wo wa a bunsan kɛnu yen tumɛ min, wo si wo miri Marila tɔnnu ma ka anu bira. Wo si a ma, wo ti wo nyɛrɛ sako kɛ ka wo kan-kɔ sɔ a la.

Tɔn-Fɔɛ-Fila-Nyɔgɛ 13:6

“Ni a sɔgɛ ya mɔgɛ do bira ka mɔgɛ do sagan kɛwuyɛ la bɛsi-kɔ-koe rɔ, hali wobɛ wo benbanu ma minnu kɔ tele-kelen-bɛrɛni, wo kana kinikini wo mɔgɔ-su ma. Hali a mara i na-kelen-nyɔgɛ le la wo, i halala-dan la wo, i diyana-musi la wo, i diyana-mɔgɔ-bɛrɛ la wo, wo kana mɔgɛ wo madɛnbɛ.

Tɔn-Fɔɛ-Fila-Nyɔgɛ 17:20

Fananta a ye tɔn wonu karanna, a si a lɔn worɔ ko anubɛ Isirɛla mɔgɛ toenu, kelen de anu na. A ma tenbi anu na nya-wo-nya. Min sanɛ wo kuma, a ti Marita tɔnnu fanan tinya mumɛ! Wo si a ma, a ni mɛ mansayɛ la. Hali ala dannubɛ a mamanɛnu anubɛ a kegeyɛnu si a gbɛ bi Isirɛla mɔgɛnu kuma.

Tɔn-Fɔɛ-Fila-Nyɔgɛ 4:9

“Wo ni a ma wo fɛrɛma de! Wo ara min yen wo nyɛrɛ yɛ la kɛ la, wo kana nyina wo ko wo siyi-tele bɛɛ kɔrɔ. Wo benbanu ya min yen anu sɔra Mari yakɔrɔ Sinayi kɔnkɛ kɔrɔ tumɛ min, wo ni wo rakaran wola dannu anubɛ wo mamanɛnu ye. Mari ya a fɔ nde, Musa ye nun ko n ni Isirɛla mɔgɛnu nadɛn kan-tina-kelen kɔnkɛ wo kɔrɔ nyɔ. Mari ko a sɔgɛ ye a la, anu ni a lamɔɛn a ye nala min fɔla nyɔ woletɔ anu si ale Mari gbiliya anu siyi-tele bɛɛ rɔ. Wo si a ma, anu ni anuna dannu karan alako anu si mata Mari Alla gbiliya nya min.

Tɔn-Fɔɛ-Fila-Nyɔgɛ 5:6

ale le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 6:11

Wo si bɔnnu nafanɛ taran fen-nyima-siyaman na, wo ma tɔrɔ minnu na. Wo si kɔlɔnnu taran, wo ma minnu sin. Wo si ki-fen-siyaman taran, wo ma minnu ki. Mari wa ta wo la nyɔ tumɛ min, wo si dɔnta siyaman sɔrɔn minnu si wo wasa.

Tɔn-Fɔɛ-Fila-Nyɔgɛ 8:11

“Wo ni a ma wo fɛrɛma de! Wo kana nyina wota Mari Alla ko. N bara ata tɔn minnu takaran wo ye kɛ la bi, wo kana anu boloka.

Tɔn-Fɔɛ-Fila-Nyɔgɛ 8:13

anubɛ kolo-fen siyamɛnu wo nyɛrɛ ye, anubɛ wodi-gbɛ anubɛ sɛnɛ wo nyɛrɛ ye, anubɛ nɔnfuli sufa bɛɛ wo nyɛrɛ ye tumɛ min,

Kɛlɛ-Kurugbɛnu 3:7

Wo ya a ma, anu bilara anuta Mari Alla la ka anu kan-kɔ sɔ a la ka wonuna bɛsɛnu Beyali anubɛ Asitɔra kɔ.