Tɔn-Fɔɛ-Fila-Nyɔgɛ 8:11 - ALLALA KUMƐ

¹¹ “Wo ni a ma wo fɛrɛma de! Wo kana nyina wota Mari Alla ko. N bara ata tɔn minnu takaran wo ye kɛ la bi, wo kana anu boloka.

Tɔn-Fɔɛ-Fila-Nyɔgɛ 8:11 ပူးပေါင်းရင်းမြစ်များ

Yaburi 103:2

N ni Mari matɔgɔ n sɔndɔmɛ bɛɛ la. A ye ko-nyimɛ minnu kɛla n ye, n kana nyina wo do-wo-do ko.

Yaburi 106:21

Alla min ya anu kisi ata sɛnbɛ-makawanɛ la Iyipiti, anu nyinara wo ko salon!

Hɛnkilimaya-Kumɛnu 1:32

Mɔgɔ-rakolɔnnu bi fagala bawo anu bi anu banna hɛnkilimayɛ la. Hɛnkilimayɛ bɔrɔ sa kun-takolɔnnu ye min kɛ, anu bi anu nyɛrɛ kasarala wo le ma.

Hɛnkilimaya-Kumɛnu 30:9

Bawo ni n mara fugarɛ la, tumado, n si kankanyɛ kɛ ka ma ile lafɛya-koe la. Ado nfan, ni n mara bana la fanan, tumado, n si a fɔ ko n mako sa ile Alla la.”

Aiseya 51:13

Wo ma nyina ale Mari ko min ya wo dan? Ale le ya san-kole rafulen ka dugu-kole kurukɛ. Nfenna wo kumakɔnɛ tonɛ kilan bolo? Anu bi wo niyi ragbɛrɛnna. Anu tabɛnnɛ wo kasara-koe ma. Kɔnɔ anuna kɔnkɔn ti ko-wo-ko ma wo la.

Yɛrɛmaya 23:27

Mari ko nɛbi wonu bi kiyo minnu takaranna, anu miri ko anu si mɔgɛ wonu bɔ atayɛ la iko anu benbanu ya anu kan-kɔ sɔ ale la nya min ka bɛsi Beyali kɔ.

Malakayi 4:4

A ya tɔn min di ala wɔli-kɛla Musa ma Sinayi kɔnkɛ kuma, a ko wo ni wo miri wonu denu ma. A ya wo don a bolo alako Isirɛla mɔgɛ bɛɛ ni ala tɔn wonu bira.

Yilan-Yilan Koe 15:39

Wo wa a bunsan kɛnu yen tumɛ min, wo si wo miri Marila tɔnnu ma ka anu bira. Wo si a ma, wo ti wo nyɛrɛ sako kɛ ka wo kan-kɔ sɔ a la.

Tɔn-Fɔɛ-Fila-Nyɔgɛ 11:32

wo ni a ma wo fɛrɛma tɔn kɛnuna ko la n bara min di wo ma kɛ la bi.”

Tɔn-Fɔɛ-Fila-Nyɔgɛ 4:1

Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Tɔn-Fɔɛ-Fila-Nyɔgɛ 4:5

“N bara ban wo karanna nta Mari Allata tɔnnu na, a ya min fɔ n ye nun. Wo wa ta nyamanɛ wo mɔgɛnu kɛlɛ tumɛ min ka wo sigi nyɔ, wo ni tɔn kɛnu bira.

Tɔn-Fɔɛ-Fila-Nyɔgɛ 4:9

“Wo ni a ma wo fɛrɛma de! Wo ara min yen wo nyɛrɛ yɛ la kɛ la, wo kana nyina wo ko wo siyi-tele bɛɛ kɔrɔ. Wo benbanu ya min yen anu sɔra Mari yakɔrɔ Sinayi kɔnkɛ kɔrɔ tumɛ min, wo ni wo rakaran wola dannu anubɛ wo mamanɛnu ye. Mari ya a fɔ nde, Musa ye nun ko n ni Isirɛla mɔgɛnu nadɛn kan-tina-kelen kɔnkɛ wo kɔrɔ nyɔ. Mari ko a sɔgɛ ye a la, anu ni a lamɔɛn a ye nala min fɔla nyɔ woletɔ anu si ale Mari gbiliya anu siyi-tele bɛɛ rɔ. Wo si a ma, anu ni anuna dannu karan alako anu si mata Mari Alla gbiliya nya min.

Tɔn-Fɔɛ-Fila-Nyɔgɛ 6:11

Wo si bɔnnu nafanɛ taran fen-nyima-siyaman na, wo ma tɔrɔ minnu na. Wo si kɔlɔnnu taran, wo ma minnu sin. Wo si ki-fen-siyaman taran, wo ma minnu ki. Mari wa ta wo la nyɔ tumɛ min, wo si dɔnta siyaman sɔrɔn minnu si wo wasa.

Tɔn-Fɔɛ-Fila-Nyɔgɛ 7:11

Woletɔ n bara wo karan tɔn min na kɛ la bi, wo ni anu bira wo bolo filɛ la.

Tɔn-Fɔɛ-Fila-Nyɔgɛ 8:14

wonu ka a ma, wo ni wasi ka nyina wota Mari Alla ko min ya wo labɔ yɔɔnyɛ rɔ Iyipiti nyamanɛ rɔ.

Kɛlɛ-Kurugbɛnu 3:7

Wo ya a ma, anu bilara anuta Mari Alla la ka anu kan-kɔ sɔ a la ka wonuna bɛsɛnu Beyali anubɛ Asitɔra kɔ.