Tɔn-Fɔɛ-Fila-Nyɔgɛ 7:8 - ALLALA KUMƐ

⁸ Mari ya wo kunka ka wo bɔ yɔɔnyɛ rɔ Iyipiti mansɛ bolo bawo a ya wo keni, ado a sɔgɛ ye a la, a ya lanyiri min kiri wo benbanu ye, a si wo kanbali.

Tɔn-Fɔɛ-Fila-Nyɔgɛ 7:8 ပူးပေါင်းရင်းမြစ်များ

Ko-Dabirɛnu 19:16

Kɔnɔ Lɔti ya a kun kimaya min kɛ, woletɔ melika wonu ya anubɛ ala denbayɛnu bolo bira ka anu nabɔ soe kɔma bawo Mari ara kinikini anu ma.

Ko-Dabirɛnu 19:29

Soe minnu bi ba-lɛɛ rɔ Lɔti ye kan min, Alla ye wonu halakila tumɛ min, a ya a miri Iburayima ma ka Lɔti kisi.

2 Samuwɛli 22:20

A ya n bɔ gbalo rɔ ka n nakanan bawo n bara-koe di a ye.

1 Mansɛnu 10:9

Tantolɛ ni kɛ ita Mari Alla ma. Ile ara Alla hɛnɛ min kɛ, woletɔ ale ara ile ma mansɛ la Isirɛla mɔgɛnu kun na. Isirɛla mɔgɛnu keninɛ Mari bolo min kɛ tolon, woletɔ a ara ile ma mansɛ la anu kun na alako i ni tɔnnu mabalan ka kitinu tɛgɛ telenbagayɛ la.”

2 Ko-Kɔrɔta-Karan 9:8

Tantolɛ ni kɛ ita Mari Alla ye. Ile ara Alla hɛnɛ min kɛ, woletɔ ale ara ile ma mansɛ la alako i ni mansayɛ kɛ a tɔgɔ rɔ. Ka tenbi wo la, Isirɛla mɔgɛnu keninɛ Mari bolo min kɛ, woletɔ a ara anu nasabati tɛban, ado a ara ile ma mansɛ la anu kun na alako i ni tɔnnu mabalan ka kitinu tɛgɛ telenbagayɛ la.”

Yaburi 105:42

Alla ya sarama-kan-sɛnimɛ min kiri ala wɔli-kɛla Iburayima ye, a ma nyina wonu ko.

Yaburi 44:3

Kɛlɛ ma a ma, ita mɔgɛnu ya nyamanɛ wo sɔrɔn. Anu ma a sɔrɔn anuta sɛnbɛ dɔrɔn na. Ita sɛnbɛ anubɛ ita fanka, wo le ya a ma, anu ya a sɔrɔn. Anu ya a lɔn min kɛ ko ile ye anu fɛ, wo le ya a yira anu na ko anu di i ye.

Yaburi 44:4

Nta mansɛ anubɛ nta Alla le ile la. Ile le ye a mala, ita mɔgɛnu bi nɔ-ko sɔrɔnna.

Bɔ-Koe-Iyipiti 13:14

“Tumado ni wola den-keinu ya ladɛn kɛ kɔrɛ manyinika wo la tumɛ min, wo si a fɔ anu ye ko, ‘Mari ya ma labɔ yɔɔnyɛ rɔ Iyipiti nyamanɛ rɔ ata sɛnbɛ la wati kɛ le tɔ.

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 20:2

“Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Bɔ-Koe-Iyipiti 32:13

I miri ila wɔli-kɛlɛnu ma, Iburayima wo, Isiyaka wo, anubɛ Yakoba. I ma lanyiri kiri anu ye nun ko i si anu bɔnsɔn siyaya iko sanma-lolenu? I ma lanyiri kiri anu ye nun ko i si lanyiri-nyamanɛ wo di anu ma ka nyamanɛ wo ma anu halalɛ la?”

Bɔ-Koe-Iyipiti 6:6

“Woletɔ a fɔ Isirɛla mɔgɛnu ye ko nde le anuta Mari la min si anu bɔ Iyipiti kɛnuna wɔlɛ kɔrɔ. N si anu bɔ yɔɔnyɛ rɔ ka anu kunka nta sɛnbɛ-makawanɛ la. N si Iyipiti mɔgɛnu tɔrɔ bɛrɛkɛ!

Aiseya 43:4

A ko a si nyamanɛ donu ma ma kunkɛ la bawo ma wara-koe di a ye. Ma di a ye, ado a ye ma gbiliyala.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Yɛrɛmaya 31:3

a ya a nyɛrɛ yira wo la wula-yan la. A ko wola habadan-keninteyɛ ye a rɔ, ado a ko a si to keninteyɛ wo kun na.

Isikiyɛli 36:22

“Woletɔ nde, i Tigi Marita kumɛ kɛ latenbi Isirɛla mɔgɛnu ma. A fɔ anu ye ko anu tara kan-tinɛ min bɛɛ rɔ, anu ya a ma, n tɔgɛ tinyanta wo dama rɔ. Kɔnɔ n bi Isirɛla mɔgɛnu nawɔlila alako ka a yira sibolo-gbɛrɛnu na ko n sɛnima. N sa wo mala Isirɛla mɔgɛnu tɔgɔ la. N bi wo mala n tɔgɔ-sɛnimɛ lela ko la ka a yira sibolo-gbɛrɛnu na ko n sɛnima. Anu si a lɔn wo le ma ko anu Tigi Mari le nde la. Nde ara ban kɛ fɔla.

Maika 6:4

Ale le ya wo labɔ yɔɔnyɛ rɔ Iyipiti nyamanɛ rɔ ka na wo la yan. Ale le ya Musa sɔ wo yarɔ anubɛ Aruna anubɛ Miriyam.

Maika 7:20

I si ita lanayɛ anubɛ ila keninteyɛ yira Iburayima anubɛ Yakoba kegeyɛnu na, ita mɔgɛnu, kɔni, iko i ya lanyiri kiri anu ye nya min nun!

Sɛfanaya 3:17

Wota Mari Alla ye wo fɛ. Ata sɛnbɛ si nɔlɛ di wo ma. Mari si nyagalen wo la. A si ni-kurɛ di wo ma bawo wo di a ye. A si nyagalen wo la ka sigi sa.

Malakayi 1:2

Mari ya a fɔ ala mɔgɛnu ye ko ka a bi fɔlɔ ma ha kaka, anu di a ye. Kɔnɔ anu bi a fɔla ko anu si a lɔn kama ko anu di Mari ye? Mari ya anu yabi ko na-kelenmɛ le Yakoba anubɛ Isɔ la. A ko Yakoba anubɛ a kegeyɛ di a ye

Matiyu 11:26

Ɔnde, n Fa, ado wo bɛɛ ara i wasa ka a ma wo nya.

Luka 1:55

A ara a hɛnkili to ala kinikinɛ ko Iburayima anubɛ a sibole bɛɛ ye habadan!”

Romu 11:28

Yahudiyanu ma sɔn kibara-nyimɛ la min kɛ, anu mara Alla yogo la ka a tɛgɛ wole sibolo-gbɛrɛnuna ko ma. Kɔnɔ ha ka, Yahudiyanu di Alla ye bawo a ya anu yatɔnbɔn ka lanyiri kiri anu ye ka a tɛgɛ anu benba-benbɛnuna ko ma,

Tɔn-Fɔɛ-Fila-Nyɔgɛ 1:8

A ko, ‘Nde, Mari ara nyamanɛ wo mumɛ di wo ma. N ya lanyiri kiri Iburayima fɔlɔn ye nun anubɛ ala dan Isiyaka anubɛ Isiyakata dan Yakoba ye ha ka ta a sigi anu kegeyɛnu na. Wo ta nyamanɛ wo mumɛ bi ka wo sigi nyɔ.’ ”

Tɔn-Fɔɛ-Fila-Nyɔgɛ 10:15

Kɔnɔ a ya wo benbanu keni nya min, wo gbɛlɛ gben! A ya wole ma mɔgɔ-yabɔnɛnu na sibolo-mɔgɛ doinu tɛma duninya rɔ. Ha bi, wo manɛ mɔgɔ-yabɔnɛnu na a bolo.

Tɔn-Fɔɛ-Fila-Nyɔgɛ 23:6

Fananta wole Isirɛla mɔgɛnu bi wo kɛndɛ la, wo kana ko lakiri wobɛ mɔgɛ kɛnu tɛma.

Tɔn-Fɔɛ-Fila-Nyɔgɛ 33:3

Marita mɔgɛnu di ale ye. A ye ata mɔgɛnu fɛ-birala. Woletɔ ma ye ma sala a tontɛ kɔrɔ ka a bato ka karan-tɔnɔnamɛ sɔrɔn ale bolo.

Tɔn-Fɔɛ-Fila-Nyɔgɛ 4:20

Wo mɔgɛ le wole la Mari ya minnu nabɔ tɔrɔya-fafanɛ rɔ Iyipiti nyamanɛ rɔ min manɛ iko wɔnkɔrɔ-tɛ. A ya wo labɔ nyɔ alako wo ni ma aletɛ la. Wo ye wo nya na le ha bi.

Tɔn-Fɔɛ-Fila-Nyɔgɛ 4:34

Ka a bi fɔlɔfɔlɔ ma ha ka a sigi kaka la, ha bi, wo ara a yen bɛsɛ ara sibole do kunka iko Alla ya wo kunka Iyipiti nyamanɛ rɔ wati min sibolo-gbɛrɛkɛ bolo wa, ka anu ma ata mɔgɛnu na a nyɛrɛ ye? Wo nyɛrɛ yala serr, Mari ya ata kabana-koenu mayira ka kɛlɛ kɛ wo ye ka ko-makawanɛnu kɛ anubɛ ka ko-makilannɛnu kɛ.

Tɔn-Fɔɛ-Fila-Nyɔgɛ 4:37

Bawo wo benba benbɛnu di a ye min kɛ, woletɔ a ya wole yabɔ Iyipiti ka na wo la yan ata sɛnbɛ fɛ.

Tɔn-Fɔɛ-Fila-Nyɔgɛ 5:6

ale le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

1 Yɔni 4:19

Ma si ma nyɔgɔn keni bawo Alla fɔlɔn ya male keni.

1 Samuwɛli 12:22

Mari ara lanyiri kiri wo ye a sɛbɛ la. A ko a ara ban a latɛgɛla ko ata mɔgɛ le wole la, ado a ti wo boloka.