Tɔn-Fɔɛ-Fila-Nyɔgɛ 7:6 - ALLALA KUMƐ

⁶ Wo ye wo damasi mala bawo Mari Allatɛ le wole la. A ya wole ma mɔgɔ-yabɔnɛnu na duninya-mɔgɛnu tɛma ka wole ma a halala-mɔgɛnu na.

Tɔn-Fɔɛ-Fila-Nyɔgɛ 7:6 ပူးပေါင်းရင်းမြစ်များ

1 Mansɛnu 3:8

Nba, i wara n sigi ila mɔgɔ-yabɔnɛnu kun na, ado wonu siya ha ka a dan-natenbi.

Ɛsira 9:2

Isirɛla keinu bi musinu furula sibolo-gbɛrɛ kɛnu tɔ. Anu ya wo ma min kɛ, wo le wara a ma, male Allata mɔgɛnu na ara tinya, ado kun-tiginu anubɛ mɔgɔ-banu denu fɔlɔn ya ko-yogomɛ-kɛ dabira.”

Yaburi 114:2

Yuda kebilɛnu mara Marita mɔgɔ-sɛnimɛnu na. Isirɛla mɔgɛnu mara ale Mari-halalɛ la.

Yaburi 135:4

Ale le ya Yakoba yabɔ a nyɛrɛ ye. A halalɛ le Isirɛla mɔgɛnu na.

Yaburi 50:5

Alla ko ata lanaya-mɔgɛ minnu bara sarama-kan kiri a ye saraka-bɔ-koe rɔ, wonu ni anu gbɛrɛn a ma.

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Aiseya 41:8

Kɔnɔ Marita wɔli-kɛlɛ ye Isirɛla mɔgɛ minnu na, a ara wonu denu yabɔ. A diyana-mɔgɛ Iburayima kebilɛ le wole la.

Aiseya 41:9

A ko a ya wo ladɛn ka wo bɔ dugi-tonko nanɛ bɛɛ rɔ. A ya a fɔ wo ye ko ala wɔli-kɛlɛ le wole la. A ko a ma a ban wo la fɔ ka wo yabɔ.

Aiseya 6:13

Mɔgɔ-kɔnɔntɔ wo mɔgɔ-kɔnɔntɔ, hali a tan nyɔgɛ min tora, n si wo fanan kasara. Nta mɔgɔ-yabɔnɛ minnu tonɛ kɛ, wonu si ma iko kɔlɔma-kuru-wɛ min tɛgɛnɛ dugi rɔ. Kɔnɔ kɔn-kundi min tonɛ wo la, wo si a matii ka ma Allata mɔgɛnu tamasere la.”

Aiseya 62:12

Wole, ata mɔgɛnu si kele ko, “Allata Mɔgɔ-Sɛnimɛnu.” Mɔgɛnu si wo kele fanan ko, “Marita Mɔgɔ-Kunkanɛnu.” Anu si ile Yerusalɛm kele ko, “Alla Diyana-Soe.” Anu si i kele fanan ko, “Alla Ma A Ban Soe Min Na.”

Yɛrɛmaya 2:3

Isirɛla mɔgɛ wonu mara Mari-halalɛ la. Anu dantɛgɛnɛ a ma iko dɔn-fen-kun-fɔlɛ tɔnsɔn. Minnu ya ko sigi Isirɛla mɔgɛnu ma, wonu ya yilikiyi sɔrɔn. Mari ko mɔgɛ wonu kasarata le! Ale Mari kan le!

Isikiyɛli 20:5

Nta kumɛnu fɔ anu ye. N ya Isirɛla mɔgɛnu yabɔ n nyɛrɛ ye tumɛ min, n ya anu yili-madiya koe donu tɔ. N ya n nyɛrɛ wara-koe lagbɛ anu ye Iyipiti nyamanɛ rɔ ka a fɔ anu ye ko anuta Mari Alla le nde la.

Saraka-Masɔlɛnuta Tɔnnu 20:24

Ni kei do ya a na-kelen-nyɔgɛ dola musi bi sunburi la, wo tigi ara a na-kelen-nyɔgɛ lafɛya. Kei anubɛ musi wo gbandɛ si to ha anu si faga bawo anu bara koe min ma wo la, Mari ko wo sɛninyani ma iko tɔn ya a fɔ nya min.

Emɔsi 3:2

Mari ko wole Isirɛla mɔgɛnu di ale ye ka tenbi sibole bɛɛsi la duninya rɔ. Mari ya wole le dɔrɔn yabɔ ka wo fɛ-bira. Wo le ya a ma, wola hakɛ ara yogoya a ya la dɔgɔma-ma-de! Woletɔ a ko a fɛrɛ sa fɔ a wa wo tɔrɔ.”

Malakayi 3:17

Mari Sɛnbɛ-Bɛɛ-Tigi ko anu si ma ata mɔgɛ la. Mari ko a wa a halala-mɔgɛnu kundɛn lunyɛ min, anu si ma atɛ la. Iko fa si kinikini ala dan ma nya min min bi wɔli kɛla a ye, Alla fanan si kinikini ata mɔgɛ wonu ma wo nya na le.

Kɛwɔlɛnu 13:17

Ma benbanu bi sundanyɛ la Iyipiti dugi rɔ tumɛ min, Isirɛlata Alla ya ma benbanu ma a nyɛrɛtɛ la ka anu nasiyaya bɛrɛkɛ! Alla ya anu nabɔ Iyipiti a sɛnbɛ-bɛrɛbɛrɛ-wɛ la.

Romu 9:4

Allala mɔgɔ-yabɔnɛ le anu denu na. A ya anu ma ala dannu na ka ata gbiliyɛ yira anu na. Anubɛ Alla ya sarama-kannu kiri. A ya ala tɔn-kitabu di anu denu ma fanan. A sɔnta ko anu denu ni a bato a kilɛ fɛ, ado anu bara Allala lanyirinu sɔrɔn.

Tɔn-Fɔɛ-Fila-Nyɔgɛ 14:2

Mari Allatɛ le wole la. A ya wole yabɔ ka wo ma ata mɔgɛnu na duninya-mɔgɛnu tɛma.

Tɔn-Fɔɛ-Fila-Nyɔgɛ 14:21

“Ni soge min fagara a bolo ma, wo kana wonu dɔn. Wonu sɛninyani ma. Kɔnɔ sibole minnu bi wo tɛma, ni wonu ya sogo-sufa kɛnu dɔn, tana ma wo la. Ni a diyara wo ye, wo si a mayira sibolo-gbɛrɛnu ma. Kɔnɔ wole Isirɛla mɔgɛnu kana fen-sufa kɛnu dɔn bawo Marita mɔgɛ le wole la. “Wo kana saga-dan anubɛ baa-dan te a na kin-yi la.

Tɔn-Fɔɛ-Fila-Nyɔgɛ 26:18

Bi, Mari Alla fanan bara wo rabira iko ata mɔgɛnu iko a ya lanyiri kiri wo ye nya min. A ya a fɔ wo ye ko wo ni ala tɔn damasi bira.

Tɔn-Fɔɛ-Fila-Nyɔgɛ 26:19

A si sɛnbɛ di wole Isirɛla bɔnsɔn ma. A si a ma, wole Isirɛla bɔnsɔn si tɔgɔ-nyimɛ sɔrɔn duninya ma ka matɔgɔlɛ anubɛ gbiliyɛ di wo ma ka tenbi bɔnsɔn doinu na. A si wo ma mɔgɔ-sɛnimɛnu na ka wo ma a halala-mɔgɛnu na iko a ara lanyiri kiri wo ye nya min.”

Tɔn-Fɔɛ-Fila-Nyɔgɛ 28:9

“Ni wo ya Marita tɔnnu bira, a si wo ma a halala-mɔgɛnu na iko a ya lanyiri kiri nya min.

Tɔn-Fɔɛ-Fila-Nyɔgɛ 33:3

Marita mɔgɛnu di ale ye. A ye ata mɔgɛnu fɛ-birala. Woletɔ ma ye ma sala a tontɛ kɔrɔ ka a bato ka karan-tɔnɔnamɛ sɔrɔn ale bolo.

Tɔn-Fɔɛ-Fila-Nyɔgɛ 4:20

Wo mɔgɛ le wole la Mari ya minnu nabɔ tɔrɔya-fafanɛ rɔ Iyipiti nyamanɛ rɔ min manɛ iko wɔnkɔrɔ-tɛ. A ya wo labɔ nyɔ alako wo ni ma aletɛ la. Wo ye wo nya na le ha bi.

Tɔn-Fɔɛ-Fila-Nyɔgɛ 4:37

Bawo wo benba benbɛnu di a ye min kɛ, woletɔ a ya wole yabɔ Iyipiti ka na wo la yan ata sɛnbɛ fɛ.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

2 Pita 2:5

Alla ma fɔlɔ-mɔgɛnu fanan yamasansan. A ya yi-wa-belebele lana mɔgɔ-yogomɛ wonu kuma. A ya minnu kisi, fɔ Nowa anubɛ ala denbayɛ mɔgɔ wɔrɔnfila. Nowa ya kawandili bɔ ka a bɛn telenbagayɛ ma.

2 Pita 2:9

A melika-yogoma wo, a fɔlɔ-mɔgɔ wo, a Sɔdɔm anubɛ Kɔmɔra kɛnu wo, Mari ya wonu halaki-nya lɔn min kɛ, a ya Allata mɔgɛnu kisi-nya lɔn anuna kɔrɔbɔlɛnu tɔ wo nya na le. A ya a lɔn fanan, a si ko-yogoma-kɛlɛnu mara nya min tɔrɔyɛ rɔ ha kiti-tɛgɛ-lunyɛ.

1 Samuwɛli 12:22

Mari ara lanyiri kiri wo ye a sɛbɛ la. A ko a ara ban a latɛgɛla ko ata mɔgɛ le wole la, ado a ti wo boloka.