Tɔn-Fɔɛ-Fila-Nyɔgɛ 7:26 - ALLALA KUMƐ

²⁶ Anuna bɛsɛ wonu sɔgɛ la ni bɔ wo la lass bawo anu bi Marila dankɛ le kɔrɔ. Ni wo ya bɛsɛ kɛ do bi ka na a la wola bɔnnu na, dankɛ min bi anu kuma, wo si wole fanan bira.

Tɔn-Fɔɛ-Fila-Nyɔgɛ 7:26 ပူးပေါင်းရင်းမြစ်များ

Aiseya 2:20

Tele wo wa ke tumɛ min, anuna bɛsɛ minnu nadannɛ sɛnɛ anubɛ wodi-gbɛ la, mɔgɛnu si wonu nakɛ a rɔ. Anu si wonu to tula-gbɛnu anubɛ tosɛnu ye.

Aiseya 30:22

Wola bɛsɛ minnu makirinɛ sɛnɛ anubɛ wodi-gbɛ la, wo si wonu nafili a rɔ iko fen-gbalɛ ka a fɔ ko, “Bɔ n yakɔrɔ.”

Aiseya 41:24

Fufafuyi le wobɛ wola wɔlɛ wonu na. Wo kɔlɛnu manyimani de!

Isikiyɛli 11:18

Anu ba sɛgi Isirɛla nyamanɛ rɔ tumɛ min, anu bi bɛsi-makɔsɔnɛ minnu taranna nyɔ rɔ, fɔ anu ni wo bɛɛ kasara pɔ!

Isikiyɛli 14:7

“Isirɛla mɔgɛ fenfen, ni wo ma, sibolo-gbɛrɛ minnu bi anu tɛma, ni anu ya anu kan-kɔ sɔ nde la ka bɛsɛnu kɔ, wo kɔma, a ni sɛgi nta nɛbi do manyinikala n sako-lɔn-koe rɔ, nde, Mari si wo tigi yabi boloko-yogomɛ-kɛ!

Hoseya 14:8

Wole Isirɛla mɔgɛnu ti wo bolo bila bɛsɛ ko rɔ tun. N si wola madiyalɛnu yabi ka wo fɛ-bira a kila-bɛrɛbɛrɛ fɛ. Wo kuma-tuwalɛ le nde la iko kɔlɔma min nɔrɔnnɛ yabu-yabu bawo wola duwa-kunyɛ mumɛ bɛɛ le nde la.”

Sakaraya 5:4

Mari Sɛnbɛ-Bɛɛ-Tigi ko dankɛ wo si don wonuna bɔnnu na ka a bon-kɔlɔmanu keri anubɛ a bon-kuri minnu siginɛ anu nyɔgɔn kuma. Digi Yen-Koe

Romu 2:22

Wo ko, “Mɔgɔ kana yɛlɛnyɛ kɛ,” kɔnɔ wole don? Wo sa yɛlɛnyɛ kɛla? Wo ko bɛsi-kɔɛ ma di wo ye kɔnɔ wo sa kankanyɛ kɛla bɛsi wonu kɔ tinɛnu tɔ?

Tɔn-Fɔɛ-Fila-Nyɔgɛ 13:16

Wo si mɔgɛ wonu bolo-fannu nadɛn soe tɛma kan-tina-kelen. Wo si soe anubɛ fan wo damasi mintan. Wo mani de Mari yala iko saraka-mintantɛ. Wo kana soe wo sɔ tun. A si ma tonbɔn la.

Tɔn-Fɔɛ-Fila-Nyɔgɛ 13:17

Wo kana mɔgɛ wonu bolo-fan ma wo halalɛ la, fɔ ka a dama mintan tɛrr! Wo si a ma, Mari fonde ni kimɛ. A ni kinikini Isirɛla mɔgɛ toenu ma. A si a ma, wo ni siyaya iko a ya lanyiri kiri wo benbanu ye nya min.

Tɔn-Fɔɛ-Fila-Nyɔgɛ 13:18

Alako tun, wo ni ata tɔnnu bira iko n ya a fɔ wo ye nya min kɛ la ka a sako kɛ.”