Tɔn-Fɔɛ-Fila-Nyɔgɛ 7:25 - ALLALA KUMƐ

²⁵ Wo ni anuna bɛsɛnu mintan. Sɛnɛ anubɛ wodi-gbɛ minnu bi anuna bɛsɛnu ma, a sɔgɔ kana wo bira ka wonu bi. Ni wo ya wo ma, wo si ma gbalo la wo ye bawo wo ko-sunu ma di Alla ye hali doni bɛrɛni!

Tɔn-Fɔɛ-Fila-Nyɔgɛ 7:25 ပူးပေါင်းရင်းမြစ်များ

2 Mansɛnu 23:14

Mansa Yosaya ya kuru-lɛsɛnɛ wonu takerikeri. Wo kɔma, anuna bɛsɛ min tɔgɛ Asura, a ya wo fanan takeri. Wo kɔma, a ya kan tinɛ wo yamatogon mɔgɔni-gbu-kolenu na.

1 Ko-Kɔrɔta-Karan 14:12

Filisitinu ya anu buri Mansa Dawuda kɔrɔ tumɛ min, anu ya anuna bɛsɛnu to nyɔ. Kɔnɔ Mansa Dawuda ya a fɔ ala kɛlɛ-dannu ye ko anu ni bɛsɛ wonu mintan.

Bɔ-Koe-Iyipiti 20:17

“Mɔgɔ kana a niyi sa a sigi-nyɔgɛ bolo-fan kuma iko bon wo, musu wo, yɔɔn wo, anubɛ kolo-fen.”

Bɔ-Koe-Iyipiti 32:20

Musa ya ninki-danla muninyɛ wo bi ka a lakɛ tɛ rɔ. Wo mintanta tumɛ min, a ya a bunden ka a munke kɛ yi rɔ. A ya yi wo di Isirɛla mɔgɛnu ma ko fɔ anu ni wo min.

Bɔ-Koe-Iyipiti 8:26

Musa ko, “Wo ti bɛn kamasɔrɔn ma si Iyipiti kɛnu tanɛ do ma sarakɛ la kɔrɛ mata Mari Alla ye. Ni ma ya Iyipiti kɛnu tanɛ do ma sarakɛ la anu yala, anu ti ma mabon kuri la, wa?

Aiseya 30:22

Wola bɛsɛ minnu makirinɛ sɛnɛ anubɛ wodi-gbɛ la, wo si wonu nafili a rɔ iko fen-gbalɛ ka a fɔ ko, “Bɔ n yakɔrɔ.”

Aiseya 41:24

Fufafuyi le wobɛ wola wɔlɛ wonu na. Wo kɔlɛnu manyimani de!

Saraka-Masɔlɛnuta Tɔnnu 13:52

Saraka-masɔlɛ si kurɛ wo mintan gburr! Ni i ya a yen, a ye kurɛ wo mintanna, alako findiki kɛ sufa kana nyɛnsɛn anuna kurɛnu ma, fɔ ka findiki kɛ halaki tɛ la.

Saraka-Masɔlɛnuta Tɔnnu 19:4

“Wo kana nde, Mari Alla boloka ka bɛsɛnu kɔ. Wo tigi le nde, Mari Alla la, woletɔ wo kana nɛgɛ-fenfen ma bɛsɛ la wo nyɛrɛ ye ka a kɔ.

Sɛfanaya 1:3

A ko a si nima-fan bɛɛ ban fegba, a hadama-den wo, a sogo wo, a koni wo, anubɛ a yɛgɛnu. A ko a si karagbɛlɛnu wara-koe ka-a-la. Hali mɔgɔ-den-kelen ti to a niyi la. Ale Mari kuman-kan le kɛ la.

Tɔn-Fɔɛ-Fila-Nyɔgɛ 12:3

Anu si sarakɛnu mintan anuna bɛsɛnu bi kan min, wo ni wonu wayan ka anu tanyɛnsɛn. Anu bi kuru-lɛsɛnɛ minnu kɔla, wo si anu tatii. Anuna kɔlɔma minnu nadannɛ iko musila muninyɛ, anu bi min kelela Asura, wo ni bɛsɛ wonu tɛgɛ ka anu mintan. Wo le si a ma, mɔgɛnu ti ta bɛsɛ wonu kɔ kan-tinɛ wonu tɔ tun.

Tɔn-Fɔɛ-Fila-Nyɔgɛ 13:16

Wo si mɔgɛ wonu bolo-fannu nadɛn soe tɛma kan-tina-kelen. Wo si soe anubɛ fan wo damasi mintan. Wo mani de Mari yala iko saraka-mintantɛ. Wo kana soe wo sɔ tun. A si ma tonbɔn la.

Tɔn-Fɔɛ-Fila-Nyɔgɛ 17:1

Fɛɛ ye kolo-fan minnu na, wo kana wonu ma sarakɛ la wota Mari Alla ye. Mari gboyana-koe le wonu na. Wonu ma di a ye muk!

Tɔn-Fɔɛ-Fila-Nyɔgɛ 23:18

Ni min ya wodi sɔrɔn yɛlɛnyɛ wo rɔ, a kana na wodi wo la wota Mari Alla Bato-Bɔn la ka wo ma a dakan-kanbali-fan la. Wo ko-sunu gbo Mari ye.

Tɔn-Fɔɛ-Fila-Nyɔgɛ 27:15

“ ‘Alamɛ Allata dankɛ taranta wo mɔgɛnu kuma minnu bi fannu lɛsɛla bɛsɛnu muninyɛ rɔ ka anu kɔ hali dogɔn rɔ bawo bɛsɛnu ma di Alla ye.’ “Minnu bi danka-kɔnkɛ wo bu la, wonu si a labira ko, ‘Amina.’

Tɔn-Fɔɛ-Fila-Nyɔgɛ 7:16

Mari Alla ye sibole minnu donna wo bolo, wo kana kinikini anu ma. Wo ni anu damasi faga tɛrr! Wo kana anuna bɛsɛnu kɔ. Ni wo ya wo ma, wo si ma gbalo la wo ye.

Tɔn-Fɔɛ-Fila-Nyɔgɛ 7:5

Woletɔ wo ni anuna saraka-mintan-tinɛnu wayan ka anu tanyɛnsɛn. Anu bi kuru-lɛsɛnɛ minnu kɔla, wo si wonu tatii. Anuna kɔlɔma minnu muninyanɛ anuna bɛsi-musumɛ la min tɔgɛ Asura, wo ni wonu tɛgɛ ka anu mintan.

Yasowa 7:1

Mari ya a fɔ Isirɛla mɔgɛnu ye nun ko, “Wo ni Yɛrikɔ soe halaki ka fen bɛɛ tinya a rɔ tɛrr!” Kɔnɔ mɔgɔ kelen bi nyɔ min tɔgɛ Ekan, wo ma Marila kumɛ bira. Mari diminyara Isirɛla mɔgɛnu ma wola ko la. (Ekan wo, a fa tɔgɛ Kami, a benba tɔgɛ Sabadi. A bɔra Serahata denbayɛ rɔ Yuda bɔnsɔn rɔ.)

Yasowa 7:21

N ya Babilɔn duruku-kinyanɛ do yen Yɛrikɔ soe burɔ anubɛ wodi-gbɛ anubɛ sɛnɛ-gbu kelen. Wonu sɔgɛ ya n bira, woletɔ n ya anu bi. I si anu taran nna fani-bɔn la, a sanɛ dugu kɔrɔ. Duruki anubɛ sɛnɛ, wo sanɛ wodi-gbɛ kuma.”

Lankɛnimayɛ 17:5

Tɔgɛ do sɛbɛnɛ ale musi wo telɛ ma min nya-yen-koe gbɛlɛ. A sɛbɛnɛ a ma ko, “Yɛlan bɛɛ anubɛ dugu-kolo-haramu-koe na le Babilɔn so-wɛ la.”