Tɔn-Fɔɛ-Fila-Nyɔgɛ 7:24 - ALLALA KUMƐ

²⁴ Mari si a mansɛnu don wo bolo ka anu faga. Anu tɔgɛ ra si de ka tunu yen! Mɔgɔ-wo-mɔgɔ ti ke kilɛ tɛgɛla wo ma. Wo si anu dama faga tɛrr!

Tɔn-Fɔɛ-Fila-Nyɔgɛ 7:24 ပူးပေါင်းရင်းမြစ်များ

Yaburi 9:5

I wara sibolo-gbɛrɛnu yiliki ka ko-yogoma-kɛlɛnu kasara ka anu tɔgɛ latunu yen!

Bɔ-Koe-Iyipiti 17:14

Mari ya a fɔ Musa ye ko, “I ni kɛ sɛbɛ buku do rɔ alako a ni to mɔgɛnu burɔ. A fɔ Yasowa ye ko nde, Mari si Amalɛki mɔgɛnu ban fegba!”

Hɛnkilimaya-Kumɛnu 10:7

Mɔgɔ-nyimɛnu tɔgɛ si ta wuu! Kɔnɔ mɔgɔ-karagbɛlɛnu tɔgɔ si tunu yen!

Aiseya 54:17

Kɔnɔ a ko kɛlɛ-kɛ-fan wonu ti ko-wo-ko tinya ile Yerusalɛm ma. I si i maburilɛnu yabi-bole lɔn. A ko a si ala wɔli-kɛlɛnu kumafunfan ka nɔlɛ di anu ma.

Yɛrɛmaya 10:11

Mari ko bɛsɛ wonu ma san-kole anubɛ dugu-kole ladan, ado anu si tinya ka tunu dugu-kole rɔ.

Sɛfanaya 1:4

Mari ko a si a kɔɛn lata wole Yuda nyamanita-mɔgɛnu anubɛ Yerusalɛm so-burɔ-mɔgɛnu kan ma ka wo tɔrɔ. A ko a si Beyali bɛsi-kɔlɛnu ban yan fegba! Hali Beyalita saraka-masɔlɛnu tɔgɛ si tunu mɔgɛnu tɛma.

Romu 8:37

Kɔnɔ nɔlɛ ye ma bolo koe kɛ bɛɛ rɔ feu! Ale min bara ma keni, ma ara nɔ-ko sɔrɔn ale le baraka rɔ,

1 Kɔrɛnti 15:57

Kɔnɔ tabarakala Alla ma min bara nɔlɛ di ma ma ma Mari Yisa, Allata-Mɔgɔ-Yabɔnɛ baraka rɔ!

Tɔn-Fɔɛ-Fila-Nyɔgɛ 11:25

Wo tara nyamanɛ wo kan-tina wo kan-tina rɔ, wota Mari Alla si a ma, nyɔ-mɔgɛnu ni kilan wo la iko a ya lanyiri kiri wo ye nya min. Mɔgɔ-wo-mɔgɔ ti ke kilɛ tɛgɛla wo ma.

Tɔn-Fɔɛ-Fila-Nyɔgɛ 25:19

Wota Mari Alla wa ban wo yogenu kɛlɛla ka wo sigi lanyiri-nyamanɛ rɔ yisi-kimɛ rɔ tumɛ min, wo kana nyina Amalɛkinu kɛlɛ-koe la. Wo ni ta anu kɛlɛ ka anu nato dogbe!”

Tɔn-Fɔɛ-Fila-Nyɔgɛ 29:20

Mari ti mɔgɔ-sufa wo to nyɔ rɔ. Wo si a ma, Mari fonde si bɔ ka sisi lugbu-lugbu! Tɔrɔyɛ min bɛɛsi sɛbɛnɛ kitabu kɛ rɔ, wonu si sigi ale mɔgɛ wo kuma ha Mari si a kasara pɔɔ!

Tɔn-Fɔɛ-Fila-Nyɔgɛ 9:14

I kana n nakala de! N si mɔgɛ kɛnu faga kelenna! Mɔgɔ-wo-mɔgɔ ti anu miri anu ma tun! N si anu bara-koe lato yen!’ Wo kɔma, Mari ya a fɔ ko, ‘N si a ma, ile ni bɔnsɔn-kurɛ dabira fanka ye minnu na, ado wonu si siyaya kɛnu ko.’

Tɔn-Fɔɛ-Fila-Nyɔgɛ 9:3

Kɔnɔ kaka, wo si a yen wota Mari Alla ye tala wo yarɔ iko ta-wɔnkɔrɔmɛ. Wo ye tala nya min, ale Mari ye tala mɔgɛnu nɔla wo yarɔ wo nya na le. Wo si ke le ka anuna nyamanɛ bi anu bolo ka anu faga tiriya iko Mari ya lanyiri kiri wo ye nya min.

Yasowa 1:5

Mɔgɔ-wo-mɔgɔ ti ile, Yasowa nɔ i siyi-tele-bɛɛ rɔ. N tora Musa fɛ nya min, n si to ile fanan fɛ wo nya na le. N si to i fɛ tuma-wo-tuma. N ti i boloka dɛɛ!

Yasowa 10:40

Yasowa anubɛ ala kɛlɛ-dannu ya sɛnbɛ sɔrɔn nyamanɛ wo kuma anubɛ a mansɛ minnu bi kɔnkɔ-nyamanɛ rɔ anubɛ minnu bi dugula wara la. Ka a dabira Kɛdɛsi-Baniya soe dugu la ha ka ta ke Kesa soe ma kɔgɔ-yi dafɛ anubɛ Kosɛn nyamanɛ bɛɛ ma ha ka ke Kibiyon soe ma, anu ya nyamanɛ wo bɛɛ halaki iko Isirɛlata Mari Alla ya a fɔ anu ye nya min.

Yasowa 10:42

Yasowa anubɛ ala kɛlɛ-dannu ya sɛnbɛ sɔrɔn kɛlɛ-wa-kelan wo rɔ bawo Isirɛlata Mari Alla ya kɛlɛ wo kɛ anu ye.

Yasowa 10:8

Mari ya a fɔ Yasowa ye ko, “I kana kilan bawo n bara mɔgɛ wonu don wo bolo. Hali mɔgɔ kelen ti sɔ wo yarɔ ka wo nɔ.”

Yasowa 11:17

Ka a dabira Halaka kɔnkɛ ma dugu la Idɔm soe da kɔrɔ, ha ka ta ke Beyali-Kadi soe ma kantɔ Lɛbanan lɛɛ rɔ Hɛrɔman kɔnkɛ kɔrɔ, Yasowa ya wo bɛɛ nɔ.

Yasowa 21:44

Mari ya yisi-kimɛ di anu ma iko a ya lanyiri kiri anu benbanu ye nya min fɔlɔn. Hali sibolo-kelen-bɛrɛn ma nɔ-ko sɔrɔn anu ma bawo Mari ya sɛnbɛ di Isirɛla mɔgɛnu ma anu yogenu kuma kɛlɛ-kɛ-tinɛ.

Yasowa 23:3

“Kaka, n bara kɔrɔya. Wo ara koe bɛɛ yen Mari ya min ma sibolo-gbɛrɛ kɛ bɛɛsi la wolela ko la. Wota Mari le ya anu kɛlɛ wo ye.

Yasowa 23:9

Mari ya wo yogo-sɛnbɛmɛnu gben wo yarɔ. Sibolo-kelen-bɛrɛn ma ke wo nɔla.

Yasowa 6:2

Mari ya a fɔ Yasowa ye ko, “N si Yɛrikɔ mɔgɛnu don wo bolo anubɛ a mansɛ anubɛ a kɛlɛ-kɛla-wɛnu.