Tɔn-Fɔɛ-Fila-Nyɔgɛ 7:16 - ALLALA KUMƐ

¹⁶ Mari Alla ye sibole minnu donna wo bolo, wo kana kinikini anu ma. Wo ni anu damasi faga tɛrr! Wo kana anuna bɛsɛnu kɔ. Ni wo ya wo ma, wo si ma gbalo la wo ye.

Tɔn-Fɔɛ-Fila-Nyɔgɛ 7:16 ပူးပေါင်းရင်းမြစ်များ

Yaburi 106:34

Anu ma sibolo-gbɛrɛnu faga iko Alla ya a fɔ anu ye nya min.

Yaburi 106:36

Allata mɔgɛnu ya bɛsɛnu kɔ. Wo nara kasarɛ la anu ma.

Bɔ-Koe-Iyipiti 23:33

Wo ka sɔn sibole wonu ni sigi wola nyamanɛ wo rɔ. Ni wo ya wo ma, anu si wo ladon hakɛ rɔ nde, Mari kan ma. Ni wo ya anuna bɛsɛnu kɔ, wonu si ma gbɛrɛ la wo ye ka wo faga.”

Yɛrɛmaya 21:7

Kɔnɔ Mari ya a fɔ fanan ko ale Sɛdɛkaya wo, ala mɔgɔ-banu wo, hali kiraya-fitinɛ anubɛ kɛlɛ-fitinɛ anubɛ kɔnkɔ-fitinɛ foora wole minnu na wo, Mansa Nɛbukanasa faga-sɔgɛ ye mɔgɛ minnu na, wonu denu si ta wo la, ado ale mansɛ ti kinikini wo ma ka wo fenfen yamasansan. A si wo damasi faga tɛrr! Mari nyɛrɛ kan le kɛ la.

Yilan-Yilan Koe 33:55

“Kɔnɔ n bi wo makawandila ko ni wo ma mɔgɛ kɛnu gben minnu bi tola wo tɛma, wonu si wo tɔrɔ iko wɔnɛ tenbi mɔgɔ yɛ rɔ, ni wo ma, iko tanba-sungban tenbi mɔgɛ kɛɛ kɔrɔ. Anu si wo yakɔrɔ-mamɔ tuma-wo-tuma ka to wo kɛlɛla.

1 Kɔrɛnti 15:33

Wo kana sɔn ko mɔgɛnu ni wo yanfa. “Wo bɔ-yogomɛnu si wola kɛ-nya-nyimɛnu tinya.”

Tɔn-Fɔɛ-Fila-Nyɔgɛ 13:8

i kana sɔn ka i tole masɔ mɔgɔ-su wola kɛwuya-kumɛ la ka bila a fɛ. I kana kinikini a ma ka a latanka.

Tɔn-Fɔɛ-Fila-Nyɔgɛ 13:9

Wo wa wuli ale mɔgɛ mabonna tumɛ min ka a faga, ile fɔlɔn ni kuri lakɛ a ma.

Tɔn-Fɔɛ-Fila-Nyɔgɛ 19:13

Wo kana kinikini a ma hali doni bɛrɛni! Wo si mɔgɔ-fagalɛnu bɔ Isirɛla mɔgɛnu tɛma feu, alako wola koe bɛɛ si ta a kilɛ fɛ wo bolo nya min.

Tɔn-Fɔɛ-Fila-Nyɔgɛ 19:21

Wo kana kinikini mɔgɔ-sufa wonu ma mumɛ! Wonuta tɔrɔyɛ si ma ka le. Ni mɔgɔla tɔgɔ-sanɛ ya a ma, mɔgɛ do ni faga, anu si ale fanan faga. Ni mɔgɛ do ya a ma, mɔgɔ yɛ ni tii, anu si ale fanan yɛ tii. Ni mɔgɛ do ya a ma, mɔgɔ nyin ni keri, anu si ale fanan nyin keri. Ni mɔgɛ do ya a ma, mɔgɔ bole ra ni keri, anu si ale fanan bole rakeri. Ni mɔgɛ do ya a ma, mɔgɔ kian ra ni keri, anu si ale fanan kian rakeri.”

Tɔn-Fɔɛ-Fila-Nyɔgɛ 25:12

wo kana kinikini musi wo ma. Wole Isirɛla mɔgɛnu si musi wo bole tɛgɛ a la.

Tɔn-Fɔɛ-Fila-Nyɔgɛ 7:2

Wota Mari Alla wa mɔgɛ kɛnu don wo bolo tumɛ min ka anu nɔ, wobɛ mɔgɛ wonu kana ko-wo-ko lakiri wo nyɔgɔn tɛma. Wo kana kinikini anu ma fanan, fɔ ka anu damasi faga tɛrr!

Tɔn-Fɔɛ-Fila-Nyɔgɛ 7:25

Wo ni anuna bɛsɛnu mintan. Sɛnɛ anubɛ wodi-gbɛ minnu bi anuna bɛsɛnu ma, a sɔgɔ kana wo bira ka wonu bi. Ni wo ya wo ma, wo si ma gbalo la wo ye bawo wo ko-sunu ma di Alla ye hali doni bɛrɛni!

Yasowa 11:20

Mari ya Isirɛla yogenu yisi gbɛlɛya alako anu ni Isirɛla mɔgɛnu kɛlɛ. Wo le ya a ma, Isirɛla mɔgɛnu si anu bira ka anu nato dogbe! Anu ma anu buri anu kɔrɔ. Mari ya a fɔ Musa ye nun ko anu kana kinikini anu fenfen ma.

Kɛlɛ-Kurugbɛnu 2:12

Anu benbanuta Mari Alla min bɔra anu na Iyipiti nyamanɛ rɔ, anu ya anu ban wo la. Anu ya mɔgɛ minnu taran nyɔ, wonu bi bɛsɛ minnu kɔla, anu denu fanan donta bɛsɛ wonu kɔɛ rɔ. Wo le ya a ma, Mari fonde bɔra anu kuma.

Kɛlɛ-Kurugbɛnu 2:3

Woletɔ n bara a latɛgɛ ko n ti mɔgɛ wonu gben wo yarɔ tun. Anu si ma wo yogenu na. Anuna bɛsi-kɔ-koenu si wo bira iko gbɛrɛ.”

Kɛlɛ-Kurugbɛnu 3:6

Anu ma anu halaki fɔ ka anu ma anu furu-nyɔgɛnu na. Isirɛla keminɛnu ya anuna dunmusinu furu. Anu denu fanan ya Isirɛla mɔgɛnuna dunmusinu furu. A ma mɛ lefan, Isirɛla mɔgɛnu bilara anuta bɛsi-kɔ-koenu tɔ.

Kɛlɛ-Kurugbɛnu 8:27

Kidiyɔn ya sɛnɛ wonu nalee ka a ma fɔlɔnfalan-kundi la. A tara wo la a warɛ Ɔfara soe burɔ. Isirɛla mɔgɔ damasi ya hakɛ kɛ ka don sɛnɛ-fɔlɔnfalan-kundi wo batoe rɔ. Sɛnɛ min manɛ fɔlɔnfalan-kundi wo la, wo mara gbɛrɛ la Kidiyɔn anubɛ ala denbayɛ ye.