Tɔn-Fɔɛ-Fila-Nyɔgɛ 7:15 - ALLALA KUMƐ

¹⁵ Mari si wo tanka kiraya-yogomɛ su bɛɛ ma. Wo duruta kiraya-yogoma-su minnu sɔrɔnna Iyipiti, wonu ti wo bira tun, fɔ wo yoge minnu bi wola foolɛ rɔ.

Tɔn-Fɔɛ-Fila-Nyɔgɛ 7:15 ပူးပေါင်းရင်းမြစ်များ

Yaburi 91:10

kasara-wo-kasara ti ke i ma tun, ado karagbɛlɛya-ko fenfen ti gbɛrɛn ila bɔn ma

Bɔ-Koe-Iyipiti 15:26

Mari ko, “Wo ni wo tole masɔ n kuman-kan la a kin na! Koe minnu telennɛ nde, Mari Alla yala, wo ni wonu ma ka nta tɔn bɛɛ bira. Ni wo ya wo ma, n ya kirayɛ minnu sigi Iyipiti kɛnu ma nun, n ti wo fenfen sigi wole ma bawo nde, Mari le wo rakɛndɛyalɛ la.”

Bɔ-Koe-Iyipiti 23:25

Ni wo ya nde, Mari Alla bato, n si dɔn-fan anubɛ yi di wo ma duk, ka kiraya kuntan bɛɛsi bɔ wo tɛma.

Bɔ-Koe-Iyipiti 9:11

Mansɛla kofo-dan wonu ma ke anu sɔla Musa yakɔrɔ sumunɛ wonuna ko la kamasɔrɔn sumunɛ sigira kofo-dan wonu ma anubɛ Iyipiti mɔgɛ bɛɛ.

Tɔn-Fɔɛ-Fila-Nyɔgɛ 28:27

Mari si sumunu-kirayɛ sigi wo ma iko a ya a ma Iyipiti mɔgɛnu na nya min nun. Tɛlɛ anubɛ tɛli-wonke si taran wo fɛrɛ ma belenna da-wo-da. Nyɛkɛ si wuya wo fɛrɛ ma belenna iko koronya-munke. Kɛnu bɛsi mumɛ ti taran mɔgɔ bolo.

Tɔn-Fɔɛ-Fila-Nyɔgɛ 28:60

A ya kiraya-yogomɛ min bɛɛsi lana Iyipiti mɔgɛnu kuma nun, a si kiraya-yogomɛ wonu kɛ wole fanan ma taragba! Wo ti kɛndɛya mumɛ!

Tɔn-Fɔɛ-Fila-Nyɔgɛ 30:7

Alla si wola dankali-yogomɛ wo yɛlɛma ka a lasɛgi wo yogenu ma minnu ya wo bira boloko-yogomɛ-kɛ.