Tɔn-Fɔɛ-Fila-Nyɔgɛ 7:13 - ALLALA KUMƐ

¹³ A si wo keni ka ata duwɛ layigi wo kuma. Wo ni siyaya ka yiri boi! A si ata duwɛ layigi wola nyamanɛ rɔ, wo ni ki-fen-siyaman sɔrɔn. Alla si ata duwɛ layigi wo kuma, wola kolo-fannu si sabati. A si duwɛ kɛnu di wo ma lanyiri-nyamanɛ wo rɔ.

Tɔn-Fɔɛ-Fila-Nyɔgɛ 7:13 ပူးပေါင်းရင်းမြစ်များ

Nihɛmaya 9:32

“E, mata Alla, i makawara. I makilannɛ ita sɛnbɛ la. Sarama-kan min kirinɛ ma tɛma, ile ara itɛ latɔnbagaya. Kebi Asiriya mansɛnu ya ma tɔrɛ min dabira, ha bi, ma ye tɔrɔya kelen wo le kun na. Mala mansa wo, mala kun-tigi wo, mala saraka-masɔla wo, mala nɛbi wo, ma benbanu wo, anubɛ mala mɔgɛ toenu wo, ma dama ye tɔrɔyɛ wo rɔ. I yandi, i miri mala tɔrɔyɛ yirika ma.

Yobu 1:10

Ale wo, ala denbayɛ wo, ala kolo-fannu wo, i ye anu natankala tuma-wo-tuma. Hali a ya a bole bila fenfen tɔ, ile si a ma, wo ni sabati a bolo. I wara kolo-fan minnu di a ma, wo si nyamanɛ wo lafa le.

Yobu 42:12

A ya Marita duwɛ min sɔrɔn tɔɛ kɛ la, wo tenbira a fɔlɔtɛ la. A ya saga waga tan-ni-nani (14,000) sɔrɔn tun. Wo kɔma, a ya nyomo waga wɔrɔ (6,000) sɔrɔn tun. A ya sara-ninki waga fila (2,000) sɔrɔn tun. Wo kɔma, a ya sofɛlɛ waga kelen (1,000) sɔrɔn.

Yaburi 1:3

Mɔgɔ-sufa wo mani de iko kɔlɔma-kuri min kinɛ yi da la. A si gbɔ a tumɛ rɔ. A yanba-kunyɛ fanan ti gbala mumɛ! Mɔgɛ wo wa a bole don fenfen tɔ, wo ti sɛgi kɔma.

Yaburi 107:38

Allata duwɛ yigira mɔgɛ kɛnu ma. Wonu yirita bui! Kasara ma sigi anuna ninkinu na tun.

Yaburi 11:7

Mari telennɛ, ado kɛwɔli-nyimɛ di a ye. Minnu bi wonu mala, wonu si sigi Mari fɛ.

Yaburi 127:3

Mari le si dannu di mɔgɛnu ma, ado duwa-bɛrɛbɛrɛ le wonu na.

Yaburi 146:8

A si fiyɔnnu yɛ laka. A si mɔgɔ-buinɛnu nasɔ. Telenbagɛnu di Mari ye.

Bɔ-Koe-Iyipiti 23:25

Ni wo ya nde, Mari Alla bato, n si dɔn-fan anubɛ yi di wo ma duk, ka kiraya kuntan bɛɛsi bɔ wo tɛma.

Hɛnkilimaya-Kumɛnu 10:22

Marita duwɛ, wo le kelen pe si mɔgɛ ma nɔnfulu-tigi la, ado mɔgɔ ti ke fen sala wo kuma a nyɛrɛta sɛnbɛ la.

Hɛnkilimaya-Kumɛnu 15:9

Karagbɛlɛ kɛ-nya ma di Mari ye kɔnɔ mɔgɛ min bi ko-latelennɛ mala, wo le di Mari ye.

Saraka-Masɔlɛnuta Tɔnnu 26:9

N si to duwala wo ye alako wo ni yiri bui! Ma ara lanyiri min kiri ma nyɔgɔn tɛma wona, nde si n baralɛ latɔnbagaya.

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

Yɔni 14:21

Minnu ba nna kumɛ bira ka to a kɛla, n di wonu denu ye, ado wonu si diya n Fa Alla ye fanan. Anu si diya nde ye ka n nyɛrɛ yira anu na.”

Yɔni 15:10

Ni wo ya nna kumɛ bira, wo si to nta keninteyɛ tɛma wo rɔ iko n ya n Fa Allala kumɛnu bira nya min ka to aleta keninteyɛ tɛma.

Yɔni 16:27

bawo n Fa Alla nyɛrɛ ara wo keni. A ara wo keni bawo wo ara nde keni, ado wo ara la a la ko n bɔra Alla warɛ le.

Tɔn-Fɔɛ-Fila-Nyɔgɛ 1:8

A ko, ‘Nde, Mari ara nyamanɛ wo mumɛ di wo ma. N ya lanyiri kiri Iburayima fɔlɔn ye nun anubɛ ala dan Isiyaka anubɛ Isiyakata dan Yakoba ye ha ka ta a sigi anu kegeyɛnu na. Wo ta nyamanɛ wo mumɛ bi ka wo sigi nyɔ.’ ”

Tɔn-Fɔɛ-Fila-Nyɔgɛ 13:17

Wo kana mɔgɛ wonu bolo-fan ma wo halalɛ la, fɔ ka a dama mintan tɛrr! Wo si a ma, Mari fonde ni kimɛ. A ni kinikini Isirɛla mɔgɛ toenu ma. A si a ma, wo ni siyaya iko a ya lanyiri kiri wo benbanu ye nya min.

Tɔn-Fɔɛ-Fila-Nyɔgɛ 28:1

Musa ya a fɔ Isirɛla mɔgɛnu ye ko, “Ni wo ya wota Mari Alla kuman-kan latɔnbagaya ka ata tɔnnu bira iko n bara min di wo ma kɛ la bi, a si a ma, wo ni sɛnbɛ sɔrɔn ka tenbi sibolo-toenu na duninya rɔ.

Tɔn-Fɔɛ-Fila-Nyɔgɛ 28:11

Wota Mari Alla si den-siyaman di wo ma anubɛ kolo-fannu anubɛ sɛnita-fannu lanyiri-nyamanɛ wo rɔ.

Tɔn-Fɔɛ-Fila-Nyɔgɛ 30:5

A si a ma, wo kegeyɛnu ni anu sigi anu benbanuna tonbon-kɔrɛ rɔ. Wota Mari si a ma, wo ya wo bole don ko-wo-ko rɔ, wo si wo munanfaga ka tenbi wo benbanu na, ado wo si yiri boi, ka tenbi wo benbanu na.

Tɔn-Fɔɛ-Fila-Nyɔgɛ 7:7

“Mari ma wole keni ka wo yabɔ bawo wo siya sibolo-doinu ko, ado a ye wo yabɔla wati min, sibolo-dɔgɔmanɛ le wole la nun duninya-sibolenu tɛma.