Tɔn-Fɔɛ-Fila-Nyɔgɛ 7:1 - ALLALA KUMƐ

¹ Musa ya a fɔ Isirɛla mɔgɛnu ye tun ko, “Wota Mari Alla si ta wo la nyamanɛ wo rɔ, wo ye nala sigila kan min. Wo tamatoe, wo si sibolo wɔrɔnfila gben wo yarɔ. Wonu fanka kolo wotɛ ko, ado anu siya wo ko. Sibole wonu tɔgɛ le kɛnu na. Hɛtinu wo, Kagasanu wo, Amoranu wo, Kenannu wo, Perasanu wo, Hefanu wo, anubɛ Yebusinu.

Tɔn-Fɔɛ-Fila-Nyɔgɛ 7:1 ပူးပေါင်းရင်းမြစ်များ

1 Mansɛnu 16:31

A ya hakɛ min kɛ iko Mansa Yɛrabowamitɛ, wo ma a wasa. A sɛgira tala Saidon Mansa Ɛtibeyalila dunmusi furula. Musi wo tɔgɛ le Yɛsɛbɛli. Wo kɔma, a ya bɛsɛ do kɔ min tɔgɛ Beyali.

1 Ko-Kɔrɔta-Karan 1:14

Kenan kegeyɛ fanan do le Yebusinu wo, Amoranu wo, Kagasanu wo,

2 Ko-Kɔrɔta-Karan 8:7

Mansa Silamɛni ya minnu sɔ wɔlɛ kɛ la, Kenan kegeyɛ le wonu na. Isirɛla mɔgɛnu nanɛ nyamanɛ wo rɔ, anu ma anu denu faga. Amoranu bi kɛnu denu tɛma. Hɛtinu fanan basannɛ anu na. Pɛrasanu anubɛ Yɛbusinu fanan kofunɛ anu ma. Ha bi, wonu donu bi yɔɔnyɛ rɔ Isirɛla mɔgɛnu bolo.

Ɛsira 9:1

Kɛ dama kanɛ a la, Isirɛla mɔgɔ-ba donu nara a fɔ n ye ko, “A saraka-masɔla wo, a Lifayi wo, a Isirɛla mɔgɔ wo, anu do-wo-do ma sɔn sibolo-gbɛrɛnu masangbala minnu bi mala foolɛ rɔ. Anu taranta basanna Amon kɛnu anubɛ Mohabu kɛnu anubɛ Iyipiti kɛnu na. Kenannu wo, Hɛtinu wo, Perasanu wo, Yɛbusinu wo, anubɛ Amoranu, anu taranta basanni wonu na, ado anu bi kisimiriya-koenu mala iko mɔgɛ wonu bi a mala nya min.

Nihɛmaya 13:23

Wati kelan wo rɔ, n ya a taran, Yahudiya donu bara sibolo-gbɛrɛkɛ-musinu furu Asadadi soe burɔ anubɛ Amonnu tɔ anubɛ Mohabu mɔgɛ donu tɔ.

Yaburi 78:55

Iko ala mɔgɛnu bi tala nya min, a tora nyɔ-sigila-kɔrɛnu gbenna wo nya na le. A ya nyamanɛ ratala Isirɛla bɔnsɔnnu na. A ya anu yogenuna bɔnnu natenbi anu ma.

Bɔ-Koe-Iyipiti 15:7

Minnu wulita ila mɔgɛnu kan ma, i wara wonu nabui ka anu dɛ ragborokan ita sɛnbɛ-makawanɛ la. I ya ila diminyɛ lana anu kuma ka anu mintan iko bin-gbalɛ.

Bɔ-Koe-Iyipiti 23:28

N si a ma, anu kun ma ni kɔ wo yarɔ. N si to Hefanu anubɛ Kenannu anubɛ Hɛtinu gbenna wo yarɔ

Bɔ-Koe-Iyipiti 23:32

Wobɛ wonu kana lanyiri kiri wo nyɔgɔn tɛma. Wo kana lanyiri kiri bɛsɛnu ye.

Bɔ-Koe-Iyipiti 23:33

Wo ka sɔn sibole wonu ni sigi wola nyamanɛ wo rɔ. Ni wo ya wo ma, anu si wo ladon hakɛ rɔ nde, Mari kan ma. Ni wo ya anuna bɛsɛnu kɔ, wonu si ma gbɛrɛ la wo ye ka wo faga.”

Bɔ-Koe-Iyipiti 33:2

N si nta melika ma i yarɔ-sɔlɛ la ka Kenannu wo, Amoranu wo, Hɛtinu wo, Perasanu wo, Hɛfanu wo anubɛ Yebusinu gben wo yarɔ.

Bɔ-Koe-Iyipiti 6:8

N ya lanyiri kiri nyamanɛ min di-koe rɔ Iburayima anubɛ Isiyaka anubɛ Yakoba ma, n si a ma, anu ni ta anu sigi nyamanɛ wo rɔ. N si nyamanɛ wo ma anu halalɛ la.”

Saraka-Masɔlɛnuta Tɔnnu 14:34

fundannu bɔ-koe bɔnnu ma. (Kɔnɔ tɔn kɛnu sa Isirɛla mɔgɛnuna ko la anu bi kan min kaka. Kɔnɔ anu ba ta Kenan nyamanɛ rɔ tumɛ min, anu si tɔn kɛnu bira.)

Yilan-Yilan Koe 13:29

Ma ya Amalɛki mɔgɛnu taran Kenan dugula wara la. Hɛtinu wo, Yɛbusinu wo, Amoranu wo, wonu siginɛ kɔnkɛnu tɛma. Kenan mɔgɛ donu siginɛ Mɛdetereniyan kɔgɔ-yi dafɛ anubɛ donu fanan siginɛ Yorodan bɛ wara la.”

Kɛwɔlɛnu 13:19

A ya sibolo wɔrɔnfila halaki Kenan nyamanɛ rɔ ka anuta dugi di ma benbanu ma.

Tɔn-Fɔɛ-Fila-Nyɔgɛ 11:29

Mari wa ta wo la wo sigi tinɛ wo rɔ tumɛ min, Mari ya duwɛ min kɛ wo ye kɛ la, wo si wo labira Kɛrisim kɔnkɛ bu la. Mari ya dankɛ min kɛ kɛ la, wo si wo labira Ebali kɔnkɛ bu la.

Tɔn-Fɔɛ-Fila-Nyɔgɛ 20:1

Musa ya Mari kuman-kan latenbi ko, “Wo wa ta wo yogenu kɛlɛ tinɛ, ni wo ya a yen ko anuna soeenu anubɛ anuna kirindinu siya wotɛnu ko, hali anuna kɛlɛ-dannu siya wotɛnu ko, wo kana kilan anu na. Wota Mari Alla min ya wo kisi ka wo labɔ Iyipiti, wo si to wo fɛ.

Tɔn-Fɔɛ-Fila-Nyɔgɛ 20:16

“Wo wa ta Kenan mɔgɛnu kɛlɛ tinɛ tumɛ min, wo si a mɔgɛ damasi faga.

Tɔn-Fɔɛ-Fila-Nyɔgɛ 31:20

N bara anu benbanu yili-madiya nyamani-hakikɛ min na, n si anu bi ka ta anu na nyɔ rɔ. Anu bi nyinina dɔn-fan min bɛɛsi ma, anu si wo bɛɛsi sɔrɔn nyɔ rɔ. Anu si taran anu diya nyɔ. Kɔnɔ hali wo, anu si anu kan-kɔ sɔ n na ka don bɛsi-kɔ-koenu tɔ. Anu si anu ban n na ka ma-tɛma-sarama-kan tinya.

Tɔn-Fɔɛ-Fila-Nyɔgɛ 31:3

Kɔnɔ wota Mari Alla nyɛrɛ-nyɛrɛ si sɔ wo yarɔ ka ta sibolo-gbɛrɛ wonu kɛlɛ minnu bi nyɔ kaka. Wo si ta wo sigi wo yoge wonu gbɛ rɔ nyamanɛ wo rɔ. Yasowa le ye mala wota kun-tigi la iko Mari ya a fɔ nya min nun.

Tɔn-Fɔɛ-Fila-Nyɔgɛ 4:38

Wo tenbi tagamana nun, a ya wo yogo-siyamɛnu gben wo yarɔ minnu tagbɛlɛ wo ko. A ya wo ma alako wo ni anuna nyamanɛ sɔrɔn wo siginɛ min tɔ kaka.

Tɔn-Fɔɛ-Fila-Nyɔgɛ 6:1

Musa ya a fɔ Isirɛla mɔgɛnu ye tun ko, “Mata Mari Alla ya tɔn kɛnu don n bolo ka wo karan anu na. Wo ye nala wo sigila wola nyamanɛ min tɔ kaka, wo wa ke nyɔ rɔ, wo si tɔn kɛnu bira.

Tɔn-Fɔɛ-Fila-Nyɔgɛ 6:10

Musa ya a fɔ anu ye tun ko, “Iko wota Mari Alla ya lanyiri kiri wo benbanu ye nya min, Iburayima, Isiyaka, anubɛ Yakoba, kɔni, a ko a si nyamanɛ di wo ma so-belebelenu sɔnɛ min tɔ wo ma minnu sɔ. Anu kin. Nɔnfuli siyaman bi anu tɔ.

Tɔn-Fɔɛ-Fila-Nyɔgɛ 6:23

A ya ma labɔ Iyipiti ka na ma la yan tɔ ka nyamanɛ kɛ di ma ma iko a ya lanyiri kiri ma benbanu ye nya min.

Tɔn-Fɔɛ-Fila-Nyɔgɛ 9:1

Musa ya a fɔ Isirɛla mɔgɛnu ye ko, “Wo ni wo tole masɔ! A ara to doni, wo ni Yorodan bɛ kɛ tɛgɛ ka ta wo sigi mɔgɔ-ragbɛlɛmɛnuna nyamanɛ rɔ, ado anu siya wo ko kati! Anuna soenu kolo dɔgɔma-ma-de! Anuna tarɛnu yan pon!

Tɔn-Fɔɛ-Fila-Nyɔgɛ 9:3

Kɔnɔ kaka, wo si a yen wota Mari Alla ye tala wo yarɔ iko ta-wɔnkɔrɔmɛ. Wo ye tala nya min, ale Mari ye tala mɔgɛnu nɔla wo yarɔ wo nya na le. Wo si ke le ka anuna nyamanɛ bi anu bolo ka anu faga tiriya iko Mari ya lanyiri kiri wo ye nya min.

Tɔn-Fɔɛ-Fila-Nyɔgɛ 9:4

“Wota Mari Alla wa ban fanka dila wo ma tumɛ min ka mɔgɛ kɛnu faga, wo kana wo miri bawo wo sɔn kin, woletɔ a ya nyamanɛ wo di wo ma. Kɔnɔ a sa wo nya. A ya nyamanɛ wo di wo ma bawo Kenan mɔgɛnu wunduyogo.

Yasowa 24:11

“Wo ya Yorodan bɛ tɛgɛ ka na Yɛrikɔ. Nyɔ-mɔgɛnu ya wo kɛlɛ. Amoranu wo, Perasanu wo, Kenannu wo, Hɛtinu wo, Hefanu wo, Kakasanu wo, anubɛ Yebusinu, wonu dama ya wo kɛlɛ fanan kɔnɔ ale Mari ko a ya nɔlɛ di wo ma wo bɛɛ kuma.

Yasowa 3:10

Ma tenbi tala Kenan nyamanɛ rɔ tumɛ min, Alla si sibole kɛnu gben ma yarɔ, Kenannu, Hɛtinu, Yebusinu, Hefanu, Kagasanu, Perasanu, anubɛ Amoranu.