Tɔn-Fɔɛ-Fila-Nyɔgɛ 6:7 - ALLALA KUMƐ

⁷ Wo taranta kan-bo-kan, wo ni to wola dannu makolola karan kɛ la. Wo tenbi luyi ma wo, wo tenbi bɔn na wo, wo tenbi wɔlila wo, wo tenbi wo sulenna wo, wo ni to a karanna wola dannu ye tuma-wo-tuma.

Tɔn-Fɔɛ-Fila-Nyɔgɛ 6:7 ပူးပေါင်းရင်းမြစ်များ

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

Yobu 8:10

Woletɔ ma ni hɛnkili nyini ma benbanu bolo. Kebi fɔlɔ, bɛɛ ya a lɔn ko hakɛ-tiginu si tɔrɔ. Anu bi nala ma hɛnkili kɔla anuta lɔnnɛ min na, ma ni wo lamɔɛn.

Yaburi 119:13

I ya tɔn minnu di ma ma, n si n kuli mayɛlɛ wonu karan tinɛ.

Yaburi 119:46

N si ita tɔnnu wara-koe fɔ mansɛnu ye, ado n ti miliya mumɛ!

Yaburi 129:8

Mɔgɔ-wo-mɔgɔ tenbira anu dafɛ, wo fenfen ti a fɔ ko, “Marita duwɛ ni yigi wo kuma. Mari ni to wo fɛ.”

Yaburi 37:30

Hɛnkilimayɛ ye mɔgɔ-nyimɛta kumɛ rɔ. A ti lafisayalɛ kɛ.

Yaburi 71:17

I ya n nabila kebi n dennɛ, ado ha bi, n bi ila kabana-koe rakaranna.

Hɛnkilimaya-Kumɛnu 10:21

Mɔgɔ-nyimɛta kumɛnu si tɔnɛ di mɔgɛnu ma kɔnɔ kun-takolɔnnu-tɔgɔ si to anuna kuntanyɛ la.

Hɛnkilimaya-Kumɛnu 15:2

Hɛnkilimɛta kumɛ si hɛnkili di mɔgɛnu ma kɔnɔ kuntanya-kumɛ si to tugula kuntan dɛ rɔ.

Hɛnkilimaya-Kumɛnu 15:7

Hɛnkilimɛ si lɔnnɛ ranyɛnsɛn mɔgɛnu tɛma kɔnɔ kuntanyɛ ti wo ma.

Hɛnkilimaya-Kumɛnu 6:22

I tenbi tagama rɔ, karan wo si i sɔ kilɛ ma. I tenbi sani, a si i kandan. I tenbi i yala, a si to i kawandila.

Aiseya 38:19

Nilamɛnu denu bi i tantola iko n bi i tantola nya min kɛ la. Mɔgɛnu bi ila telenbagayɛ wara-koe fɔla anuna dannu ye.

Malakayi 3:16

Wo kɔma, minnu bi Alla gbiliyala, wonu bi kirabɔla anu nyɔgɔn na. Mari ye a wɔlɔ matɔlɔla wonu na. Anu bi min bɛɛsi fɔla, a ye wonu namɔɛnna. Mɔgɛ min bɛɛsi ye Alla gbiliyala, wonu tɔgɛ sɛbɛnɛ Allata hɛnkili-lamiri-buku rɔ.

Matiyu 12:35

Mɔgɔ-nyimɛ si ko-nyimɛ labɔ ata nyimayɛ rɔ. Sɔn-yogoma-tigi si ko-yogomɛ labɔ ata sɔn-yogomɛ rɔ.

Luka 6:45

Mɔgɔ-nyimɛ si ko-nyimɛ labɔ a yisi rɔ. Mɔgɔ-yogomɛ si ko-yogomɛ labɔ a yisi rɔ, ado mɔgɔ yisi fanɛ min na, a dɛ ye wo le fɔla.

Ɛfɛsa 4:29

Wo kana kuma-dumanɛnu fɔ kuma tinɛ, fɔ mɔgɔ-dɛnbɛn-kumɛnu dɔrɔn! Wo si ko nyinya mɔgɛnu ma ka duwɛ lana wonu ma minnu bi anu tole masɔla wo kan la.

Ɛfɛsa 6:4

Wole denbɛnu, wo kana wola dannu manyini fɔ ka anu makolo dɛnkɛninyɛ makololi-nya la.

Tɔn-Fɔɛ-Fila-Nyɔgɛ 11:19

Wo taranta kan-bo-kan, wo tenbi luyi ma wo, wo tenbi bɔn na wo, wo tenbi wɔlila anubɛ wo tenbi wo sulenna, wo ni to wola dannu makolola karan kɛ la. Wo ni to anu karanna wola dannu ye tuma-wo-tuma.

Tɔn-Fɔɛ-Fila-Nyɔgɛ 6:2

Wole wo, wola dannu wo, anubɛ wo mamanɛnu ni to wota Mari Alla gbiliyala ka ata tɔnnu bira. Fananta wo ye wo niyi la, ni wo ya wo ma, wo si mɛ siginɛ nyamanɛ wo rɔ.

Kɔlɔsi 4:6

Wola kumɛ ni mɔgɔ hɛnɛ ka diya tumɛ bɛɛ. Wo ni mɔgɛ bɛɛ yabi a kilɛ fɛ.

1 Pita 3:15

Min fisa, wo ni Kirasiti gbiliya wo yisi rɔ ka a ma wo Mari la. Yigi min bi wo rɔ, mɔgɔ-wo-mɔgɔ wa wo manyinika wo ma, wo rabɛnnɛ ni taran tuma-wo-tuma ka wo faranfasi mɔgɛ wo ye.

Ruti 2:12

Alamɛ Mari ya i sara wo la. I wara na Isirɛla mɔgɛnuta Mari Alla wara ka don a kanban kɔrɔ i kisi-koe la. Alamɛ Alla ya i sara boi!”

Ruti 2:4

A ma mɛ wo kɔma, Bowasi fanan nara ala wɔli-kɛlɛnu gba ma sɛnɛ rɔ ka bɔ Bɛtalehɛm. A ya anu wɔlɛ bɔ, a ko, “Alamɛ Alla tora wo fɛ.” Anu fanan ya a labira, anu ko, “Alamɛ Alla tora ile fanan fɛ.”

Ruti 4:11

Mɔgɔ-ba wonu ya a fɔ ko, “Male ara ma i sereyɛ la.” Mɔgɔ-ba wonu ya duwɛ dabira Bowasi ye, anu ko, “Alamɛ ila musi Ruti yirita iko ma benba Yakobata musinu Resɛli anubɛ Liya yirita nya min. Alamɛ ile mara bana la Ɛfarati kebilɛ la ka ma tɔgɔ-tigi la Bɛtalehɛm soe kɛ rɔ.