Tɔn-Fɔɛ-Fila-Nyɔgɛ 6:3 - ALLALA KUMƐ

³ Wole Isirɛla mɔgɛnu, ni wo si tɔn kɛnu lɔn de a kila-bɛrɛbɛrɛ fɛ ka anu bira, koe bɛɛ si ta a kilɛ fɛ ka diya wo la. Wo bɔnsɔn si siyaya nyamani-hakikɛ wo rɔ iko wo benbanuta Alla kɛ ya lanyiri kiri anu ye nya min nun.

Tɔn-Fɔɛ-Fila-Nyɔgɛ 6:3 ပူးပေါင်းရင်းမြစ်များ

Ko-Dabirɛnu 12:2

N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

Ko-Dabirɛnu 13:16

N si i bɔnsɔn siyaya iko gbangban. Woletɔ ni mɔgɛ si ke gbangban danna, nba, mani i bɔnsɔn si ke danna worɔ.

Ko-Dabirɛnu 15:5

Mari ya a fɔ Burama ye tun ko, “Bɔ luyi ma. I ni lolenu mafɛlɛn san-kole ma. Anu siya nya min, i bɔnsɔn ye siyayala wo nya na le.”

Ko-Dabirɛnu 22:17

ko nta duwɛ si to yigila i kuma serr! N si i bɔnsɔn lasiyaya iko lolenu anubɛ ba-kɛnkɛn siyayanɛ nya min. I bɔnsɔn-mɔgɛnu si anu kɛlɛ-nyɔgɛnu nɔ.

Ko-Dabirɛnu 28:14

I bɔnsɔn si siyaya iko dugi kɛ gbangban ye nya min. I bɔnsɔn si siyaya fanan ka taran duninya-tonko-nanɛ bɛɛ rɔ. Duninya-mɔgɛnu si duwɛ sɔrɔn i bɔnsɔn fɛ.

Yaburi 119:4

Mari, i nyɛrɛ le ya ila tɔnnu di ma ma, ado i ya a fɔ ma ye le ko ma ni anu bira lanayɛ la gben!

Bɔ-Koe-Iyipiti 3:17

N si anu nabɔ Iyipiti tɔrɔyɛ rɔ ka ta anu na Kenan nyamanɛ wo le tɔ, bɔnsɔn kɛnu siginɛ kan min, Kenannu wo, Hɛtinu wo, Amoranu wo, Pɛrasanu wo, Hɛfanu wo, anubɛ Yɛbusinu. Wonu bɛɛsi siginɛ Kenan nyamanɛ wo le tɔ. Nyamani-diyamɛ le nyɔ la.”

Bɔ-Koe-Iyipiti 3:6

A ko tun, “I benba Iburayima wo, i benba Isiyaka wo, anubɛ i benba Yakoba wo, anuta Alla le nde la.” Musa ya a yakɔrɛ yamatogon kamasɔrɔn a kilanta ka Alla ragbɛ.

Bɔ-Koe-Iyipiti 3:8

N bara na anu kunyɛ bɔ tinɛ yɔɔnyɛ rɔ ka anu bɔ Iyipiti kɛnu bolo. N si ta anu na Kenan nyamani-hakikɛ rɔ, Kenannu anubɛ Hɛtinu anubɛ Amoranu anubɛ Pɛrasanu anubɛ Hefanu anubɛ Yebusinu siginɛ kan min. Nyamani-diyamɛ le Kenan nyamanɛ wo la.

Makawandili Kumɛnu 8:12

Hali mɔgɛ ya ko-yogomɛ kɛ iko kɛmɛ, a ni to a niyi la kɔnɔ n lanɛ a la ko min bi Alla gbiliyala, wo wara-koe si tenbi karagbɛlɛtɛ la.

Aiseya 3:10

Mɔgɔ-telennɛnu si sewa, ado anu bara-koe si ta yarɔ. Anu si anu tɔrɔ-gbɛnu tɔnɛ sɔrɔn.

Yɛrɛmaya 42:6

A diyara ma ye wo, a ma diya ma ye wo, fɔ ma wa Mari Allata kumɛ bira le ma ya min madiya-koe fɔ ile Yɛrɛmaya ye. Koe bɛɛ ra si bɛn ma ma, ni ma ya ma Mari Allata tɔnnu bira.”

Yɛrɛmaya 7:23

A ko a ma dan wo dɔrɔn ma de! A ya a fɔ anu ye fanan ko ni anu ya ata kumɛ bira, ale si ma anuta Alla la. Anu denu fanan si ma ata mɔgɛnu na. A ko ni anu ya ala tɔn bɛɛ bira, ko-nyimɛ si to mala anu ye.

Kɛwɔlɛnu 7:17

“Alla ya lanyiri min kiri Iburayima ye, wo wati gbɛrɛnta tumɛ min, mala mɔgɛnu kuma-sara Iyipiti nyamanɛ rɔ ha ka wara.

Tɔn-Fɔɛ-Fila-Nyɔgɛ 11:9

Mari ya lanyiri kiri nyamani-hakikɛ minna ko la wo benbanu anubɛ anu kegeyɛnu ye, wo si simayɛ sɔrɔn ka mɛ sigini nyɔ rɔ.

Tɔn-Fɔɛ-Fila-Nyɔgɛ 26:15

Mari, i kolan layigi Isirɛla mɔgɛnu ma ka bɔ Arinyɛni tɔ ka ma mafɛlɛn. Iko i wara lanyiri kiri ma benbanu ye nya min, i ni ita duwɛ layigi male kuma anubɛ nyamani-hakikɛ kɛ i wara min di ma ma kɛ la.’

Tɔn-Fɔɛ-Fila-Nyɔgɛ 26:9

A nara ma la nyamani-hakikɛ kɛ rɔ.

Tɔn-Fɔɛ-Fila-Nyɔgɛ 31:20

N bara anu benbanu yili-madiya nyamani-hakikɛ min na, n si anu bi ka ta anu na nyɔ rɔ. Anu bi nyinina dɔn-fan min bɛɛsi ma, anu si wo bɛɛsi sɔrɔn nyɔ rɔ. Anu si taran anu diya nyɔ. Kɔnɔ hali wo, anu si anu kan-kɔ sɔ n na ka don bɛsi-kɔ-koenu tɔ. Anu si anu ban n na ka ma-tɛma-sarama-kan tinya.

Tɔn-Fɔɛ-Fila-Nyɔgɛ 4:40

N bi tɔn minnu dila wo ma bi, wo ni wonu bira a kila-bɛrɛbɛrɛ fɛ. Ni wo ya wo ma, ka a bi wole ma ka a sigi wo kegeyɛnu na, koe bɛɛ si bɛn wole ma. Wota Mari Alla ye nala nyamanɛ min natenbila wo ma kɛ la, wo si simayɛ sɔrɔn wo rɔ. A si to wo bolo habadan!”

Tɔn-Fɔɛ-Fila-Nyɔgɛ 4:6

Ni wo ya tɔn kɛnu bira, wo si a yira sibolo-gbɛrɛnu na ko hɛnkilimɛ le wole la. Anu ba wola tɔn kɛnu wara-koe lamɔɛn, fɔ anu ba a fɔ ko, ‘Mɔgɛ kɛnu kusan ko ladanna, anu hɛnkili kolo.’ ”

Tɔn-Fɔɛ-Fila-Nyɔgɛ 8:8

Ki-fen anubɛ fui-fen-su bɛɛ ye nyɔ anubɛ liyi.