Tɔn-Fɔɛ-Fila-Nyɔgɛ 6:25 - ALLALA KUMƐ

²⁵ Ni ma tora latelan rɔ Mari ye ka tɔn bɛɛsi bira, ma si ma a yala telenbagɛnu na worɔ.’ ”

Tɔn-Fɔɛ-Fila-Nyɔgɛ 6:25 ပူးပေါင်းရင်းမြစ်များ

Yaburi 119:6

Ni n hɛnkili tora ila tɔnnu ko, n ti yarabi.

Yaburi 78:7

Wo si a ma, wonu fanan ni la Alla la. Alla ara minnu ma, anu ti nyina wonu ko. Anu si to ata tɔnnu birala tolon!

Hɛnkilimaya-Kumɛnu 12:28

Telenbagayɛ si simaya-kilɛ yira mɔgɛ la, ado kilɛ wo dan sa.

Isikiyɛli 18:9

Mɔgɔ-su wo si nna tɔnnu bira a kilɛ fɛ le. Mɔgɔ-telennɛ le a la, ado a si to a niyi la. Nde, wo Tigi Mari kan le kɛ la.

Isikiyɛli 20:11

N ya nna sereyanu fɔ anu ye ka anu karan nna tɔnnu ma, ado ni min ya wonu bira, wo si siyimayɛ sɔrɔn.

Saraka-Masɔlɛnuta Tɔnnu 18:5

Wo ni nta tɔnnu bira ka a ma iko n ya a fɔ wo ye nya min. Ni wo ya wo ma, wo si kisi. Nde le wota Mari la min bi kɛ fɔla wo ye.”

Romu 10:3

Alla si mɔgɔ latelen a nyɛrɛ ye nya min, anu ma wo lɔn. Anu bara anu taya ka anu nyɛrɛta kilɛ nyini. Alla si mɔgɔ latelen a nyɛrɛ ye kilɛ min fɛ, anu ma sɔnnɛya Alla ye kilɛ wo ma.

Kalesiya 3:12

Dɛnkɛninyɛ mako sa tɔn wara-koe la. Iko a sɛbɛnɛ Allala kitabu rɔ nya min ko, “Ni min si tɔn mumɛ bɛɛ bira, wo tigi si nimayɛ sɔrɔn tɔn-birɛ wo fɛ.”

Tɔn-Fɔɛ-Fila-Nyɔgɛ 24:13

Wura-wo-wura, a si ala duruki wo lasɛgi a tigi ma, a ni to a donna a kan na. Sɔgɔma, a ni a don a ta-nyɔgɛ wo bolo. Wo ko-sunu si ma Mari anubɛ bolo-kolɔn wo diyana-koe la.

Yemesi 2:10

Hali mɔgɛ ya Allata tɔn bɛɛ bira kɔnɔ a ni kelen dɔrɔn tinya, a ara yiliki sɔrɔn a bɛɛ rɔ.