Tɔn-Fɔɛ-Fila-Nyɔgɛ 6:24 - ALLALA KUMƐ

²⁴ Mata Mari Alla ya a fɔ ma ye ko ma ni tɔn kɛnu bira ka ale Mari gbiliya. Ni ma ya wo ma, a si ma kandan ka ma makoenu nyinya iko a ye wo mala nya min kaka.

Tɔn-Fɔɛ-Fila-Nyɔgɛ 6:24 ပူးပေါင်းရင်းမြစ်များ

Yaburi 41:2

Mari si anu nakanan ka anu niyi lakisi. A si a ma, anu ni taran anu diya anuna nyamanɛ rɔ. Mari ti sɔn anu don-koe ma anu yogenu bolo.

Yaburi 41:3

Anu tenbi kirayɛ rɔ, Mari si anu dɛnbɛ. A si anu nakɛndɛya tun.

Yaburi 66:9

A ara ma to ma niyi la. A ma sɔn ma kasara-koe ma.

Bɔ-Koe-Iyipiti 20:20

Musa ya a fɔ mɔgɛnu ye ko, “Wo kana kilan. Alla ara na ka wola dɛnkɛninyɛ kɔrɔbɔ. Alla ye a fɛ, wo ni a gbiliya alako wo kana kilɛ boloka ka hakɛ kɛ.”

Hɛnkilimaya-Kumɛnu 22:4

Ni i ya Mari gbiliya, i ni i nyɛrɛ famayigi a ye. Wo si a ma, i ni nɔnfuli anubɛ gbiliyɛ anubɛ simayɛ sɔrɔn.

Hɛnkilimaya-Kumɛnu 9:12

Ni min ya hɛnkilimayɛ sɔrɔn, wo ara tɔnɛ sɔrɔn. Kɔnɔ ni min ya a kan-kɔ sɔ a la, wo ara bɔnɔ.

Aiseya 3:10

Mɔgɔ-telennɛnu si sewa, ado anu bara-koe si ta yarɔ. Anu si anu tɔrɔ-gbɛnu tɔnɛ sɔrɔn.

Yɛrɛmaya 32:39

A si anu to ko kelen tɔ ka anu miriya ma kelen na alako anu ni to ale Mari gbiliyala tuma-wo-tuma. Wo si ma tɔnɛ la anubɛ anuna dannu ye.

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

Luka 10:28

Yisa ya a fɔ a ye ko, “Ila yabilɛ kɛ telenta. Ni i ya wo ma, i si habadan-nimayɛ sɔrɔn.”

Romu 10:5

Nɛbi Musa ya kɛ le sɛbɛ ka a bɛn telen-koe ma Alla yala tɔn-birɛ fɛ. A ko, “Ni min bi a fɛ ka to a niyi la, fɔ a ni tɔn-kitabu bɛɛ bira minnu sɛbɛnɛ Allala kitabu rɔ.”

Tɔn-Fɔɛ-Fila-Nyɔgɛ 4:1

Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Tɔn-Fɔɛ-Fila-Nyɔgɛ 4:4

Kɔnɔ mɔgɛ minnu ya anu telen wota Mari Alla ye wo wati rɔ, ha kaka wonu kɛndɛ.

Tɔn-Fɔɛ-Fila-Nyɔgɛ 6:2

Wole wo, wola dannu wo, anubɛ wo mamanɛnu ni to wota Mari Alla gbiliyala ka ata tɔnnu bira. Fananta wo ye wo niyi la, ni wo ya wo ma, wo si mɛ siginɛ nyamanɛ wo rɔ.

Tɔn-Fɔɛ-Fila-Nyɔgɛ 6:23

A ya ma labɔ Iyipiti ka na ma la yan tɔ ka nyamanɛ kɛ di ma ma iko a ya lanyiri kiri ma benbanu ye nya min.

Tɔn-Fɔɛ-Fila-Nyɔgɛ 8:1

“N bara Marita tɔn kɛ minnu di wo ma kɛ la bi, wo ni anu bara-koe ma wo fɛrɛma. Ni wo ya wo ma, wo si taran wo diya ka siyaya. Wo si mɛ sigini lanyiri-nyamanɛ wo rɔ.

Tɔn-Fɔɛ-Fila-Nyɔgɛ 8:3

A ya a yira wo la ko wo makoe ye ale la woletɔ a ya wo lakɔnkɔ. Wo kɔma, a ya biredi-su do di wo ma hali wo benbanu ma min dɔn nun. A ya wo ma alako wo kana wo to dɔntɛ dɔrɔn ma, fɔ ale Allata kumɛ, wo ni ma wola dɔn-fan la.