Tɔn-Fɔɛ-Fila-Nyɔgɛ 6:18 - ALLALA KUMƐ

^18-19 Mari ya min bɛɛsi fɔ wo ye, ni wo ya ko-nyimɛ anubɛ ko-latelennɛ wonu kɛ, wo wara-koe si ta yarɔ. Wo si ke le worɔ ka wo yogenu gben ka lanyiri-nyamani-hakikɛ wo bi anu bolo iko Mari ya a fɔ wo ye nya min.

Tɔn-Fɔɛ-Fila-Nyɔgɛ 6:18 ပူးပေါင်းရင်းမြစ်များ

Yaburi 19:11

A ye hɛnkili dila, nde, ata wɔli-kɛlɛ ma. N bi a kan tola a gbɛ rɔ min kɛ, n bi barayi sɔrɔnna wo le tɔ.

Bɔ-Koe-Iyipiti 15:26

Mari ko, “Wo ni wo tole masɔ n kuman-kan la a kin na! Koe minnu telennɛ nde, Mari Alla yala, wo ni wonu ma ka nta tɔn bɛɛ bira. Ni wo ya wo ma, n ya kirayɛ minnu sigi Iyipiti kɛnu ma nun, n ti wo fenfen sigi wole ma bawo nde, Mari le wo rakɛndɛyalɛ la.”

Aiseya 3:10

Mɔgɔ-telennɛnu si sewa, ado anu bara-koe si ta yarɔ. Anu si anu tɔrɔ-gbɛnu tɔnɛ sɔrɔn.

Aiseya 38:3

“E, Mari, i miri n ma. N ya ko-telennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala madiyali-kɛ wo ya a laban di-kɛ ma a bolo.

Isikiyɛli 18:19

“Wo kɛnɛna a fɔla ko, ‘Nfenna ko la, dan kɛ sa tɔrɔla a fala hakɛnuna ko la?’ Wo yabilɛ le ko, ‘Dan wo ya ko-telennɛ anubɛ ko-nyimɛ le ma. A ya nna tɔn bira a kilɛ fɛ, ado fɔ a wa to a niyi la le, yɔ!’

Isikiyɛli 18:21

“Ni karagbɛlɛ ya ata karagbɛlɛyɛ boloka ka nna tɔnnu bira, a ni don ko-telennɛ anubɛ ko-nyimɛ-ladan rɔ, a ti faga worɔ. Fɔ a wa to a niyi la.

Isikiyɛli 18:27

Karagbɛlɛ wa fara hakɛ kɛla ka don ko-nyima-kɛ anubɛ ko-telenni-kɛ rɔ, a si a nyɛrɛ niyi lakanan.

Isikiyɛli 18:5

“Tumado, mɔgɔ-nyima-telennɛ do ye nyɔ

Isikiyɛli 33:14

Hali n ya sɔn-yogoma-tigi makawandi ko a ye nala fagala kɔnɔ ni a ya a bɔ ala ko-yogomɛ da kun tɔ, a ni don ko-telennɛ anubɛ ko-nyima-kɛ ladan rɔ, a ti faga.

Isikiyɛli 33:16

N si a makoto ala ko-yogomɛla ko la. A si to a niyi la bawo a ara ko-nyimɛ anubɛ ko-telennɛ ma.

Isikiyɛli 33:19

Ni sɔn-yogoma-tigi ya a bɔ ala ko-yogoma-kɛ da kun tɔ, a ni don ko-telennɛ anubɛ ko-nyima-kɛ rɔ, a ara a nyɛrɛ niyi lakisi.

Hoseya 14:9

Min sɛbɛnɛ yan tɔ, alamɛ hɛnkilimɛnu ya wo nya-yen. Alamɛ anu ya a sa anu yisi rɔ. Allata kilɛ telenni de tede, ado ni mɔgɔ-telennɛnu bilara a fɛ, anu denu si kisi. Kɔnɔ hakɛ-tiginu si tonko-tankan ka bui bawo anu bara anu ban ale Mari la.

Yɔni 8:29

N Fa min ya n sɔ, wo le ye n fɛ yan. A ma n kelen pe to bawo n bi a diyana-koe kɛla tuma-wo-tuma.”

Romu 12:2

Wo kana wo raya ka wo nyɛrɛ kɛnya duninya kɛ koenu ma fɔ wo ni sɔn ko Alla ni wo sɔndɔmɛ yɛlɛma ka hɛnkili-kurɛ di wo ma. Wo si a ma, wo ni ke Alla sako lɔnna. Alla ye nyinina min ma, wo kin, wo si a diya don a rɔ, ado mɔgɛ ti ke fɛɛ yenna a la.

Tɔn-Fɔɛ-Fila-Nyɔgɛ 12:25

Ni wo ya tɔn kɛnu bira, wo si a ma, Mari ni nyagalen wo la. Wota koe bɛɛ si ta a kilɛ fɛ hali wo mamanɛnu fanan.

Tɔn-Fɔɛ-Fila-Nyɔgɛ 12:28

N bara tɔn kɛ minnu fɔ wo ye kɛ la, wonu biranɛ ni to wo bolo tuma-wo-tuma. Ni wo ya wo ma, koe bɛɛ si ta a kilɛ fɛ wobɛ wo mamanɛnu ye bawo wo ye ko-telennɛ ladanna. Mari si sewa wo la worɔ.

Tɔn-Fɔɛ-Fila-Nyɔgɛ 13:18

Alako tun, wo ni ata tɔnnu bira iko n ya a fɔ wo ye nya min kɛ la ka a sako kɛ.”

Tɔn-Fɔɛ-Fila-Nyɔgɛ 4:40

N bi tɔn minnu dila wo ma bi, wo ni wonu bira a kila-bɛrɛbɛrɛ fɛ. Ni wo ya wo ma, ka a bi wole ma ka a sigi wo kegeyɛnu na, koe bɛɛ si bɛn wole ma. Wota Mari Alla ye nala nyamanɛ min natenbila wo ma kɛ la, wo si simayɛ sɔrɔn wo rɔ. A si to wo bolo habadan!”

Tɔn-Fɔɛ-Fila-Nyɔgɛ 5:29

Ni a taranta, anu bi kilanna ka le tuma-wo-tuma ka nna tɔnnu bira, wo si diya n ye. Wo si a ma, anuta koe bɛɛ ni ta a kila-bɛrɛbɛrɛ fɛ, hali ka a sigi anu mamanɛnu na. Kɛ si ma habadan-koe la anu ye.’

Tɔn-Fɔɛ-Fila-Nyɔgɛ 5:33

Wo ni a bɛɛsi bira a kilɛ fɛ, woletɔ wo ye tala nyamanɛ min tɔ Mari ye nala min dila wo ma, wo si simayɛ sɔrɔn nyɔ. Koe bɛɛ si ta a kilɛ fɛ wo bolo.”

Tɔn-Fɔɛ-Fila-Nyɔgɛ 6:10

Musa ya a fɔ anu ye tun ko, “Iko wota Mari Alla ya lanyiri kiri wo benbanu ye nya min, Iburayima, Isiyaka, anubɛ Yakoba, kɔni, a ko a si nyamanɛ di wo ma so-belebelenu sɔnɛ min tɔ wo ma minnu sɔ. Anu kin. Nɔnfuli siyaman bi anu tɔ.

Tɔn-Fɔɛ-Fila-Nyɔgɛ 8:11

“Wo ni a ma wo fɛrɛma de! Wo kana nyina wota Mari Alla ko. N bara ata tɔn minnu takaran wo ye kɛ la bi, wo kana anu boloka.