Tɔn-Fɔɛ-Fila-Nyɔgɛ 6:12 - ALLALA KUMƐ

¹² Wo ni a ma wo fɛrɛma, wo kana nyina Mari ko min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 6:12 ပူးပေါင်းရင်းမြစ်များ

2 Mansɛnu 17:36

Nde min ya wo kunyɛ bɔ yɔɔnyɛ rɔ Iyipiti nyamanɛ rɔ nta fanka-belebele la, wo ni nde le kelen pe bato. Wo si wo nyɛnkin nde le kɔrɔ ka sarakɛ bɔ nde ye.

2 Mansɛnu 17:38

Ma sarata min ma, wo kana nyina wo ko.

Yobu 8:13

Alla-lɔnbɛlɛnu mani de iko sɔnfɔn-mafɔsɔnɛ wo bawo anu bara nyina Alla ko min kɛ, woletɔ yigi sa anu bolo tun!

Yaburi 103:2

N ni Mari matɔgɔ n sɔndɔmɛ bɛɛ la. A ye ko-nyimɛ minnu kɛla n ye, n kana nyina wo do-wo-do ko.

Yaburi 44:17

Kɔnɔ hali i wara kɛ damasi sigi ma la, ma ma nyina i ko ka sarama-kan wo tinya min kirinɛ ma tɛma.

Yaburi 59:11

E, Alla, i kana anu faga nya-kun-kelen. I ni a ma, nna mɔgɛnu kana nyina, i si i yogenu tɔrɔ nya min. Anu tanyɛnsɛn ita sɛnbɛ la ka anu nɔ feu! E, Mari, ma latankalɛ le ile la.

Yaburi 78:7

Wo si a ma, wonu fanan ni la Alla la. Alla ara minnu ma, anu ti nyina wonu ko. Anu si to ata tɔnnu birala tolon!

Bɔ-Koe-Iyipiti 13:14

“Tumado ni wola den-keinu ya ladɛn kɛ kɔrɛ manyinika wo la tumɛ min, wo si a fɔ anu ye ko, ‘Mari ya ma labɔ yɔɔnyɛ rɔ Iyipiti nyamanɛ rɔ ata sɛnbɛ la wati kɛ le tɔ.

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 6:6

“Woletɔ a fɔ Isirɛla mɔgɛnu ye ko nde le anuta Mari la min si anu bɔ Iyipiti kɛnuna wɔlɛ kɔrɔ. N si anu bɔ yɔɔnyɛ rɔ ka anu kunka nta sɛnbɛ-makawanɛ la. N si Iyipiti mɔgɛnu tɔrɔ bɛrɛkɛ!

Hɛnkilimaya-Kumɛnu 30:9

Bawo ni n mara fugarɛ la, tumado, n si kankanyɛ kɛ ka ma ile lafɛya-koe la. Ado nfan, ni n mara bana la fanan, tumado, n si a fɔ ko n mako sa ile Alla la.”

Aiseya 17:10

Wole Isirɛla mɔgɛnu, Alla min bi iko mɔgɛ si dogon farɛ min kɔma, a ye wo lakananna ka wo kumafunfan, wole ara nyina wo ko salon! Yanni wo ni sɛgi Alla ma, fɔ wo ye nako-nyimɛnu nadanna sibolo-gbɛrɛnuna bɛsɛnu ye.

Aiseya 51:13

Wo ma nyina ale Mari ko min ya wo dan? Ale le ya san-kole rafulen ka dugu-kole kurukɛ. Nfenna wo kumakɔnɛ tonɛ kilan bolo? Anu bi wo niyi ragbɛrɛnna. Anu tabɛnnɛ wo kasara-koe ma. Kɔnɔ anuna kɔnkɔn ti ko-wo-ko ma wo la.

Yɛrɛmaya 34:13

wole, ala mɔgɛnu ye ko a ya wo benbanu bɔ yɔɔnyɛ rɔ Iyipiti tumɛ min, a ya sarama-kan kiri anubɛ wo benbanu tɛma. A ko

Hoseya 2:13

N si a tɔrɔ bawo a ye n bolokɛ min kɛla ka ta isɛnti mintan ala bɛsi Beyali ye. N bi a tɔrɔla bawo a ye a makiri boloko-nyimɛ-kɛla ka bila ala keminɛnu fɛ. Mari kan le kɛ la.

Yilan-Yilan Koe 15:39

Wo wa a bunsan kɛnu yen tumɛ min, wo si wo miri Marila tɔnnu ma ka anu bira. Wo si a ma, wo ti wo nyɛrɛ sako kɛ ka wo kan-kɔ sɔ a la.

Tɔn-Fɔɛ-Fila-Nyɔgɛ 32:18

Wo ara nyina wota Alla ko min ya niyi di wo ma, ale Farɛ min ya wo matanka, kɔni.

Tɔn-Fɔɛ-Fila-Nyɔgɛ 4:23

Wo ni a ma wo fɛrɛma, wo kana nyina wobɛ Mari Alla sarata min na. Wo ni ata kumɛ bira, wo kana bɛsi-wo-bɛsi ladan wo nyɛrɛ ye

Tɔn-Fɔɛ-Fila-Nyɔgɛ 4:9

“Wo ni a ma wo fɛrɛma de! Wo ara min yen wo nyɛrɛ yɛ la kɛ la, wo kana nyina wo ko wo siyi-tele bɛɛ kɔrɔ. Wo benbanu ya min yen anu sɔra Mari yakɔrɔ Sinayi kɔnkɛ kɔrɔ tumɛ min, wo ni wo rakaran wola dannu anubɛ wo mamanɛnu ye. Mari ya a fɔ nde, Musa ye nun ko n ni Isirɛla mɔgɛnu nadɛn kan-tina-kelen kɔnkɛ wo kɔrɔ nyɔ. Mari ko a sɔgɛ ye a la, anu ni a lamɔɛn a ye nala min fɔla nyɔ woletɔ anu si ale Mari gbiliya anu siyi-tele bɛɛ rɔ. Wo si a ma, anu ni anuna dannu karan alako anu si mata Mari Alla gbiliya nya min.

Tɔn-Fɔɛ-Fila-Nyɔgɛ 8:10

Wo wa fa pen, wo ni baraka bira Alla ye nyamani-hakikɛ wola ko la.

Kɔlɔsi 2:8

Wo ni a ma wo fɛrɛma. Mɔgɔ-wo-mɔgɔ kana wo yanfa anuta kun-takolonya-karan fɛ ha wo ni ma yɔɔn la. Karan wo bɔnɛ mɔgɔya-kɛ-nya anubɛ duninya-nyina-kun-tiginu de tɔ. Yanfɛ wo sa bɔla Kirasiti bolo muk,

Kɛlɛ-Kurugbɛnu 2:12

Anu benbanuta Mari Alla min bɔra anu na Iyipiti nyamanɛ rɔ, anu ya anu ban wo la. Anu ya mɔgɛ minnu taran nyɔ, wonu bi bɛsɛ minnu kɔla, anu denu fanan donta bɛsɛ wonu kɔɛ rɔ. Wo le ya a ma, Mari fonde bɔra anu kuma.