Tɔn-Fɔɛ-Fila-Nyɔgɛ 6:10 - ALLALA KUMƐ

¹⁰ Musa ya a fɔ anu ye tun ko, “Iko wota Mari Alla ya lanyiri kiri wo benbanu ye nya min, Iburayima, Isiyaka, anubɛ Yakoba, kɔni, a ko a si nyamanɛ di wo ma so-belebelenu sɔnɛ min tɔ wo ma minnu sɔ. Anu kin. Nɔnfuli siyaman bi anu tɔ.

Tɔn-Fɔɛ-Fila-Nyɔgɛ 6:10 ပူးပေါင်းရင်းမြစ်များ

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

Ko-Dabirɛnu 26:3

To nyamanɛ kɛ rɔ bɛ min na fɔlɔn. N si to i fɛ ka nta duwɛ layigi i kuma. N si nyamanɛ kɛ bɛɛsi di wobɛ i bɔnsɔn ma. N si i bɔnsɔn lasiyaya iko san-kole lolenu ka nyamanɛ kɛ di anu ma. Duninya-mɔgɛ bɛɛ si duwɛ sɔrɔn i bɔnsɔn kɛnu fɛ kamasɔrɔn Iburayima ya n kuman-kan kɛnu namɔɛn ka nta tɔnnu bira. N ya lanyiri minnu kiri mabɛ i fa Iburayima tɛma nun, n si wonu ma.”

Ko-Dabirɛnu 28:13

Yakoba ya Mari sɔnɛ yen a tɔnkɔn rɔ. Mari ya a fɔ ale Yakoba ye ko, “I fa anubɛ i benba Iburayimata Mari Alla le nde la. I sanɛ dugi min kuma kɛ la, n si wo di wobɛ i bɔnsɔn ma.

Nihɛmaya 9:25

Anuna so-latankanɛ wo, anuna wɔli-kɛ-tina-nyimɛnu wo, fen-kolomɛnu bi bɔn minnu na wo, yi lamara tinɛ minnu sinnɛ nun wo, anubɛ ki-fen-su bɛɛ, anu ya wo bɛɛ bi anu bolo. Anu ya anu de-nyini ha anu kunbayara pɔti! I ya fen-nyimɛ min bɛɛ di anu ma nun, wo ya a diya don anu tɔ.”

Yaburi 105:44

A ya sibolo-gbɛrɛnuna dugi di ala mɔgɛnu ma. A ya a ma, anu ya anuna sɛni sa tinɛnu bi anu bolo.

Yaburi 78:55

Iko ala mɔgɛnu bi tala nya min, a tora nyɔ-sigila-kɔrɛnu gbenna wo nya na le. A ya nyamanɛ ratala Isirɛla bɔnsɔnnu na. A ya anu yogenuna bɔnnu natenbi anu ma.

Tɔn-Fɔɛ-Fila-Nyɔgɛ 1:8

A ko, ‘Nde, Mari ara nyamanɛ wo mumɛ di wo ma. N ya lanyiri kiri Iburayima fɔlɔn ye nun anubɛ ala dan Isiyaka anubɛ Isiyakata dan Yakoba ye ha ka ta a sigi anu kegeyɛnu na. Wo ta nyamanɛ wo mumɛ bi ka wo sigi nyɔ.’ ”

Tɔn-Fɔɛ-Fila-Nyɔgɛ 19:1

Musa ya Mari kuman-kan kɛ latenbi Isirɛla mɔgɛnu ma ko, “Wota Mari Alla wa ban mɔgɛ wonu fagala wo yarɔ tumɛ min, wo si anuna soe wonu bi anu bolo ka wo sigi nyɔ.

Tɔn-Fɔɛ-Fila-Nyɔgɛ 31:20

N bara anu benbanu yili-madiya nyamani-hakikɛ min na, n si anu bi ka ta anu na nyɔ rɔ. Anu bi nyinina dɔn-fan min bɛɛsi ma, anu si wo bɛɛsi sɔrɔn nyɔ rɔ. Anu si taran anu diya nyɔ. Kɔnɔ hali wo, anu si anu kan-kɔ sɔ n na ka don bɛsi-kɔ-koenu tɔ. Anu si anu ban n na ka ma-tɛma-sarama-kan tinya.

Tɔn-Fɔɛ-Fila-Nyɔgɛ 6:18

Mari ya min bɛɛsi fɔ wo ye, ni wo ya ko-nyimɛ anubɛ ko-latelennɛ wonu kɛ, wo wara-koe si ta yarɔ. Wo si ke le worɔ ka wo yogenu gben ka lanyiri-nyamani-hakikɛ wo bi anu bolo iko Mari ya a fɔ wo ye nya min.

Tɔn-Fɔɛ-Fila-Nyɔgɛ 6:23

A ya ma labɔ Iyipiti ka na ma la yan tɔ ka nyamanɛ kɛ di ma ma iko a ya lanyiri kiri ma benbanu ye nya min.

Tɔn-Fɔɛ-Fila-Nyɔgɛ 8:12

Wo wa ban dɔn-fan mumɛ bɛɛ sɔrɔnna wo si min dɔn, anubɛ bon-hakikɛnu wo nyɛrɛ ye,

Tɔn-Fɔɛ-Fila-Nyɔgɛ 9:1

Musa ya a fɔ Isirɛla mɔgɛnu ye ko, “Wo ni wo tole masɔ! A ara to doni, wo ni Yorodan bɛ kɛ tɛgɛ ka ta wo sigi mɔgɔ-ragbɛlɛmɛnuna nyamanɛ rɔ, ado anu siya wo ko kati! Anuna soenu kolo dɔgɔma-ma-de! Anuna tarɛnu yan pon!

Yasowa 24:13

A ya nyamanɛ anubɛ soenu di wo ma wo ma wɔli minna ko la, ado wo ma anu sɔ. A ko wo ya dɔn-fen-siyaman sɔrɔn nyamanɛ wo rɔ, wo ma wɔli minnuna ko la.”