Tɔn-Fɔɛ-Fila-Nyɔgɛ 6:1 - ALLALA KUMƐ

¹ Musa ya a fɔ Isirɛla mɔgɛnu ye tun ko, “Mata Mari Alla ya tɔn kɛnu don n bolo ka wo karan anu na. Wo ye nala wo sigila wola nyamanɛ min tɔ kaka, wo wa ke nyɔ rɔ, wo si tɔn kɛnu bira.

Tɔn-Fɔɛ-Fila-Nyɔgɛ 6:1 ပူးပေါင်းရင်းမြစ်များ

Bɔ-Koe-Iyipiti 21:1

Mari ya a fɔ Musa ye tun ko, “I ni tɔn kɛnu fanan di Isirɛla mɔgɛnu ma.

Bɔ-Koe-Iyipiti 23:13

“Wo kana bɛsɛnu kɔ, hali anu wara-ko-kumɛ kana taran wo da rɔ. N bara min bɛɛsi fɔ wo ye kɛ la, wo ni a ma wo fɛrɛma wonuna ko la.”

Isikiyɛli 20:19

N ya a fɔ anu ye nun ko anuta Mari Alla le nde la. Anu ni nna tɔnnu bira.

Isikiyɛli 37:24

Mansɛ si taran anu kun na min si bɔ nta wɔli-kɛla Dawuda bɔnsɔn rɔ. Anu dama si taran mansa kelan wo kɔrɔ, ado anu si nta tɔnnu bira a kila bɛrɛbɛrɛ fɛ. N ya nyamanɛ min di anu benba Yakoba ma, anu si sigi nyɔ rɔ. Anu denu wo, anuna dannu wo, anu kebilɛ wo, bɛɛ si sigi nyɔ rɔ tolon!

Saraka-Masɔlɛnuta Tɔnnu 27:34

Tɔn kɛnu anubɛ sereya dira Musa ma Sinayi kɔnkɛ kuma Isirɛla mɔgɛnuna ko la.

Yilan-Yilan Koe 36:13

Tɔn le kɛ la Mari ya min fɔ Musa ye ka a fɔ Isirɛla mɔgɛnu ye wo tumɛ anu bi Mohabu lɛɛ rɔ Yorodan bɛ dafɛ Yɛrikɔ ya-telen ma.

Tɔn-Fɔɛ-Fila-Nyɔgɛ 12:1

Musa ya a fɔ anu ye tun ko, “Fananta wo siginɛ lanyiri-nyamanɛ wo rɔ, wo ni tɔn kɛnu bira. Wo ni wo tole masɔ Marita kumɛ la a kilɛ fɛ.

Tɔn-Fɔɛ-Fila-Nyɔgɛ 3:18

“Wo wati nyɛrɛ rɔ, n ya a fɔ bɔnsɔn filɛ anubɛ a talɛ ye ko ma Mari Alla ya a ma, anu bara Yorodan-bɛ-kɔmɛ kɛ sɔrɔn tele-bɔɛ wara la. Anu ni a ma, anuna kɛlɛ-dannu ni anu tabɛn ka wuli. Yanni bɔnsɔn-toenu ni bɛ tɛgɛ, anu fɔlɔn ni bɛ tɛgɛ. N ko anu ni ta anu na-kelen-nyɔgɛnu dɛnbɛ kɛlɛ-kɛ-tinɛ.

Tɔn-Fɔɛ-Fila-Nyɔgɛ 33:3

Marita mɔgɛnu di ale ye. A ye ata mɔgɛnu fɛ-birala. Woletɔ ma ye ma sala a tontɛ kɔrɔ ka a bato ka karan-tɔnɔnamɛ sɔrɔn ale bolo.

Tɔn-Fɔɛ-Fila-Nyɔgɛ 4:1

Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Tɔn-Fɔɛ-Fila-Nyɔgɛ 4:14

Mari ya a fɔ n ye ko n ni wo karan tɔn wo bɛɛsi la, woletɔ wo wa ta nyamanita-mɔgɛ wonu kɛlɛ ka wo sigi nyɔ, wo si to wo mirila Marita tɔn kɛnu ma ka a latɔnbagaya worɔ.”

Tɔn-Fɔɛ-Fila-Nyɔgɛ 4:45

anu bɔɛ Iyipiti nyamanɛ rɔ. A ye a karanna anu ye tumɛ min, wo ya a taran, anu bi Yorodan bɛ dafɛ Bɛti-Piyɔri soe da kɔrɔ. Dugi kan tinɛ wo ye Amora Mansa Saihɔn le bolo nun. Wo siginɛ Hɛsibɔn soe burɔ nun.

Tɔn-Fɔɛ-Fila-Nyɔgɛ 4:5

“N bara ban wo karanna nta Mari Allata tɔnnu na, a ya min fɔ n ye nun. Wo wa ta nyamanɛ wo mɔgɛnu kɛlɛ tumɛ min ka wo sigi nyɔ, wo ni tɔn kɛnu bira.

Tɔn-Fɔɛ-Fila-Nyɔgɛ 5:31

Kɔnɔ ile ni to n dafɛ yan. Nde nyɛrɛ si nna tɔnnu anubɛ nna sereyanu don i bolo. Ile si ta anu karan wonu na, woletɔ anu ba ta lanyiri-nyamanɛ wo rɔ n bi nala min dila anu ma, anu si nna tɔnnu anubɛ nna sereyanu natɔnbagaya.’ ”

Tɔn-Fɔɛ-Fila-Nyɔgɛ 5:33

Wo ni a bɛɛsi bira a kilɛ fɛ, woletɔ wo ye tala nyamanɛ min tɔ Mari ye nala min dila wo ma, wo si simayɛ sɔrɔn nyɔ. Koe bɛɛ si ta a kilɛ fɛ wo bolo.”

Tɔn-Fɔɛ-Fila-Nyɔgɛ 6:2

Wole wo, wola dannu wo, anubɛ wo mamanɛnu ni to wota Mari Alla gbiliyala ka ata tɔnnu bira. Fananta wo ye wo niyi la, ni wo ya wo ma, wo si mɛ siginɛ nyamanɛ wo rɔ.