Tɔn-Fɔɛ-Fila-Nyɔgɛ 5:5 - ALLALA KUMƐ

⁵ Wo wati rɔ, n sɔnɛ wole anubɛ Mari tɛma ka a kuman-kan latenbi wole ma bawo wo ye kilanna tɛ la, woletɔ wo ma sɔn ka yɛlɛ kɔnkɛ kuma. “Mari ya a fɔ ko

Tɔn-Fɔɛ-Fila-Nyɔgɛ 5:5 ပူးပေါင်းရင်းမြစ်များ

Ko-Dabirɛnu 18:22

Melika filɛ wonu bɔra nyɔ ka ta Sɔdɔm soe burɔ kɔnɔ Mari tora sɔni Iburayima dafɛ.

2 Mansɛnu 18:4

A ya Alla-batobɛlɛnuna bɛsi-kɔ-tina-mayɛlɛnɛnu tinya. A ya anuna kuru-lɛsɛnɛnu takerikeri. Anu ya kɔlɔma minnu lɛsɛ musila muninyɛ la ka a tɔgɔ sa Asura, a ya wonu tatɛgɛtɛgɛ. Hali wo, Musa ya silɛɛ min nadan duguma-fanla muninyɛ la, anu ya wo kele “Nɛhusitan.” Mansa Hɛsakaya ya wo fanan tinya bawo mɔgɛnu bara wo ma anuna bɛsɛ do la ka isɛnti mintan a ye.

Yaburi 106:23

A fɔɛ Alla bolo ko a ye ala mɔgɛnu kasarala, ata wɔli-kɛla-yabɔnɛ Musa ya a sɔ Allata mɔgɛ wonuna ko la gben! A ya anu kanan Allata fondo-bɔɛ ma.

Bɔ-Koe-Iyipiti 19:16

A tele sawa nyɔgɛ wo sɔgɔma, anu ya banda-nyin-masɔgɛ yen ka sangbalamɛ anubɛ buru-fɛ-kan-belebele-wɛ lamɔɛn banda-fin-digidigi-wɛ rɔ kɔnkɛ wo kuma. Minnu bi dagɛ wo rɔ, wonu yɛrɛyɛrɛnta kilan bolo.

Bɔ-Koe-Iyipiti 19:21

Mari ya a fɔ a ye ko, “I ni yigi ka mɔgɛnu kawandi alako anu kana tenbi dan wo la ka nde, Mari ragbɛ. Ni min ya wo ma, wo tigi si faga.

Bɔ-Koe-Iyipiti 19:25

Woletɔ Musa yigira mɔgɛnu wara ka Allala sarakanɛ lake anu ma.

Yɛrɛmaya 30:21

Wola kun-tigi si bɔ wo nyɛrɛ rɔ. Wola mɔgɔ-bɛrɛbɛrɛ le wo lamarala. Mari ko a wa kun-tigi wo rakele, wo si a gbɛrɛn a ma, ado yon si ke a gbɛrɛnna ale Mari ma, ni a ma min takele? A ko wole si ma ata mɔgɛnu na, ale si ma wota Alla la. Ale Mari kan le kɛ la.

Yilan-Yilan Koe 16:48

Wo kɔma, kirayɛ tenbira. Aruna tora sɔnɛ kɛndɛwaganu anubɛ furinu tɛma.

Kalesiya 3:19

Nba, Nɛbi Musata tɔn-kitabu dira nfenna worɔ? A kofura lanyiri ma le alako ka mala ko-yogomɛnu nabɔ gbɛ ma, ado tɔn-kitabu wo ni to ha lanyiri kirita Iburayima bɔnsɔn minna ko la, wo ni na tumɛ min. Alla ya ata tɔn-kitabu di melikanu ma alako anu ni a don Nɛbi Musa bolo. Ale le ya a latenbi mɔgɛnu ma.

Tɔn-Fɔɛ-Fila-Nyɔgɛ 5:27

Mɔgɛ wo damasi tora nde, Musa kɔma ka a fɔ n ye ko, ‘Nba, ile ni yɛlɛ kɔnkɛ kuma. Ni mata Mari Alla ya min bɛɛ fɔ i ye nyɔ, i si na wo rakaran ma ye. Ma si ma tole masɔ i la ka kumɛ wonu bira.’

Hiburunu 9:24

Kirasiti ma don Kan-Tina-Sɛnimɛ rɔ min nadannɛ hadama-dan bolo. Min bi Arinyɛni tɔ, fani-bɔn wola muninyɛ le wo la dɔrɔn. Kirasiti tara Arinyɛnɛ nyɛrɛ le tɔ, a ye Alla yakɔrɔ kan min kaka ma dɛnbɛn-koe la.