Tɔn-Fɔɛ-Fila-Nyɔgɛ 5:32 - ALLALA KUMƐ

³² Musa ya a fɔ anu ye tun ko, “N ya a fɔ wo ye ko ni wota Mari Alla ya fenfen fɔ wo ye, wo ni kɛwɔlɛ kɛ wo la. Wo kana tɔn kɛ do-wo-do masɔsɔ.

Tɔn-Fɔɛ-Fila-Nyɔgɛ 5:32 ပူးပေါင်းရင်းမြစ်များ

2 Mansɛnu 17:37

N bara tɔn minnu sɛbɛ wo ye, wo ni wonu namara gben! Wo kana bɛsi-wo-bɛsi kɔ.

2 Mansɛnu 21:8

N bara tɔn min di nna wɔli-kɛla Musa ma, ni Isirɛla mɔgɛnu ya wo bɛɛsi bira, n ti sɔn mɔgɔ ni anu gben nyamanɛ kɛ rɔ, n bara min di anu benbanu ma nun.”

2 Mansɛnu 22:2

Yosaya ya a benba Mansa Dawuda sɔn-nyimɛ bi. A ya Allata tɔn bɛɛ bira, ado a ya min bɛɛ ma, wo ya Mari hɛnɛ.

Yaburi 125:5

Kɔnɔ i wa karagbɛlɛnu tɔrɔ minnu bara ita kilɛ boloka, i ni wonu fanan tɔrɔ. Alamɛ yisi-kimɛ tora Isirɛla mɔgɛnu ye.

Yaburi 19:12

Mɔgɔ-wo-mɔgɔ ti ke a nyɛrɛta fɛɛ yenna. Mari, nde ma nna fɛɛ minnu lɔn, wonu masɛgi n na.

Yaburi 80:19

E, Mari Alla Sɛnbɛ-Bɛɛ-Tigi, sɛgi ma la tun! Kinikini ma ma alako ma si kisi nya min.

Hɛnkilimaya-Kumɛnu 3:2

Ni i ya nna kumɛ kɛnu bira, i siyi-fɛ si yanya, ado i si sabati fanani!

Hɛnkilimaya-Kumɛnu 4:27

I ni ko-yogoma-kilɛ masangba ka ta kila-telennɛ fɛ. Hali kin-fa-nya kelan, i kana a bɔ telenbagaya-kilɛ fɛ.

Aiseya 30:21

Min ba kilɛ madasa doni bɛrɛn, wo si a lamɔɛn a kɔma ko, “Ta kila-telennɛ kɛ fɛ. Doi wo ma de!”

Isikiyɛli 20:19

N ya a fɔ anu ye nun ko anuta Mari Alla le nde la. Anu ni nna tɔnnu bira.

Isikiyɛli 37:24

Mansɛ si taran anu kun na min si bɔ nta wɔli-kɛla Dawuda bɔnsɔn rɔ. Anu dama si taran mansa kelan wo kɔrɔ, ado anu si nta tɔnnu bira a kila bɛrɛbɛrɛ fɛ. N ya nyamanɛ min di anu benba Yakoba ma, anu si sigi nyɔ rɔ. Anu denu wo, anuna dannu wo, anu kebilɛ wo, bɛɛ si sigi nyɔ rɔ tolon!

Tɔn-Fɔɛ-Fila-Nyɔgɛ 11:32

wo ni a ma wo fɛrɛma tɔn kɛnuna ko la n bara min di wo ma kɛ la bi.”

Tɔn-Fɔɛ-Fila-Nyɔgɛ 12:32

“Wo ni tɔn kɛnu bira iko n bara a fɔ wo ye nya min kɛ la kɔnɔ wo kana fen bɔ a la, wo kana fen sa a kuma.

Tɔn-Fɔɛ-Fila-Nyɔgɛ 17:11

Wo ni a ma wo fɛrɛma, ni kun-tigi wonu ya sereya min sa wo kɔrɔ, wo ni wo bira. Wo ni kilɛ tagama ka a bɛn wo ma.

Tɔn-Fɔɛ-Fila-Nyɔgɛ 17:20

Fananta a ye tɔn wonu karanna, a si a lɔn worɔ ko anubɛ Isirɛla mɔgɛ toenu, kelen de anu na. A ma tenbi anu na nya-wo-nya. Min sanɛ wo kuma, a ti Marita tɔnnu fanan tinya mumɛ! Wo si a ma, a ni mɛ mansayɛ la. Hali ala dannubɛ a mamanɛnu anubɛ a kegeyɛnu si a gbɛ bi Isirɛla mɔgɛnu kuma.

Tɔn-Fɔɛ-Fila-Nyɔgɛ 24:8

“Ni fɛrɛma-kirayɛ bɔra mɔgɛ do fɛrɛ ma, wo ni a ma iko Mari ya a fɔ saraka-masɔlɛnu ye nya min.

Tɔn-Fɔɛ-Fila-Nyɔgɛ 28:14

Kɔnɔ Mari ko wo kana ata tɔn tinya doni-bɛrɛni! Wo kana bɛsɛnu kɔ hali ka wo niyi sa anu kuma.”

Tɔn-Fɔɛ-Fila-Nyɔgɛ 29:8

Ma ya anuna nyamanɛ bi anu bolo ka a ratala bɔnsɔn filɛ anubɛ bɔnsɔn-talɛ tɛma, Rubɛn bɔnsɔn wo, Kadi bɔnsɔn wo, anubɛ Manasa bɔnsɔn tɔnkɔn kelan tɛma.

Tɔn-Fɔɛ-Fila-Nyɔgɛ 6:17

Wo ni a ma wo fɛrɛma. A ara tɔn min bɛɛsi di wo ma, wo ni ata tɔn wo damasi bira.

Tɔn-Fɔɛ-Fila-Nyɔgɛ 6:25

Ni ma tora latelan rɔ Mari ye ka tɔn bɛɛsi bira, ma si ma a yala telenbagɛnu na worɔ.’ ”

Tɔn-Fɔɛ-Fila-Nyɔgɛ 6:3

Wole Isirɛla mɔgɛnu, ni wo si tɔn kɛnu lɔn de a kila-bɛrɛbɛrɛ fɛ ka anu bira, koe bɛɛ si ta a kilɛ fɛ ka diya wo la. Wo bɔnsɔn si siyaya nyamani-hakikɛ wo rɔ iko wo benbanuta Alla kɛ ya lanyiri kiri anu ye nya min nun.

Tɔn-Fɔɛ-Fila-Nyɔgɛ 8:1

“N bara Marita tɔn kɛ minnu di wo ma kɛ la bi, wo ni anu bara-koe ma wo fɛrɛma. Ni wo ya wo ma, wo si taran wo diya ka siyaya. Wo si mɛ sigini lanyiri-nyamanɛ wo rɔ.

Yasowa 1:7

I ni i yisi gbɛlɛya ka i wakila. I ni nna kumɛ bira iko n ya tɔnnu fɔ Musa ye nya min. Hali tɔn kelen, i kana nyina wo ko. I wa ta kan-bo-kan wo rɔ, n si to i fɛ ka i wara-koe sabati.

Yasowa 23:6

“Wo ni a ma wo fɛrɛma ka tɔn wo bɛɛsi bira min sɛbɛnɛ Musata tɔn-kitabu rɔ. Wo kana wo bɔ tɔn kɛnu fɛ hali!

2 Pita 2:21

Yanni anu ni bɔ kila-bɛrɛ fɛ, anu ya min lɔn kɔrɔma la, a fisa nun, hali wonu ma telenbagaya-kilɛ wo lɔn nun ka anu kan-kɔ sɔ Allata tɔn-sɛnimɛnu na min bara di anu ma fɔlɔn.