Tɔn-Fɔɛ-Fila-Nyɔgɛ 5:29 - ALLALA KUMƐ

²⁹ Ni a taranta, anu bi kilanna ka le tuma-wo-tuma ka nna tɔnnu bira, wo si diya n ye. Wo si a ma, anuta koe bɛɛ ni ta a kila-bɛrɛbɛrɛ fɛ, hali ka a sigi anu mamanɛnu na. Kɛ si ma habadan-koe la anu ye.’

Tɔn-Fɔɛ-Fila-Nyɔgɛ 5:29 ပူးပေါင်းရင်းမြစ်များ

1 Ko-Kɔrɔta-Karan 29:18

Ma benba Iburayima anubɛ Isiyaka anubɛ Yakobata Mari Alla, alamɛ i ya a ma, ita mɔgɛnu ni to anu sɛbɛ donna i wara-koe ma. Anu kana bɔ i kɔma mumɛ!

Yaburi 106:3

Mɔgɔ-sewanɛ le wo tigi la min bi ata kumɛ birala ka to ko-latelennɛ kɛla tolon!

Yaburi 19:11

A ye hɛnkili dila, nde, ata wɔli-kɛlɛ ma. N bi a kan tola a gbɛ rɔ min kɛ, n bi barayi sɔrɔnna wo le tɔ.

Yaburi 19:12

Mɔgɔ-wo-mɔgɔ ti ke a nyɛrɛta fɛɛ yenna. Mari, nde ma nna fɛɛ minnu lɔn, wonu masɛgi n na.

Yaburi 78:7

Wo si a ma, wonu fanan ni la Alla la. Alla ara minnu ma, anu ti nyina wonu ko. Anu si to ata tɔnnu birala tolon!

Yaburi 81:16

N si wo de-nyini fui-fen-hakikɛ la. N si faratɔ-liyi di wo ma, min si wo wasa.”

Aiseya 3:10

Mɔgɔ-telennɛnu si sewa, ado anu bara-koe si ta yarɔ. Anu si anu tɔrɔ-gbɛnu tɔnɛ sɔrɔn.

Aiseya 48:18

A ko alako dɔrɔn wo ya wo tole masɔ ala kumɛnu na nun, yisi-kimɛ si wo rabɔ nun iko yi min ti gbala. Telenbagayɛ si to nala wo ma nun iko wasɛ tenbi tugula a rɔ.

Yɛrɛmaya 42:6

A diyara ma ye wo, a ma diya ma ye wo, fɔ ma wa Mari Allata kumɛ bira le ma ya min madiya-koe fɔ ile Yɛrɛmaya ye. Koe bɛɛ ra si bɛn ma ma, ni ma ya ma Mari Allata tɔnnu bira.”

Yɛrɛmaya 44:4

Mari ko a taranta ala wɔli-kɛla-nɛbinu nanala wo ma ka wo makawandi ko-yogomɛ kɛnu wara-koe ma min gbo a ye ha ka a dan-natenbi.

Matiyu 23:37

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Luka 11:28

Kɔnɔ Yisa ya a fɔ a ye ko, “Minnu sewanɛ ka tenbi wo la, wo le, minnu bi Allala kumɛ lamɔɛnna ka a bira gben!”

Luka 19:42

Yisa ko, “E, Yerusalɛm kɛnu, ni wo ya a lɔn nun min si yisi-kimɛ lana wo ma, wo kin! Kɔnɔ wonu dogonnɛ wo ma kaka,

Yɔni 15:14

Ni wo ya nna kumɛ bira, n diyana-mɔgɛnu de wole la.

2 Kɔrɛnti 5:20

Nba, male mara Kirasitita kilayɛnu na alako ma ni ata kumɛ fɔ mɔgɛnu ye. Alla nyɛrɛ ye ma sɔla ka ma ata kuma-lakelɛ la min kɛ, ma ye wo madiyala Kirasitila ko la ko wo ni sɔn ko wo ti to mani Alla yogenu na fɔ ka wo ma a diyana-mɔgɛnu na!

2 Kɔrɛnti 6:1

Allala wɔli-kɛlɛ le ma dama la. Ma ye wo madiyala worɔ ko wo ara Allala hinɛ sɔrɔn min kɛ, wo kana wo tinya.

Tɔn-Fɔɛ-Fila-Nyɔgɛ 10:12

Musa ya a fɔ tun ko, “Wo Mari ye nyinina min ma wo bolo, wole Isirɛla mɔgɛnu, wo ni wo tole masɔ wo la. Wo ni Alla bato ka ata kumɛnu bira ka a ma iko a ya a fɔ wo ye nya min. Wo ni a keni ka ata wɔlɛ kɛ wo yisi bɛɛ la,

Tɔn-Fɔɛ-Fila-Nyɔgɛ 10:20

Wo ni wota Mari Alla gbiliya ka ale kelen pe bato. Wo ni ma lanaya-mɔgɛ la ale Alla ye ka wola lanyirinu kiri ale kelen pe tɔgɛ rɔ.

Tɔn-Fɔɛ-Fila-Nyɔgɛ 11:1

Musa ya a fɔ tun ko, “Wo ni wota Mari Alla keni ka ata tɔn bɛɛ bira tuma-wo-tuma.

Tɔn-Fɔɛ-Fila-Nyɔgɛ 12:25

Ni wo ya tɔn kɛnu bira, wo si a ma, Mari ni nyagalen wo la. Wota koe bɛɛ si ta a kilɛ fɛ hali wo mamanɛnu fanan.

Tɔn-Fɔɛ-Fila-Nyɔgɛ 12:28

N bara tɔn kɛ minnu fɔ wo ye kɛ la, wonu biranɛ ni to wo bolo tuma-wo-tuma. Ni wo ya wo ma, koe bɛɛ si ta a kilɛ fɛ wobɛ wo mamanɛnu ye bawo wo ye ko-telennɛ ladanna. Mari si sewa wo la worɔ.

Tɔn-Fɔɛ-Fila-Nyɔgɛ 19:13

Wo kana kinikini a ma hali doni bɛrɛni! Wo si mɔgɔ-fagalɛnu bɔ Isirɛla mɔgɛnu tɛma feu, alako wola koe bɛɛ si ta a kilɛ fɛ wo bolo nya min.

Tɔn-Fɔɛ-Fila-Nyɔgɛ 22:7

Ni a ya ala dannu bira wo, ni a ya a kɛwɔlɛnu bi wo, tana ma wo la kɔnɔ fɔ a ni koni-denbɛ wo boloka. Ni min ya wo ma, wo tigi si simayɛ sɔrɔn yisi-kimɛ rɔ.

Tɔn-Fɔɛ-Fila-Nyɔgɛ 4:2

N bi nala min fɔla wo ye, wo kana fenfen sa tɔn wo kuma, ado wo ka fen bɔ a la. N bi nala ma Mari Allata kumɛ minnu fɔla wo ye kɛ la, wo ni wo bira gben!

Tɔn-Fɔɛ-Fila-Nyɔgɛ 4:40

N bi tɔn minnu dila wo ma bi, wo ni wonu bira a kila-bɛrɛbɛrɛ fɛ. Ni wo ya wo ma, ka a bi wole ma ka a sigi wo kegeyɛnu na, koe bɛɛ si bɛn wole ma. Wota Mari Alla ye nala nyamanɛ min natenbila wo ma kɛ la, wo si simayɛ sɔrɔn wo rɔ. A si to wo bolo habadan!”

Tɔn-Fɔɛ-Fila-Nyɔgɛ 5:16

“Wota Mari Alla ko wo ni wo fanu anubɛ wo nanu gbiliya, woletɔ a ye nala nyamanɛ min dila wo ma, wo si simayɛ sɔrɔn ka sigi hɛrɛ rɔ nyɔ rɔ.

Tɔn-Fɔɛ-Fila-Nyɔgɛ 5:30

Mari ya a fɔ nde, Musa ye tun ko, ‘Ta a fɔ anu ye ko anu ni sɛgi anuna fani-bɔnnu na.

Tɔn-Fɔɛ-Fila-Nyɔgɛ 5:33

Wo ni a bɛɛsi bira a kilɛ fɛ, woletɔ wo ye tala nyamanɛ min tɔ Mari ye nala min dila wo ma, wo si simayɛ sɔrɔn nyɔ. Koe bɛɛ si ta a kilɛ fɛ wo bolo.”

Tɔn-Fɔɛ-Fila-Nyɔgɛ 6:17

Wo ni a ma wo fɛrɛma. A ara tɔn min bɛɛsi di wo ma, wo ni ata tɔn wo damasi bira.

Tɔn-Fɔɛ-Fila-Nyɔgɛ 6:18

Mari ya min bɛɛsi fɔ wo ye, ni wo ya ko-nyimɛ anubɛ ko-latelennɛ wonu kɛ, wo wara-koe si ta yarɔ. Wo si ke le worɔ ka wo yogenu gben ka lanyiri-nyamani-hakikɛ wo bi anu bolo iko Mari ya a fɔ wo ye nya min.

Tɔn-Fɔɛ-Fila-Nyɔgɛ 6:3

Wole Isirɛla mɔgɛnu, ni wo si tɔn kɛnu lɔn de a kila-bɛrɛbɛrɛ fɛ ka anu bira, koe bɛɛ si ta a kilɛ fɛ ka diya wo la. Wo bɔnsɔn si siyaya nyamani-hakikɛ wo rɔ iko wo benbanuta Alla kɛ ya lanyiri kiri anu ye nya min nun.

Tɔn-Fɔɛ-Fila-Nyɔgɛ 8:6

Wola ko la, wo ni a ma iko Mari ara a fɔ wo ye nya min. Wo si a gbiliya ka ata tɔnnu bira gben!

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

Yemesi 1:25

Kɔnɔ Allala tɔn-kanbalinɛ min si mɔgɔ hɔrɔya, mɔgɛ ni to wo mafɛlɛnna. Mɔgɔ-wo-mɔgɔ wa a yigi sa a rɔ, ado a ma a tole masɔ dɔrɔn ka a yili bɔ kumɛ wonu ko, Allatala ye nyinina min ma, a ye wo bɛɛsi mala. Wo tigi wa a bole bila ko-wo-ko rɔ, Alla si a lasabati.

Lankɛnimayɛ 22:14

Mɔgɔ-sewanɛ le wo mɔgɛnu na minnu bi anuna durukinu kula ka anu sɛninyanɛ mara. Anu si sɛnbɛ sɔrɔn ka nimaya-kɔlɔma-gbɔɛ dɔn anubɛ ka don soe wo burɔ a dɛnu na.

Ruti 3:1

Wati tenbinɛ, Neyomi ya a fɔ Ruti ye ko, “Fɔ n ba kei nyini i ye alako i si taran furu-bon-nyimɛ la kan min.