Tɔn-Fɔɛ-Fila-Nyɔgɛ 5:26 - ALLALA KUMƐ

²⁶ Ha bi, mɔgɛ do ye nyɔ min bara Alla nimɛ kuman-kan lamɔɛn tɛ rɔ, a kɛndɛ ni to iko male?’

Tɔn-Fɔɛ-Fila-Nyɔgɛ 5:26 ပူးပေါင်းရင်းမြစ်များ

Ko-Dabirɛnu 32:31

Yanni Yakoba ni bɔ nyɔ tumɛ min, tele ara bɔ a ma. A ye a tonkanna kamasɔrɔn a woro-kuri purukulunɛ anu nyɔgɔn na.

Ko-Dabirɛnu 6:12

Alla ya a yen ko ko-yogomɛ ara wara duninya rɔ kamasɔrɔn mɔgɛ bɛɛ ara don ko-yogomɛ rɔ.

Yaburi 42:2

Ile Alla-nimɛ sɔgɔ-bɛrɛbɛrɛ ye n na. N si ta i taran muntuma ka i bato?

Yaburi 42:3

Su-ni-tele, n bi dila. N ya-yi le manɛ n beli-fan la. Tuma-wo-tuma, n yogenu si n manyinika ko, “Ileta Alla ye mintɔ?”

Yaburi 84:2

Nyɔ-sɔgɔ-bɛrɛbɛrɛ ye n na. A di n ye n ni to i Bato-Bɔn la dɛɛ! N bara n fanka ban sigi-sɛ la ile Alla-nimɛ ye.

Bɔ-Koe-Iyipiti 20:22

Mari ya a fɔ Musa ye ko, “I ni a fɔ Isirɛla mɔgɛnu ye ko anu bara a yen anu nyɛrɛ yɛ la serr, ko n bara kuma anu ye banda-finyɛ wo rɔ.

Aiseya 40:6

Mɔgɛ do gbele-gbelen kan ye bɔla ko, “Nna kilayɛ lake!” N ya nyinikalɛ kɛ, n ko, “N bi nfen kilaya sufa lakela?” A fɔ ko, “Hadama-dan bɛɛ mani de dɔrɔn iko kalɛ. Anu ti mɛ iko kala-fere ti mɛ nya min.

Yɛrɛmaya 10:10

Kɔnɔ a tora ile Mari le kelen petɛ ma, ile Alla kelen pe le ye min bi mansayɛ la tolon! I wa diminya, duninya mumɛ ra si maga. Mɔgɔ-wo-mɔgɔ ti ke ila fondo-bɔɛ rakɔnɔna.

Daniyɛli 6:26

Min sanɛ wo kuma, n bara ban a latɛgɛla nun nyamanɛ kɛ rɔ, n ko, mɔgɛ bɛɛsi ni kilan Daniyɛlita Alla la ka a gbiliya. Alla-nimɛ le ale la, Aado ale le ye ma lamarala burubukai! Ala mansayɛ ti tinya mumɛ, ado ala fanka dan sa.

Matiyu 26:63

Kɔnɔ Yisa ya a made. Saraka-masɔla-kun-tigi-wɛ kumara a ye tun ko, “N bi i kelila Alla-nimɛ tɔgɛ rɔ, ni Allata-Mɔgɔ-Yabɔnɛ le ile la, Allatalata den-kei, kɔni, wo fɔ ma ye.”

Kɛwɔlɛnu 14:15

“N fanu, wo ye kɛ mala nfenna? Wo hadama-den-nyɔgɛnu de male la! Ma ye yan ka kibara-nyimɛ lake wo ma. Wo ni bɔ ko-fuyi kɛnu tɔ ka wo yɛ lamunun Alla nimɛ ma min ya san-kole anubɛ dugu-kole anubɛ kɔgɔ-yi dan anubɛ fan min bɛɛ ye wonu tɔ.

Romu 3:20

ado hali mɔgɔ ya a raya tɔn-bira-koe ma, wo tigi ti ma mɔgɔ-telennɛ la Alla yala mumɛ! Tɔn-kitabu wo sɛbɛra le alako bɛɛ ni hakɛ-kɔrɛ lɔn.

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

Tɔn-Fɔɛ-Fila-Nyɔgɛ 4:33

Ha bi, wo ara a lamɔɛn Mari ara kuma mɔgɛ donu na ta-mɛlan rɔ wa, anu kɛndɛ ni to?

Tɔn-Fɔɛ-Fila-Nyɔgɛ 5:27

Mɔgɛ wo damasi tora nde, Musa kɔma ka a fɔ n ye ko, ‘Nba, ile ni yɛlɛ kɔnkɛ kuma. Ni mata Mari Alla ya min bɛɛ fɔ i ye nyɔ, i si na wo rakaran ma ye. Ma si ma tole masɔ i la ka kumɛ wonu bira.’

1 Tɛsalonaika 1:9

Wo ya ma rabira nya min, mɔgɛ bɛɛ ye wo fɔla. Wo ya bɛsɛnu boloka nya min fanan ka wo ya-lamunun Alla nimɛ la, Alla-bɛrɛ, kɔni, bɛɛ ye wo rakaranna.

Yasowa 3:10

Ma tenbi tala Kenan nyamanɛ rɔ tumɛ min, Alla si sibole kɛnu gben ma yarɔ, Kenannu, Hɛtinu, Yebusinu, Hefanu, Kagasanu, Perasanu, anubɛ Amoranu.

Kɛlɛ-Kurugbɛnu 13:22

Manowa ya a fɔ ala musi ye ko, “Ma ye fagala le serr, bawo ma ara Alla yen ma yɛ la.”

1 Samuwɛli 17:26

Kɛlɛ-dan minnu sɔnɛ Dawuda dafɛ, Dawuda ya wonu manyinika ko, “Mɔgɛ min bi Filisiti keinɛ kɛ fagala ka Isirɛla mɔgɛnu bɔ miliya-su kɛ rɔ, wo tigi si nfen sɔrɔn? Nfen bi Filisiti keini-kemininyabɛlɛ kɛ la? Ale ma a lɔn, ba ko a ye a kɔgɔ raka Alla-nimɛta kɛlɛ-dannu denu na kɛ la?”