Tɔn-Fɔɛ-Fila-Nyɔgɛ 5:25 - ALLALA KUMƐ

²⁵ Nfen ya a to, ma si ma niyi fili a rɔ? Ta-yogoma-belebele kɛ si ma kasara. Tamayi mumɛ sa wo rɔ, ni ma ya mata Mari Alla kuman-kan lamɔɛn kɛ kɔma, ma si faga.

Tɔn-Fɔɛ-Fila-Nyɔgɛ 5:25 ပူးပေါင်းရင်းမြစ်များ

Ko-Dabirɛnu 3:10

Kei ko, “N ya i na-kan le lamɔɛn, ado n bara a lɔn ko n nakolɔn le, woletɔ n kilanta ka ta n dogon.”

Bɔ-Koe-Iyipiti 20:18

Mɔgɛnu ya banda-nyin-masɔgɛ yen ka san-sɛran anubɛ buru-fɛ-kan lamɔɛn ta-sisi-fin-bɛ rɔ kɔnkɛ kuma tumɛ min, anu yɛrɛyɛrɛnta ka anu masɛgi anu kɔma.

Bɔ-Koe-Iyipiti 20:19

Mɔgɛ wonu ya a fɔ Musa ye ko, “I yandi, Alla kana kuma ma ye kamasɔrɔn ma kilannɛ a la. Ni a kumara ma ye, ma si faga. Ni ile nyɛrɛ kumara ma ye, ma si a lamɔɛn de!”

Kalesiya 3:10

Kɔnɔ minnu yigi sanɛ anuna tɔn-birɛ kuma, wonu bi dankɛ kɔrɔ bawo a sɛbɛnɛ Allala kitabu rɔ ko, “Ni min ti tɔn bɛɛsi bira, wo tigi ye Allata dankɛ kɔrɔ!”

Tɔn-Fɔɛ-Fila-Nyɔgɛ 18:16

“Wo tumɛ ma ye Sinayi kɔnkɛ dafɛ, wo ya Alla madiya nyɔ ko wo kana a kuman-kan lamɔɛn nyɔ rɔ, anubɛ ka ale Alla yen ta-mɛlan rɔ nyɔ bawo wo ya a lɔn ko wo ye fagala le.

Tɔn-Fɔɛ-Fila-Nyɔgɛ 18:17

Alla ya a fɔ nde ye wo wati rɔ ko mɔgɛ kɛnu bara hɛnkilimaya-kumɛ fɔ.

Tɔn-Fɔɛ-Fila-Nyɔgɛ 33:2

A ya a fɔ ko, “Mari ya a nyɛrɛ yira ma la Sinayi kɔnkɛ kuma. A bɔra gbɛ rɔ ma ye iko sun-tele-tiyi Idɔm nyamanɛ rɔ, Sira kɔnkɛ ye kan min. A ya waan raka ma ma Paran kɔnkɛ dafɛ. Mari nara melika waga tan tɛma. Ta-mɛlan ye dugula wara la.

Tɔn-Fɔɛ-Fila-Nyɔgɛ 5:24

ka a fɔ n ye ko, ‘Mata Mari Alla ya ata sɛnbɛ anubɛ ata gbiliyɛ yira ma la. Kɔnɔ fɔlɔ nun, ma ya a lɔn ko ni Alla kumara mɔgɛ ye, a si faga. Kɔnɔ kaka, wo ara ma tɛrɛna-koe la ma bolo ka a lɔn ko ni Alla kumara mɔgɛ ye, a si to a niyi la.

Hiburunu 12:19

Anu ya buru-fɛ-kan anubɛ kuman-kan min namɔɛn, wole ma wonu namɔɛn. Isirɛla mɔgɛnu ya Allata kuman-kan wo lamɔɛn tumɛ min, anu kilanta ha anu ya a madiya alako anu kana wo su lamɔɛn tun

Hiburunu 12:29

ado mata Alla mani de iko tɛ min si fan bɛɛ mintan gburr!