Tɔn-Fɔɛ-Fila-Nyɔgɛ 5:16 - ALLALA KUMƐ

¹⁶ “Wota Mari Alla ko wo ni wo fanu anubɛ wo nanu gbiliya, woletɔ a ye nala nyamanɛ min dila wo ma, wo si simayɛ sɔrɔn ka sigi hɛrɛ rɔ nyɔ rɔ.

Tɔn-Fɔɛ-Fila-Nyɔgɛ 5:16 ပူးပေါင်းရင်းမြစ်များ

Bɔ-Koe-Iyipiti 20:12

“Wo ni wo fanu anubɛ wo nanu gbiliya. Woletɔ n bara wo yili-madiya nyamanɛ min na, wo si simayɛ sɔrɔn wo rɔ.

Hɛnkilimaya-Kumɛnu 3:1

nna den, i kana nyina nna karan ko. I ni nna kumɛnu namara i yisi rɔ.

Isikiyɛli 22:7

Mɔgɔ-wo-mɔgɔ sa Yerusalɛm soe burɔ min si a sɔrɔnnɛnu gbiliya. Ala mɔgɛnu bi sundannu bolo labirala. Anu bi kelennɛnu anubɛ kɛɛ-musinu bolo labirala.

Saraka-Masɔlɛnuta Tɔnnu 19:3

Wo ni wo fanu anubɛ wo nanu gbiliya iko n ya a fɔ nya min wati tenbinɛ rɔ. Wo ni Sulen-Tele ma tele-latankanɛ la fanan. Nde, wota Mari Alla ya kɛ le fɔ wo ye.

Matiyu 19:19

I ni i na anubɛ i fa gbiliya. I ni i sigi-nyɔgɛ keni iko i nyɛrɛ.”

Maraka 10:19

Ka ila nyinikalɛ yabi, i ya tɔn kɛnu lɔn. Anu ko, ‘Wo kana mɔgɔ faga. Wo kana yɛlɛnyɛ kɛ. Wo kana kankanyɛ kɛ. Wo kana foninya-sereyɛ bɔ. Wo kana mɔgɔ kensunya. Wo ni wo na anubɛ wo fa gbiliya.’ ”

Maraka 7:10

Bawo Nɛbi Musa ya a fɔ ko, ‘Wo ni wo fanu anubɛ wo nanu gbiliya.’ A ko fanan, ‘Ni mɔgɔ-wo-mɔgɔ ya kuma-yogomɛ fɔ a na anubɛ a fa ma, fɔ wo tigi ni faga serr!’

Luka 18:20

Ka ila nyinikalɛ yabi, i ya tɔn kɛnu lɔn. Anu ko, ‘Wo kana yɛlɛnyɛ kɛ. Wo kana mɔgɔ faga. Wo kana kankanyɛ kɛ. Wo kana foninya-sereyɛ bɔ. Wo ni wo fa anubɛ wo na gbiliya.’ ”

Tɔn-Fɔɛ-Fila-Nyɔgɛ 11:9

Mari ya lanyiri kiri nyamani-hakikɛ minna ko la wo benbanu anubɛ anu kegeyɛnu ye, wo si simayɛ sɔrɔn ka mɛ sigini nyɔ rɔ.

Tɔn-Fɔɛ-Fila-Nyɔgɛ 27:16

“ ‘Alamɛ Allata dankɛ taranta wo mɔgɛnu kuma minnu ti sɔn anu fa anubɛ anu na gbiliya-koe ma.’ “Anu si a labira ko, ‘Amina.’

Tɔn-Fɔɛ-Fila-Nyɔgɛ 4:40

N bi tɔn minnu dila wo ma bi, wo ni wonu bira a kila-bɛrɛbɛrɛ fɛ. Ni wo ya wo ma, ka a bi wole ma ka a sigi wo kegeyɛnu na, koe bɛɛ si bɛn wole ma. Wota Mari Alla ye nala nyamanɛ min natenbila wo ma kɛ la, wo si simayɛ sɔrɔn wo rɔ. A si to wo bolo habadan!”

Tɔn-Fɔɛ-Fila-Nyɔgɛ 5:29

Ni a taranta, anu bi kilanna ka le tuma-wo-tuma ka nna tɔnnu bira, wo si diya n ye. Wo si a ma, anuta koe bɛɛ ni ta a kila-bɛrɛbɛrɛ fɛ, hali ka a sigi anu mamanɛnu na. Kɛ si ma habadan-koe la anu ye.’

Tɔn-Fɔɛ-Fila-Nyɔgɛ 5:33

Wo ni a bɛɛsi bira a kilɛ fɛ, woletɔ wo ye tala nyamanɛ min tɔ Mari ye nala min dila wo ma, wo si simayɛ sɔrɔn nyɔ. Koe bɛɛ si ta a kilɛ fɛ wo bolo.”

Tɔn-Fɔɛ-Fila-Nyɔgɛ 6:2

Wole wo, wola dannu wo, anubɛ wo mamanɛnu ni to wota Mari Alla gbiliyala ka ata tɔnnu bira. Fananta wo ye wo niyi la, ni wo ya wo ma, wo si mɛ siginɛ nyamanɛ wo rɔ.

Kɔlɔsi 3:20

Wole dennɛnu, wo ni wo sɔrɔnnɛnuna kumɛ bira tumɛ bɛɛ bawo wo le ye Alla hɛnɛna.