Tɔn-Fɔɛ-Fila-Nyɔgɛ 4:40 - ALLALA KUMƐ

⁴⁰ N bi tɔn minnu dila wo ma bi, wo ni wonu bira a kila-bɛrɛbɛrɛ fɛ. Ni wo ya wo ma, ka a bi wole ma ka a sigi wo kegeyɛnu na, koe bɛɛ si bɛn wole ma. Wota Mari Alla ye nala nyamanɛ min natenbila wo ma kɛ la, wo si simayɛ sɔrɔn wo rɔ. A si to wo bolo habadan!”

Tɔn-Fɔɛ-Fila-Nyɔgɛ 4:40 ပူးပေါင်းရင်းမြစ်များ

Yaburi 105:45

A ya wo ma le alako ala mɔgɛnu ni ala tɔnnu bira ka ala sereya bɛɛ to a gbɛ rɔ. Mari ni tanto!

Bɔ-Koe-Iyipiti 20:12

“Wo ni wo fanu anubɛ wo nanu gbiliya. Woletɔ n bara wo yili-madiya nyamanɛ min na, wo si simayɛ sɔrɔn wo rɔ.

Bɔ-Koe-Iyipiti 23:26

Wola musinu ba buyi bi, anu buyi wo fenfen ti tinya. Gbanda ti taran anu tɔ. Wo si taran wo diya wo siyi-tele-bɛɛ kɔrɔ.

Makawandili Kumɛnu 8:12

Hali mɔgɛ ya ko-yogomɛ kɛ iko kɛmɛ, a ni to a niyi la kɔnɔ n lanɛ a la ko min bi Alla gbiliyala, wo wara-koe si tenbi karagbɛlɛtɛ la.

Aiseya 65:20

Tɔn si sigi den-pulan-sayɛ la. Mɔgɔ-wo-mɔgɔ ti taran nyɔ min siyi-fɛ ti yanya. Min ba san kɛmɛ bɔ, anu ko fonike le wo la fɔlɔn. Ni min siyi ma ke san kɛmɛ rɔ a ni faga, anu si a fɔ ko wunduyoge le wo la.

Yɛrɛmaya 11:4

A ko a ye kumala sarama-kan wara-koe la ale Mari anubɛ ma benbanu ya min kiri. Anu bɔɛ Iyipiti, anubɛ Alla nara to sarama-kan kirila anu nyɔgɔn tɛma. A ko Iyipiti manɛ wo ye iko sulubondɔn. A ya a fɔ Isirɛla mɔgɛnu ye ko ni anu ya a kan to a gbɛ rɔ, ale si ma anuta Alla la, anu denu fanan si ma ata mɔgɛnu na.

Yɛrɛmaya 35:18

N ya a fɔ Rɛkabu kebila-mɔgɛ wonu ye ko, “Mari Sɛnbɛ-Bɛɛ-Tigi Isirɛlata Alla ko wo benba Yonadabu ara tɔn min sigi wo ma, wo ara wo balan a kalɛ la min kɛ,

Yɛrɛmaya 7:23

A ko a ma dan wo dɔrɔn ma de! A ya a fɔ anu ye fanan ko ni anu ya ata kumɛ bira, ale si ma anuta Alla la. Anu denu fanan si ma ata mɔgɛnu na. A ko ni anu ya ala tɔn bɛɛ bira, ko-nyimɛ si to mala anu ye.

Yɛrɛmaya 7:7

Ni wo ya tɔn kɛnu bira, Mari ko nyamanɛ kɛ ti bɔ wo bolo, ado a ya nyamanɛ kɛ le di wo benbanu ma tolon!

Saraka-Masɔlɛnuta Tɔnnu 22:31

“Mari ko wo ni ata tɔnnu bira bawo ale le wota Mari Alla la.

Yilan-Yilan Koe 10:29

Kɔnɔ yanni anu ni wuli ka bɔ Sinayi wulɛ rɔ, Musa ya a fɔ ala musi, wo kɔrɔ-keminɛ Hobabu ye ko, “A ara to doni ma ni ta kan tinɛ wo rɔ Mari ya min di ma ma. Mari ya lanyiri kiri ma ye ko ma si nɔnfuli siyaman sɔrɔn nyɔ. Ni ile nara kofu ma ma, ma si a ma, ile fanan ni do sɔrɔn.”

Yɔni 14:15

“Ni nde di wo ye, wo si nna kumɛnu bira.

Tɔn-Fɔɛ-Fila-Nyɔgɛ 11:9

Mari ya lanyiri kiri nyamani-hakikɛ minna ko la wo benbanu anubɛ anu kegeyɛnu ye, wo si simayɛ sɔrɔn ka mɛ sigini nyɔ rɔ.

Tɔn-Fɔɛ-Fila-Nyɔgɛ 12:25

Ni wo ya tɔn kɛnu bira, wo si a ma, Mari ni nyagalen wo la. Wota koe bɛɛ si ta a kilɛ fɛ hali wo mamanɛnu fanan.

Tɔn-Fɔɛ-Fila-Nyɔgɛ 12:28

N bara tɔn kɛ minnu fɔ wo ye kɛ la, wonu biranɛ ni to wo bolo tuma-wo-tuma. Ni wo ya wo ma, koe bɛɛ si ta a kilɛ fɛ wobɛ wo mamanɛnu ye bawo wo ye ko-telennɛ ladanna. Mari si sewa wo la worɔ.

Tɔn-Fɔɛ-Fila-Nyɔgɛ 22:7

Ni a ya ala dannu bira wo, ni a ya a kɛwɔlɛnu bi wo, tana ma wo la kɔnɔ fɔ a ni koni-denbɛ wo boloka. Ni min ya wo ma, wo tigi si simayɛ sɔrɔn yisi-kimɛ rɔ.

Tɔn-Fɔɛ-Fila-Nyɔgɛ 25:15

Wola fen-suman-fannu ta ni kɛnya woletɔ wo si sumanni kɛ a kilɛ fɛ. Wo si a ma, wota Mari Alla ye nala wola nyamanɛ min dila wo ma, wo ni simayɛ sɔrɔn nyɔ rɔ.

Tɔn-Fɔɛ-Fila-Nyɔgɛ 32:47

Fufafu ma karan kɛ la de! Wo niyi-kole le kɛ la. Ni wo ya a bira, wo si simayɛ sɔrɔn lanyiri-nyamanɛ rɔ Yorodan bɛ kɔgɔma wo ye nala tala kan min.”

Tɔn-Fɔɛ-Fila-Nyɔgɛ 33:25

Wola soenu da-balan-fannu, alamɛ wonu mara nɛgɛnu na wo kanan-koe la. Fananta wo ye wo kɛndɛ la, alamɛ fanka taranta wo bolo.”

Tɔn-Fɔɛ-Fila-Nyɔgɛ 4:1

Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Tɔn-Fɔɛ-Fila-Nyɔgɛ 4:2

N bi nala min fɔla wo ye, wo kana fenfen sa tɔn wo kuma, ado wo ka fen bɔ a la. N bi nala ma Mari Allata kumɛ minnu fɔla wo ye kɛ la, wo ni wo bira gben!

Tɔn-Fɔɛ-Fila-Nyɔgɛ 4:5

“N bara ban wo karanna nta Mari Allata tɔnnu na, a ya min fɔ n ye nun. Wo wa ta nyamanɛ wo mɔgɛnu kɛlɛ tumɛ min ka wo sigi nyɔ, wo ni tɔn kɛnu bira.

Tɔn-Fɔɛ-Fila-Nyɔgɛ 4:6

Ni wo ya tɔn kɛnu bira, wo si a yira sibolo-gbɛrɛnu na ko hɛnkilimɛ le wole la. Anu ba wola tɔn kɛnu wara-koe lamɔɛn, fɔ anu ba a fɔ ko, ‘Mɔgɛ kɛnu kusan ko ladanna, anu hɛnkili kolo.’ ”

Tɔn-Fɔɛ-Fila-Nyɔgɛ 5:10

Kɔnɔ a ko ni min ya a keni ka ata tɔnnu bira, hali wonu bɔnsɔn matiyinu, a si ata keninteyɛ yira wonu na.

Tɔn-Fɔɛ-Fila-Nyɔgɛ 5:16

“Wota Mari Alla ko wo ni wo fanu anubɛ wo nanu gbiliya, woletɔ a ye nala nyamanɛ min dila wo ma, wo si simayɛ sɔrɔn ka sigi hɛrɛ rɔ nyɔ rɔ.

Tɔn-Fɔɛ-Fila-Nyɔgɛ 5:29

Ni a taranta, anu bi kilanna ka le tuma-wo-tuma ka nna tɔnnu bira, wo si diya n ye. Wo si a ma, anuta koe bɛɛ ni ta a kila-bɛrɛbɛrɛ fɛ, hali ka a sigi anu mamanɛnu na. Kɛ si ma habadan-koe la anu ye.’

Tɔn-Fɔɛ-Fila-Nyɔgɛ 5:33

Wo ni a bɛɛsi bira a kilɛ fɛ, woletɔ wo ye tala nyamanɛ min tɔ Mari ye nala min dila wo ma, wo si simayɛ sɔrɔn nyɔ. Koe bɛɛ si ta a kilɛ fɛ wo bolo.”

Tɔn-Fɔɛ-Fila-Nyɔgɛ 6:18

Mari ya min bɛɛsi fɔ wo ye, ni wo ya ko-nyimɛ anubɛ ko-latelennɛ wonu kɛ, wo wara-koe si ta yarɔ. Wo si ke le worɔ ka wo yogenu gben ka lanyiri-nyamani-hakikɛ wo bi anu bolo iko Mari ya a fɔ wo ye nya min.

Tɔn-Fɔɛ-Fila-Nyɔgɛ 6:3

Wole Isirɛla mɔgɛnu, ni wo si tɔn kɛnu lɔn de a kila-bɛrɛbɛrɛ fɛ ka anu bira, koe bɛɛ si ta a kilɛ fɛ ka diya wo la. Wo bɔnsɔn si siyaya nyamani-hakikɛ wo rɔ iko wo benbanuta Alla kɛ ya lanyiri kiri anu ye nya min nun.

1 Timoti 4:8

Tonyɛ le kɛ la, ado i ni la a la ka a bira gben, ko ka i fɛrɛ ramaga, wo si koe do nyinya. Kɔnɔ ka i ramaga Allata wɔli-kɛ-tinɛ, wo si ko nyinya nya bɛɛ ma. A si i dɛnbɛ duninya kɛ rɔ anubɛ lakira fanan.