Tɔn-Fɔɛ-Fila-Nyɔgɛ 4:37 - ALLALA KUMƐ

³⁷ Bawo wo benba benbɛnu di a ye min kɛ, woletɔ a ya wole yabɔ Iyipiti ka na wo la yan ata sɛnbɛ fɛ.

Tɔn-Fɔɛ-Fila-Nyɔgɛ 4:37 ပူးပေါင်းရင်းမြစ်များ

2 Ko-Kɔrɔta-Karan 16:9

Mari ye duninya mumɛ bɛɛ kumafɛlɛnna, ado a si ata sɛnbɛ di ata mɔgɔ-latelennɛnu ma. Mansɛ, i wara yuwayɛ kɛ. Ka a bi bi ma ha tumɛ min di ale ye, kɛlɛ ti bɔ i kun ma mumɛ!”

Yaburi 32:8

Mari ko mɔgɛ ye bilala kilɛ min fɛ, a si a karan wo ma. A si a labila ka a makawandi, ado a si a kumafɛlɛn.

Yaburi 34:15

Mari kolan bɛnnɛ mɔgɔ-latelennɛnu ma. A wɔlɔ matɔlɔnɛ anu di-kɛ-kannu na.

Yaburi 44:3

Kɛlɛ ma a ma, ita mɔgɛnu ya nyamanɛ wo sɔrɔn. Anu ma a sɔrɔn anuta sɛnbɛ dɔrɔn na. Ita sɛnbɛ anubɛ ita fanka, wo le ya a ma, anu ya a sɔrɔn. Anu ya a lɔn min kɛ ko ile ye anu fɛ, wo le ya a yira anu na ko anu di i ye.

Bɔ-Koe-Iyipiti 12:41

A san bi-sawa nyɔgɛ wo tele laban ma yɔ, anu ya Iyipiti nyamanɛ boloka wulɔn le.

Bɔ-Koe-Iyipiti 12:51

Wo tele nyɛrɛ rɔ, Mari ya Isirɛla mɔgɛnu nabɔ Iyipiti nyamanɛ rɔ iko anuna bɔnsɔnnu bi nya min.

Bɔ-Koe-Iyipiti 13:14

“Tumado ni wola den-keinu ya ladɛn kɛ kɔrɛ manyinika wo la tumɛ min, wo si a fɔ anu ye ko, ‘Mari ya ma labɔ yɔɔnyɛ rɔ Iyipiti nyamanɛ rɔ ata sɛnbɛ la wati kɛ le tɔ.

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 13:9

Iko hɛnkili-bila-fan min kirinɛ mɔgɛ bole anubɛ a telɛ la, ladɛn kɛnu si ma wo hɛnkili-bila-fan la wo nya na le ko Mari ya wole labɔ yɔɔnyɛ rɔ Iyipiti nyamanɛ rɔ ata sɛnbɛ la. Woletɔ Marila tɔnnu ni to wo yisi rɔ. Wo nagankuri ni nama a fɔ tinɛ wo sɛbɛ la tuma-wo-tuma.

Bɔ-Koe-Iyipiti 33:14

Mari ko, “Nba, ale le wo la. N bara sɔn. Nde nyɛrɛ si to wo tɛma gbɛ! Wo si a ma, do ni bɔ ila dunɛ la ka i yisi kimɛ.”

Aiseya 43:4

A ko a si nyamanɛ donu ma ma kunkɛ la bawo ma wara-koe di a ye. Ma di a ye, ado a ye ma gbiliyala.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Yɛrɛmaya 31:1

Mari ko wati ye nala, ale si ma wole, Isirɛla bɔnsɔn bɛɛta Alla la. Wo si ma ata mɔgɛnu na.

Yɛrɛmaya 31:3

a ya a nyɛrɛ yira wo la wula-yan la. A ko wola habadan-keninteyɛ ye a rɔ, ado a ko a si to keninteyɛ wo kun na.

Malakayi 1:2

Mari ya a fɔ ala mɔgɛnu ye ko ka a bi fɔlɔ ma ha kaka, anu di a ye. Kɔnɔ anu bi a fɔla ko anu si a lɔn kama ko anu di Mari ye? Mari ya anu yabi ko na-kelenmɛ le Yakoba anubɛ Isɔ la. A ko Yakoba anubɛ a kegeyɛ di a ye

Yilan-Yilan Koe 20:16

Ma dira ko Mari ni ma dɛnbɛ min kɛ, Mari ya ma di-kɛ-kan wo lamɔɛn. A ya melika lana ka ma labɔ Iyipiti nyamanɛ rɔ. Kɔnɔ kaka, ma ye Kɛdɛsi dagɛ rɔ ila nyamanɛ dala.

Romu 9:5

Anu bɔra anu benbanu benba-tɔgɔlamɛnu denu tɔ, ado Allata-Mɔgɔ-Yabɔnɛ bɔra sibole kɛ le tɔ hadama-danta kilɛ fɛ. Alla min bi mansayɛ kɛla bɛɛ kuma, alamɛ wo ya tantolɛ sɔrɔn habadan, amina!

Tɔn-Fɔɛ-Fila-Nyɔgɛ 10:15

Kɔnɔ a ya wo benbanu keni nya min, wo gbɛlɛ gben! A ya wole ma mɔgɔ-yabɔnɛnu na sibolo-mɔgɛ doinu tɛma duninya rɔ. Ha bi, wo manɛ mɔgɔ-yabɔnɛnu na a bolo.

Tɔn-Fɔɛ-Fila-Nyɔgɛ 23:5

Hali wo, wota Mari Alla ma sɔn Nɛbi Belamta dankɛ ma. A ya ata dankɛ wo yɛlɛma duwɛ la bawo a ya wole Isirɛla mɔgɛnu keni.

Tɔn-Fɔɛ-Fila-Nyɔgɛ 33:12

Musa ya a fɔ Bɛnyamɛ bɔnsɔn-mɔgɛnuna ko la ko, “Mari ya anu denu keni kosɛbɛ! Alla ye anu kandanna su-ni-tele, ado ata bato tinɛ ye anuta nyamanɛ tɛma.”

Tɔn-Fɔɛ-Fila-Nyɔgɛ 33:3

Marita mɔgɛnu di ale ye. A ye ata mɔgɛnu fɛ-birala. Woletɔ ma ye ma sala a tontɛ kɔrɔ ka a bato ka karan-tɔnɔnamɛ sɔrɔn ale bolo.

Tɔn-Fɔɛ-Fila-Nyɔgɛ 4:34

Ka a bi fɔlɔfɔlɔ ma ha ka a sigi kaka la, ha bi, wo ara a yen bɛsɛ ara sibole do kunka iko Alla ya wo kunka Iyipiti nyamanɛ rɔ wati min sibolo-gbɛrɛkɛ bolo wa, ka anu ma ata mɔgɛnu na a nyɛrɛ ye? Wo nyɛrɛ yala serr, Mari ya ata kabana-koenu mayira ka kɛlɛ kɛ wo ye ka ko-makawanɛnu kɛ anubɛ ka ko-makilannɛnu kɛ.

Tɔn-Fɔɛ-Fila-Nyɔgɛ 7:6

Wo ye wo damasi mala bawo Mari Allatɛ le wole la. A ya wole ma mɔgɔ-yabɔnɛnu na duninya-mɔgɛnu tɛma ka wole ma a halala-mɔgɛnu na.

Tɔn-Fɔɛ-Fila-Nyɔgɛ 9:5

Iko n ya a fɔ nya min, Mari ye nala nyamanɛ kɛ dila wo ma. A ma wo ma bawo wo mɔgɔ-nyimɛ le wo la, ado wo telenta. Wo ma de! Kɔnɔ a ya wo ma bawo Kenan mɔgɛnu wunduyogo, ado fanan, Mari Alla ya ata lanyiri min kiri wo benba Iburayima, Isiyaka anubɛ Yakoba ye, a ye wo kanbali-koe rɔ.