Tɔn-Fɔɛ-Fila-Nyɔgɛ 4:36 - ALLALA KUMƐ

³⁶ A ya a ma, wo ya a kuman-kan lamɔɛn san-kole rɔ alako a si wo karan. A ya a ma, wo ya ata ta-sɛnimɛ yen. A kumara wo rɔ wo ye.

Tɔn-Fɔɛ-Fila-Nyɔgɛ 4:36 ပူးပေါင်းရင်းမြစ်များ

Nihɛmaya 9:13

I bɔra san ma wulɔn Sinayi kɔnkɛ kuma. I kumara ila mɔgɛnu ye nyɔ. I ya tɔnnu di anu ma nyɔ min kin, ado tonyɛ le anu na.

Bɔ-Koe-Iyipiti 19:18

Ta-sisi bɔra Sinayi kɔnkɛ kuma bawo Mari le wara yigi kɔnkɛ wo kuma iko tɛ. Ta-sisi wo yɛlɛta kulakula! Kɔnkɛ wo kan tinɛ bɛɛsi yɛrɛyɛrɛnta.

Bɔ-Koe-Iyipiti 19:19

Buru-fɛ-kan koloyara tumɛ min, Musa kumara. Alla ya a yabi san-sɛran rɔ.

Bɔ-Koe-Iyipiti 19:9

Mari ya a fɔ Musa ye ko, “N ba wuli kumala i ye tumɛ min, n si na i ma banda-finyɛ rɔ, woletɔ mɔgɛnu si wo yen ka n kuman-kan lamɔɛn. Wo si a ma, anu ni la i la burubukai!”

Bɔ-Koe-Iyipiti 24:16

Marila gbiliyɛ wo tora Sinayi kɔnkɛ kuma tele wɔrɔ kɔrɔ iko banda-finyɛ.

Tɔn-Fɔɛ-Fila-Nyɔgɛ 4:12

Wo ni a fɔ anu ye fanan ko wo ya Mari kuman-kan lamɔɛn ka bɔ ta-mɛlan wo rɔ kɔnɔ wo ma ke ale yenna wo yɛ la.

Tɔn-Fɔɛ-Fila-Nyɔgɛ 4:15

Musa ya a fɔ Isirɛla mɔgɛnu ye ko, “Mari ye kumala wo ye ka bɔ ta-mɛlan rɔ tumɛ min Sinayi kɔnkɛ kuma, wo ma ke a yenna, hali ala muninyɛ. Woletɔ min fisa, wo ni a ma wo fɛrɛma,

Tɔn-Fɔɛ-Fila-Nyɔgɛ 4:33

Ha bi, wo ara a lamɔɛn Mari ara kuma mɔgɛ donu na ta-mɛlan rɔ wa, anu kɛndɛ ni to?

Tɔn-Fɔɛ-Fila-Nyɔgɛ 8:5

Wo ni a lɔn fanan yati, ko Mari Alla si wo kolo iko wo fanu si wo makolo nya min.

Hiburunu 12:18

Iko Isirɛla mɔgɛnu nara Sinayi kɔnkɛ dafɛ ta-mɛlan ye min dafɛ, wole ma na wɛ kɔnkɔ-su wo ma. Anu ya pinpi anubɛ banda-finyɛ anubɛ fɔn-digidigi-wɛ min tayen, wole ma wonu tayen.

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?