Tɔn-Fɔɛ-Fila-Nyɔgɛ 4:35 - ALLALA KUMƐ

³⁵ Mari ya wo bɛɛsi yira wo la ka a ragbɛ wo ye alako wo ni la a la ko a kelan le Alla la. Alla-gbɛrɛkɛ sa duninya rɔ fɔ ale kelen pe.

Tɔn-Fɔɛ-Fila-Nyɔgɛ 4:35 ပူးပေါင်းရင်းမြစ်များ

2 Samuwɛli 22:32

Mari kelen pe le Alla la. Yon si ma kumafunfan Alla kɔma?

2 Samuwɛli 7:22

E, n Tigi Mari, i makawara. I nyɔgɔn sa! Ka a dabira fɔlɔ ma ha ka a sigi kaka la, ma ya i kelen pe le lɔn Alla la.

1 Mansɛnu 8:60

Woletɔ duninya-mɔgɛ bɛɛ si a lɔn ko ale Mari le Alla la. Alla-gbɛrɛkɛ sa ale kɔma.

2 Mansɛnu 19:19

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

1 Ko-Kɔrɔta-Karan 17:20

E, Mari Alla, i nyɔgɔn sa! Ka a dabira fɔlɔ ma ha ka a sigi kaka la, ma ya i kelen pe le lɔn Alla la.

Yaburi 100:3

Bɛɛ ni a lɔn wo ma ko Mari le Alla la. Ale le kelen pe ya ma dan, ado a halalɛ le male la. Ata mɔgɛ le male la, ado ma ye ata saga-wɔrɛ rɔ.

Yaburi 58:11

Tɔ-a-la, mɔgɛnu si a fɔ ko, “Telenbagɛnu si barayi sɔrɔn yati!” Wo kɔma, anu si a fɔ ko, “Tonyɛ le wo la, yɔ! Alla ye nyɔ min bi duninya kitila.”

Yaburi 83:18

Alamɛ anu ya a lɔn ko ile le kelen pe le Mari la. Ile le ye duninya fan bɛɛ kun na.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Bɔ-Koe-Iyipiti 8:10

Mansɛ ko, “Nba, sina i ni na madiyali kɛ n ye.” Musa ko, “N si a ma iko i wara a fɔ n ye nya min alako i ni a lɔn ko Alla-dogbɛrɛ sa nyɔ min bi iko mata Mari Alla.

Bɔ-Koe-Iyipiti 8:6

Woletɔ Aruna ya sewuri wo rasagan Iyipiti yinu kuma. Nba, turukɔɔkɔnu yɛlɛta ka Iyipiti nyamanɛ lafa pen!

Bɔ-Koe-Iyipiti 9:14

N si tɔrɔya-fitinɛ lana mansɛ nyɛrɛ anubɛ ala mɔgɔ-banu anubɛ ala nyamanita-mɔgɛnu kuma. Anu ni a lɔn ko nde, Alla nyɔgɔn sa duninya kɛ rɔ.

Aiseya 43:10

Alla ko a sere le male Isirɛla mɔgɛnu na. A ko a ya ma yabɔ ka ma ma ata wɔli-kɛlɛnu na. Woletɔ ma si a lɔn ka la a la. Wo si a lɔn wo rɔ ko ale le kelen pe le Alla la. Alla-gbɛrɛ fenfen sa ale kɔma. Dogbɛrɛ sa nyɔ nun, ado dogbɛrɛ sa nala mala a la.

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Aiseya 44:8

A ko ma kana kilan! Ma kana hɔn! Min bi nala mala ma la, a ye wonu fɔla ma ye tolon! A sere le male la kɛnuna ko la. Alla-gbɛrɛ ye nyɔ, wa? Alla-makawani-gbɛrɛ do ye nyɔ, a ma min wara-koe lamɔɛn bɛ?

Aiseya 45:18

Mari le ya san-kole mumɛ dan. Ale le kelen pe ye Allayɛ la. A ya dugu-kole kɛ dɛlɛkɛn ka a ladan a kin na! A ya a lagbɛlɛya gben, alako a ni mɛ. A ma di a ye a ra ni kolonya filili, fɔ ka a ma hadama-dannu sigi tinɛ la. A ko Mari le ale la, ado a ko Alla-gbɛrɛ fenfen sa ale kɔma.

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Aiseya 45:5

Mari ko Mari le ale la. Alla-wo-alla sa nyɔ ale kɔma. A ko hali Sairasi ma a lɔn, a ye nyinina sɛnbɛ min bɛɛ ma, a si wo bɛɛ di a ma.

Maraka 12:29

Yisa ko, “Kɛ le kolo a bɛɛ ko. A sɛbɛnɛ ko, ‘Isirɛla mɔgɛnu, wo ni wo tole masɔ kɛ la! Ma Mari Alla kelen pe le ye mata Mari la.

Maraka 12:32

Tɔn-karan-mɔgɛ ya a fɔ Yisa ye ko, “Karan-mɔgɔ, i ya tonyɛ le fɔ wo la yati, ko Mari kelen pe le ye Alla la, ado Alla-gbɛrɛ sa ale kɔma.

1 Kɔrɛnti 8:4

Woletɔ bɛsɛnu si kɔ soge minnu na, n si min fɔ wonuna ko la, wo le kɛ la. Ma ya a lɔn ko bɛsɛ, fen de wo la niyi sa min tɔ. Ma ya a lɔn fanan ko Alla kelen de!

1 Kɔrɛnti 8:6

Kɔnɔ Alla kelen de male bolo, ma Fa Alla min ya fan bɛɛ dan, kɔni. Male ye ale le bolo, ado Mari kelen pe le ma bolo fanan, Yisa Kirasiti, kɔni. Fan bɛɛ danta wo le baraka rɔ, ado male fanan ye wo le baraka rɔ.

Tɔn-Fɔɛ-Fila-Nyɔgɛ 32:12

Mari kelen pe le sɔra wole, ata mɔgɛnu yarɔ. Bɛsi-wo-bɛsi ma ale dɛnbɛ wole fɛ-birala.

Tɔn-Fɔɛ-Fila-Nyɔgɛ 32:23

“Mari si yakɔrɔ-mamɔɛ anubɛ masiba-koenu nana wo kuma.

Tɔn-Fɔɛ-Fila-Nyɔgɛ 32:39

Mari ko ale kelen pe le wota Mari Alla la. Fufafuyi le wola bɛsɛnu na. Ale le si mɔgɛ faga, ale le si mɔgɛ lakɛndɛya. Ale le ye mɔgɛ tanbanna, ale le ye mɔgɛ dandanna. Mɔgɔ ti ke ale rasɛla.

Tɔn-Fɔɛ-Fila-Nyɔgɛ 33:26

“Alla dogbɛrɛ sa nyɔ min manɛ iko male Isirɛla mɔgɛnuta Alla, ale min bi tagamana san-kole rɔ, kɔni. Ale le ye bɔla banda-finyɛ rɔ ka wo dɛnbɛ.

Tɔn-Fɔɛ-Fila-Nyɔgɛ 4:39

Wo ni wo miri bi ko. Wo kana nyina. Mari le Alla la san-kole rɔ anubɛ dugu-kole kuma. Mari-gbɛrɛkɛ sa nyɔ ale kɔma.

Tɔn-Fɔɛ-Fila-Nyɔgɛ 6:4

“Wole Isirɛla mɔgɛnu, wo ni kɛ lamara wo sɔndɔmɛ rɔ gben, ka a lɔn ko Mari kelen pe kɛ le mata Alla la.

Tɔn-Fɔɛ-Fila-Nyɔgɛ 7:9

Wo ni a lɔn serr, ko wota Mari Alla kelen pe le wota Alla la. A ti wo baya tele-kelen-bɛrɛni! A si ata lanyiri kanbali wo wara la. A si ata keninteyɛ yira wo bɔnsɔn-matiyinu na minnu si ata tɔnnu bira ka ale fanan keni.

1 Samuwɛli 2:2

“Mɔgɔ-wo-mɔgɔ sɛninyani ma iko Mari, ado a nyɔgɔn sa. Fenfen sa nyɔ min si mɔgɔ matanka iko mata Alla kɛ.