Tɔn-Fɔɛ-Fila-Nyɔgɛ 4:33 - ALLALA KUMƐ

³³ Ha bi, wo ara a lamɔɛn Mari ara kuma mɔgɛ donu na ta-mɛlan rɔ wa, anu kɛndɛ ni to?

Tɔn-Fɔɛ-Fila-Nyɔgɛ 4:33 ပူးပေါင်းရင်းမြစ်များ

Bɔ-Koe-Iyipiti 20:22

Mari ya a fɔ Musa ye ko, “I ni a fɔ Isirɛla mɔgɛnu ye ko anu bara a yen anu nyɛrɛ yɛ la serr, ko n bara kuma anu ye banda-finyɛ wo rɔ.

Bɔ-Koe-Iyipiti 24:11

Hali anu ya Alla nyɛrɛ yen, Alla ma ko-wo-ko ma Isirɛla kun-tigi wonu na. Anu ya fen-dɔn-kɛ nyɔ ka anu min.

Bɔ-Koe-Iyipiti 33:20

Kɔnɔ n ti sɔn i ni n yakɔrɛ yen bawo mɔgɔ-wo-mɔgɔ ti n yakɔrɛ yen ka to a niyi la.”

Tɔn-Fɔɛ-Fila-Nyɔgɛ 4:36

A ya a ma, wo ya a kuman-kan lamɔɛn san-kole rɔ alako a si wo karan. A ya a ma, wo ya ata ta-sɛnimɛ yen. A kumara wo rɔ wo ye.

Tɔn-Fɔɛ-Fila-Nyɔgɛ 5:22

“Tɔn le kɛnu na Mari ya minnu di wo ma wo tumɛ wo ladɛnnɛ Sinayi kɔnkɛ kɔrɔ. Mari ya tɔn tan kɛnu denu dɔrɔn di wo ma a kulu-mayɛlɛnɛ la banda-fin-digidigi-wɛ anubɛ ta-mɛlan ta-sisi-fin-bɛ rɔ. Wo kɔma, a ya a sɛbɛ kuru-walan fila ma ka anu don nde, Musa bolo.”

Tɔn-Fɔɛ-Fila-Nyɔgɛ 5:24

ka a fɔ n ye ko, ‘Mata Mari Alla ya ata sɛnbɛ anubɛ ata gbiliyɛ yira ma la. Kɔnɔ fɔlɔ nun, ma ya a lɔn ko ni Alla kumara mɔgɛ ye, a si faga. Kɔnɔ kaka, wo ara ma tɛrɛna-koe la ma bolo ka a lɔn ko ni Alla kumara mɔgɛ ye, a si to a niyi la.

Tɔn-Fɔɛ-Fila-Nyɔgɛ 5:26

Ha bi, mɔgɛ do ye nyɔ min bara Alla nimɛ kuman-kan lamɔɛn tɛ rɔ, a kɛndɛ ni to iko male?’

Tɔn-Fɔɛ-Fila-Nyɔgɛ 5:4

Mari kumara wo ye gbɛ rɔ ta-mɛlan rɔ kɔnkɛ kuma nun iko mɔgɛ si kuma a ta-nyɔgɛ ye nya min.

Tɔn-Fɔɛ-Fila-Nyɔgɛ 9:10

Wo ladɛnnɛ Sinayi kɔnkɛ kɔrɔ tumɛ min, wo ya kuman-kan min namɔɛn ta-mɛlan wo rɔ, Mari ya kumɛ wonu denu sɛbɛ kuru-walan filɛ wo ma a nyɛrɛ kɔɛn la ka anu ma tɔn la.

Kɛlɛ-Kurugbɛnu 6:22

Kidiyɔn nyɛrɛ ya a lɔn wo le fɛ serr, ko a ara Mari le yen wo la. A kilanta dɔgɔma-ma-de! A ya Mari madiya, a ko, “E, n Tigi Mari Alla, n bara ile nyɛrɛ le yen melikala muninyɛ rɔ n yɛ kɛ la serr!”