Tɔn-Fɔɛ-Fila-Nyɔgɛ 4:30 - ALLALA KUMƐ

³⁰ Wo tenbi yakɔrɔ-mamɔɛ kɛ rɔ tumɛ min, ado koe kɛ bɛɛ ni ma wo la kɔnɔ tɔ-a-la, wo si wo yɛ lamunun Mari la ka ata kumɛ latɔnbagaya,

Tɔn-Fɔɛ-Fila-Nyɔgɛ 4:30 ပူးပေါင်းရင်းမြစ်များ

Ko-Dabirɛnu 49:1

Yakoba ya ala dannu kele. Anu ya anu nadɛn a dafɛ. A ya a fɔ anu ye ko, “Koe minnu bi nala mala wo la yarɔ, nde, Isirɛla bi nala wonu denu fɔla wo ye kɛ la.

Nihɛmaya 1:9

Kɔnɔ ni ma sɛgira i ma tun ka ileta tɔnnu bira, i si ma kundɛn tun kan tinɛ wo rɔ ile ya min yabɔ i bato-tinayɛ la. I ko hali ma basanta duninya-tonko-nanɛ bɛɛ la, i si ma kundɛn tun.

Yaburi 107:13

Wo tumɛ anu bi tɔrɔyɛ wo rɔ, anu dira Mari dala. A ya anu kunyɛ bɔ nyankankantan wo rɔ.

Yaburi 107:6

Wo tumɛ anu bi tɔrɔyɛ wo rɔ, anu dira Mari dala. A ya anu kunyɛ bɔ nyankankantan wo rɔ.

Yaburi 18:6

N bi yakɔrɔ-mamɔɛ wo la n bolo tumɛ min, n ya nta Mari Alla rakele alako a ni n dɛnbɛ. A ya n kan wo lamɔɛn ata Bato-Bon-sɛnimɛ la. A ya a wɔlɔ matɔlɔ n di-kɛ-kan la.

Yaburi 59:16

Kɔnɔ nde si ita fankalamaya-sigi sa. Ka a tɛgɛ ila hinɛ ma, n si n kuli mayɛlɛ sigi sa tinɛ sɔgɔma-wo-sɔgɔma. N natanka tinɛ le ile la. I mara n kisi tinɛ la n tɔrɔya-wati rɔ.

Bɔ-Koe-Iyipiti 18:8

Mari ya koe min bɛɛsi sigi Iyipiti mansɛ anubɛ ala mɔgɛnu na, Musa ya wo bɛɛsi dantɛgɛlɛ sa a biran-kei wo ye. Anu ya tɔrɔyɛ sɔrɔn nya min kilɛ la, a ya wo rakaran a biran-kei wo ye. Mari ya anu kisi nya min, a ya wo fanan takaran a ye.

Aiseya 1:19

A ko ni wo ya ala tɔnnu bira dɔrɔn, a si a ma, wo ni to wola sɛnita-fannu dɔnna wo fanbolo.

Yɛrɛmaya 23:20

ado tɔrɔyɛ wo ti bɔ anu kuma fɔ a wa ban a miriya lawɔlila. Wo wati rɔ, wole Marita mɔgɛnu si ata miriyanu nya-yen ka a ragbɛ.

Yɛrɛmaya 4:1

Mari ko ni sɛgi-sɔgɛ ye wole, Isirɛla mɔgɛnu na a ma, nba, wo sɛgi a ma. Kɔnɔ a ko wo ni wola bɛsɛnu nakɛ a rɔ bawo anu gbo a ye. Wo kana ta wo kun fɛ.

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.

Yɛrɛmaya 7:23

A ko a ma dan wo dɔrɔn ma de! A ya a fɔ anu ye fanan ko ni anu ya ata kumɛ bira, ale si ma anuta Alla la. Anu denu fanan si ma ata mɔgɛnu na. A ko ni anu ya ala tɔn bɛɛ bira, ko-nyimɛ si to mala anu ye.

Nimisa Koe 3:40

Ma ni ma tagama-nya fɛsɛfɛsɛ a kila-bɛrɛbɛrɛ fɛ, wo kɔma, ma ni ma sɔ ma hakɛ la Mari ye.

Daniyɛli 10:14

Wo le ya a to, n bara na alako i ni a lɔn min bi nala mala ila mɔgɛnu na yarɔ. I ye ko-rayen min tayenna kɛ la, sinan-ko-rayen le wo la.”

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Sakaraya 6:15

A ko minnu bi wula-yan la pon, wonu si na wo dɛnbɛ Mari Bato-Bon-sɔɛ la. A ko Bato-Bɔn kun ba don tumɛ min, wo ye a lɔnna wo le ma ko Mari Sɛnbɛ-Bɛɛ-Tigi ya nde, Sakaraya sɔ wo ma. Kɛnu si ma, ni wo ya wota Mari Alla kan to a gbɛ rɔ.

Yilan-Yilan Koe 24:20

Mari ya ko-rayirɛ kɛ Nɛbi Belam ye Amalɛki mɔgɛnuna ko la. A ya wɔlɔyiya-kumɛ doni fɔ anuna ko la. “Fanka-tigi le Amalɛki mɔgɛnu na ka tenbi mɔgɛ kɛnu na kɔnɔ hali wo, ala ban anu si kasara pɔ!”

Kɛwɔlɛnu 26:20

Ka a dabira Damasika ha ka ke Yerusalɛm anubɛ Yudiya nyamanɛ bɛɛ ha sibolo-gbɛrɛnu tɛma, n ya kawandili bɔ wo bɛɛ rɔ. N ya a fɔ anu ye ko anu ni fara hakɛ kɛla ko anu ni na Alla wara. N ko anu ni kɛwɔlɛ wonu kɛ min si a yira ko anu bara yɛlɛma.

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

Tɔn-Fɔɛ-Fila-Nyɔgɛ 30:10

Kɔnɔ fɔ wo ni ata tɔn bɛɛsi bira minnu sɛbɛnɛ Allata tɔn-kitabu kɛ rɔ. Fɔ wo ni sɛgi wota Mari Alla ma wo yisi bɛɛ la.”

Tɔn-Fɔɛ-Fila-Nyɔgɛ 30:2

Ni wobɛ wo kegeyɛnu sɛgira wota Mari ma wo sɔndɔmɛ bɛɛ la ka ata tɔnnu bira n bara min bɛɛsi fɔ wo ye kɛ la bi,

Tɔn-Fɔɛ-Fila-Nyɔgɛ 31:17

Wo wa ma tumɛ min, n fonde si bɔ anu kuma ka n kan-kɔ sɔ anu na. Anu si masiba-koenu sɔrɔn. Anu ba koe kɛnu yen mala anu na tumɛ min, anu si a lɔn worɔ ko nde min bi anuta Alla la, nde sa anu fɛ.

Tɔn-Fɔɛ-Fila-Nyɔgɛ 31:21

Wo le si a ma, n si gbalo-koe lana anu kuma. Hali wo, anu si to bɛti kɛ bɔla. Wo si ma sereyɛ la anu kan ma. Hali kaka, yanni anu ni ta lanyiri-nyamanɛ rɔ, n ya a lɔn min bi anu kɔntɔ.”

Tɔn-Fɔɛ-Fila-Nyɔgɛ 31:29

N ya a lɔn ko n ba faga tumɛ min, Isirɛla mɔgɛnu si ma wunduyogenu na. Anu si anu ban nta karan kɛnu na. Kɔnɔ tɔ-a-la, anu si masiba-koenu sɔrɔn bawo anu ya Alla kuman-kan masɔsɔ. Woletɔ anu bara a ma, Mari fonde ara bɔ anu kuma dɔgɔma-ma-de!”

Hiburunu 1:2

kɔnɔ tele-laban kɛnu tɔ, a kumara male ye ala dan le baraka rɔ. Alla ya duninya kɛ dan ale le baraka rɔ. Tɔ-a-la, fan bɛɛ si ma atɛ la.

Hiburunu 5:9

ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!