Tɔn-Fɔɛ-Fila-Nyɔgɛ 4:28 - ALLALA KUMƐ

²⁸ Mɔgɔ-gbɛrɛkɛnu bara bɛsɛ minnu nadan anu nyɛrɛ bole la, wo si wonu kɔ. Bɛsɛ wonu ti ke fen yenna, anu ti ke fan sumɛ birala, anu ti ke fen dɔnna, anu ti ke ko lamɔɛnna bawo kɔlɔma anubɛ kuri le wonu na mɔgɛnu ya minnu nadan anu bole la.

Tɔn-Fɔɛ-Fila-Nyɔgɛ 4:28 ပူးပေါင်းရင်းမြစ်များ

2 Mansɛnu 17:40

Kɔnɔ hali wo, anu ma sɔn anu tole masɔla a la. Anu tora anuna namu-kɔrɛnu denu kun na.

Aiseya 26:14

Kɔnɔ ma ye minnu kɔrɔ nun, wonu bara faga. Wonu ti beli tun. Hali anu pulan ti bɔ bawo i wara ban anu kasarala nun. Mɔgɔ-wo-mɔgɔ miri sa anu ma tun.

Aiseya 44:11

Ni min ya anu kɔ, wo tigi si miliya. Minnu bi bɛsɛ ladanna, mɔgɔni-gbuyi le wonu dɔrɔn na. Anu ni na kiti-bɔn la. Anu kun ma si kɔ ka yarabiyi sɔrɔn kudai!

Aiseya 44:12

Siyaki wo si nɛgɛ-kundi do bi ka a ladon tɛ rɔ. A si kundu-wɛ bi ka a ratugu a sɛnbɛ la alako a ra ni bɛn yɔnyɔn! A tenbi wɔlɛ wo kun na, kan-nagbalɛ anubɛ kɔnkɛ anubɛ bandan ye ale forongbanna.

Aiseya 44:9

Mɔgɔ-fuyi le bɛsi-ladannɛnu na. Hali bɛsɛ di mɔgɛnu ye, fufafuyi le bɛsɛ wonu na. Minnu bi bɛsɛ wonu kɔla, fiyɔn anubɛ kun-takolɔn le wonu na. Anuna kun-takolonyɛ si a laban anu bolo yarabiyi ma.

Aiseya 45:20

Mari ko, “Nyamanɛla buiyi kɔmɛ, wole sibolo-gbɛrɛ minnu tora wo niyi la, wo ni wo kundɛn kan-tina-kelen kiti kan ma. Wole minnu bi wo wasila wola bɛsɛnu na wo bolo ka bɛsɛ wonu madiya minnu ti ke wo kisila, hɛnkili-wo-hɛnkili sa wo bolo.

Aiseya 46:7

Anu bi bɛsɛ wo sigila anu kan ma ka ta a la. Anu ba ban a sigila kan-tina-kelan min tɔ, a ti ke a ramagala nyɔ. Mɔgɔ wa a madiya, a ti ke a labirala. A ti mɔgɔ-wo-mɔgɔ kunyɛ bɔ kasarɛ kɔrɔ.

Yɛrɛmaya 10:3

Fufafuyi le sibolo-gbɛrɛnuna namunyɛnu na. Anuna bɛsɛnu bɛnni ma fenfen ma fɔ gbɔngbɔn-kɔnnu, ado boloma-wɔli-kɛlɛnu bi wonu denu lɛsɛla tun.

Yɛrɛmaya 10:5

Bɛsɛ wonu mani de dɔrɔn iko sogo-rakilan-fan. Anu ti kuma. Anu ti tagama, fɔ mɔgɛ wa wonu maduni. Wo kana kilan bɛsɛ wonu na. Anu ti mɔgɛ madumɛ, ado anu ti mɔgɛ madɛnbɛ.

Yɛrɛmaya 10:9

Wodi-gbɛ min bɔra Tasisi soe burɔ, wo sanɛ anuna bɛsɛnu ma. Sɛnɛ-hakikɛ min bɔra Yufasi soe burɔ, wo sanɛ anuna bɛsɛnu ma. Siyakinu anubɛ nunakɛnu denu dɔrɔn bolo-gbɛ ye wonu ma. Anu bi fani-bilolamɛ anubɛ fani-finyɛnu mala bɛsɛ wonu makiri-fannu na. Yese-danna-kɛwuntenu denu bi wonu nadanna.

Yɛrɛmaya 16:13

Woletɔ a ko a ye wo lakɛla a rɔ nyamanɛ do rɔ wo benbanu anubɛ wole ma min lɔn tele-kelen-bɛrɛni! Wo tenbi nyamanɛ wo rɔ, su-ni-tele wo ye bɛsi-kɔ-koe le tɔ. A ko a ti wo dɛnbɛ hali ka hina wo la.

Isikiyɛli 20:32

Anu bara a latɛgɛ ko anu ni ma iko sibolo-gbɛrɛnu ka kɔlɔmanu anubɛ kurinu kɔ. Kɔnɔ wo ti ma mumɛ!

Isikiyɛli 20:39

“Nde, wo Tigi Mari ko ko-wo-ko di Isirɛla mɔgɛnu ye, anu ni wo ma. Anu ni anu taya ka anuna bɛsɛnu kɔ. Kɔnɔ n bi anu makawandila koe kɛ kɔma, anu si n gbiliya worɔ, yɔ! Anu si fara n tɔgɔ-makawanɛ lafɛyala anuna bɛsi-kɔɛ fɛ.

Kɛwɔlɛnu 19:26

Pɔli kɛ ye min mala kɛ la, a ye mɔgɛnu tɔrɔla Ɛfɛsa soe burɔ yan nya min, wo ya wo yen. A tora doni, a ni ke Esiya nyamanɛ bɛɛ rɔ. A ye a fɔla ko male ye bɛsɛ minnu nadanna, Alla ma wonu na mumɛ!

Kɛwɔlɛnu 7:42

Woletɔ Alla ya a kan-kɔ sɔ anu na feu, alako anu ni tele anubɛ karɛ anubɛ lolenu bato san ma, ado a sɛbɛnɛ nɛbinuta buku do rɔ ko, ‘Isirɛla mɔgɛnu, wo ya kolo-fan minnu kan natɛgɛ ka wonu ma sarakɛ la san bi-nani kɔrɔ wulɛ rɔ, wo ma wonu di nde ma wo yisi bɛɛ la.

Tɔn-Fɔɛ-Fila-Nyɔgɛ 28:36

“Mari si wole anubɛ wola mansɛ lagbengben ka wo labɔ wola nyamanɛ rɔ ka ta wo don wo yogenu bolo anuna nyamanɛ rɔ. Wo yogenu si to wo gbenna ka ta wo la nyamanɛ do rɔ, wo ma wo kian sɔ wɛ kan min nun, hali wo benbanu. Wo wa ke wonu bole tɔ tumɛ min, wo si anuna bɛsɛnu kɔ. Kɔlɔma anubɛ kuru-malɛsɛnɛ le wonu na.

Tɔn-Fɔɛ-Fila-Nyɔgɛ 28:64

“Ka a fɔlɔ duninya-tonko kelan ma ha ka a sigi a tonko-doi la, Mari si wo ranyɛnsɛn sibolo-gbɛrɛkɛ-mɔgɛnu tɛma. Wo tenbi anu tɛma, hali wo benbanu ma bɛsɛ minnu kɔ, wole si wonu kɔ. Kɔlɔma-malɛsɛnɛ anubɛ kuru-malɛsɛnɛ le wonu na.

Tɔn-Fɔɛ-Fila-Nyɔgɛ 29:17

Anu ya anuna bɛsi-fufafuyi minnu nadan kɔlɔma anubɛ kuri la, sɛnɛ anubɛ wodi-gbɛ, wo ya wonu yen.

Lankɛnimayɛ 9:20

Mɔgɛnu ya bɛsɛ minnu nadan anu bole la, anu ma tubi ka fara wonu kɔɛ la. Mɔgɔ-toe wonu ma faga fitina sawɛ wonu kɔrɔ. Anu ma fara nyina-kɔɛ la. Bɛsɛ minnu nadannɛ sɛnɛ anubɛ wodi-gbɛ la wo, bɛsɛ minnu nadannɛ silɛɛ anubɛ kuri la wo, bɛsɛ minnu nadannɛ kɔlɔma la wo, anu ma fara wonu fanan kɔɛ la. Bɛsɛ wonu ti ke fen yenna. Anu ti ke ko lamɔɛnna. Anu ti ke tagamana. Anu ti ke fenfen mala.

1 Samuwɛli 26:19

N tigi, n bi min fɔla i ye, i wɔlɔ matɔlɔ wo la. Ni Mari le wara a ma, i wara nɔrɔ n ma, sarakɛ si a ma, ale Mari yisi ni yɛlɛma n bara-koe rɔ. Kɔnɔ ni mɔgɛnu denu gba ye, alamɛ wonu tiginu ya Marita dankɛ sɔrɔn bawo anu bara n gben Marita nyamanɛ rɔ ka n nata nyamani-gbɛrɛ rɔ alako n ni sibolo-gbɛrɛnuna bɛsɛnu kɔ nyɔ.