Tɔn-Fɔɛ-Fila-Nyɔgɛ 4:27 - ALLALA KUMƐ

²⁷ Wo kɔma, Mari si wo ranyɛnsɛn. Wo si basan sibolo-gbɛrɛkɛnu na. Wo siyaman si faga. Wo ma ni dɔgɔya.

Tɔn-Fɔɛ-Fila-Nyɔgɛ 4:27 ပူးပေါင်းရင်းမြစ်များ

Ko-Dabirɛnu 11:4

Anu ya a fɔ anu nyɔgɔn ye tun ko, “Wo na, ma ni so-karantan sɔ. Wo kɔma, ma ni san-bon-nayan-bɛ sɔ min si tugu san-kole la. Woletɔ ma tɔgɛ si bɔ. Ni ma ma wo ma, ma ra si nyɛnsɛn dugu-kole bɛɛ kuma.”

Ko-Dabirɛnu 34:30

Yakoba ya a fɔ ala den Simiyɔn anubɛ Lifayi ye ko, “Wo ara nanparan le di n ma kɛ la. Wo sɔn kɛ si a ma, ma si gboya Kenannu anubɛ Perasanu anubɛ sibolo-gbɛrɛ dama ye, ado male ma siya iko anu denu. Ni wonu ya anu nadɛn ma kan ma, anu si ma lato dogbe!”

Nihɛmaya 1:3

Wonu ko mɔgɔ-birani-kɔrɛ minnu kunyɛ ma to-a-rɔ, wonu sɛgira Yerusalɛm. Anu kɔndɔfilinɛ kaka dɔgɔma-ma-de! Anu ko fanan ko sibolo-gbɛrɛ minnu bi anuna foolɛ rɔ, wonu yigi tɛgɛnɛ anu tɔ. Anu ya min fɔ n ye Yerusalɛm wara-koe rɔ ko kebi anu ya nyɔ-tarɛ keri ka a don-dɛnu mintan, ha bi, nyɔ tinyanɛ. A la ma dan bɛ.

Yaburi 106:27

Wo kɔma, a ko a si anu kegeyɛnu tanyɛnsɛn Alla-batobɛlɛnu tɛma ka a ma, anu ni faga nyamani-gbɛrɛnu tɔ.

Yaburi 44:11

I sɔnta ma kan-natɛgɛ-koe ma iko sagɛ. I wara ma ranyɛnsɛn nyamanɛ doinu tɔ.

Yaburi 44:12

I ma ila mɔgɛnu dɛ lagbɛlɛya. I ya ma mayira ka ma ma iko fan min dɛ ma gbɛlɛ.

Aiseya 17:6

Mɔgɔ-dande le ye tola a niyi la. Isirɛla si ma iko toro-kuri min gbɔɛ ara fɔlɔla banna a la fɔ a gbɔ sawɛ min bi a sore la. Isirɛlata Mari Alla kan le kɛ la.

Yɛrɛmaya 16:13

Woletɔ a ko a ye wo lakɛla a rɔ nyamanɛ do rɔ wo benbanu anubɛ wole ma min lɔn tele-kelen-bɛrɛni! Wo tenbi nyamanɛ wo rɔ, su-ni-tele wo ye bɛsi-kɔ-koe le tɔ. A ko a ti wo dɛnbɛ hali ka hina wo la.

Isikiyɛli 11:16

“Ta nde, Marita kumɛ fɔ i na-kelen-nyɔgɔ mɔgɔ-biranɛ wonu ye. A fɔ anu ye ko nde le ya anu tanyɛnsɛn ka anu nata wula-yannu na sibolo-gbɛrɛnu tɛma. A fɔ anu ye ko hali anu bi kan-tinɛ minnu tɔ wo la, n bi anu fɛ nyɔnu tɔ, ado anu si n bato nyɔnu tɔ.

Isikiyɛli 12:15

“N ba anu tanyɛnsɛn sibolo-gbɛrɛnu tɛma nyamani-gbɛrɛkɛnu tɔ, anu si a lɔn worɔ ko Mari le nde la.

Isikiyɛli 20:23

Min sanɛ wo kuma, n ya lanyiri do kiri anu ye tun wulɛ wo rɔ. N ya n keli n ko fɔ n ba anu tanyɛnsɛn duninya mumɛ bɛɛ rɔ.

Isikiyɛli 22:15

N si anu tanyɛnsɛn nyamanɛ bɛɛ rɔ. N si tɔn sigi anuna wunduyogoyɛ ma.

Isikiyɛli 32:26

“Misɛki soe anubɛ Tubali soe kɛlɛ-dannu fanan bi anu fɛ nyɔ lakira. Alla-lɔnbɛlɛ kɛ minnu bi mɔgɛnu takilanna nun, kɛlɛ tara wonu dama la lakira.

Daniyɛli 9:7

Ile n Tigi, i ya ko-wo-ko ma, wo telennɛ kɔnɔ male waralɛ, ma ara koe min bɛɛsi ma, fenfen sa wo kɔma fɔ miliya-koe gbansan! A mara Yuda nyamanita-mɔgɔ la wo, a mara Yerusalɛm so-burɔ-mɔgɔ la wo, a Isirɛla mɔgɔ to wo, kɛlɛ tara minnu na wo, kɛlɛ ma ta minnu na wo, ma damasi ye kɛ yilikiyi kɔrɔ.

Hoseya 9:17

Nde ye Alla min batola, wo si a ban wole, ata mɔgɛnu na bawo wo ya wo ban wo tole masɔla a la. Wo si to yilan-yilanna sibolo-gbɛrɛnu tɛma.

Saraka-Masɔlɛnuta Tɔnnu 26:33

N si wo yogenu nana ka wo kɛlɛ ka wo bira ka ta wo la nyamanɛ siyamɛnu tɔ. Wola nyamanɛ rakolɔn si to. Wola soenu si ma iko tonbon-kɔrɛnu.

Sakaraya 7:14

A ko wo le ya a ma, a tara wo ranyɛnsɛn nyamani-gbɛrɛkɛnu tɔ iko fɔnyɔ wa fen ranyɛnsɛn. A ya wola nyamani-hakikɛ kɛ rakolonya. A kasaranɛ tora pɔ!

Tɔn-Fɔɛ-Fila-Nyɔgɛ 28:36

“Mari si wole anubɛ wola mansɛ lagbengben ka wo labɔ wola nyamanɛ rɔ ka ta wo don wo yogenu bolo anuna nyamanɛ rɔ. Wo yogenu si to wo gbenna ka ta wo la nyamanɛ do rɔ, wo ma wo kian sɔ wɛ kan min nun, hali wo benbanu. Wo wa ke wonu bole tɔ tumɛ min, wo si anuna bɛsɛnu kɔ. Kɔlɔma anubɛ kuru-malɛsɛnɛ le wonu na.

Tɔn-Fɔɛ-Fila-Nyɔgɛ 29:28

Marita fondo-belebele bɔra anu kuma ka anu wurun ka anu nabui nyamani-gbɛrɛnu tɔ fugbu! Anu bi nyɔ ha bi.’

Tɔn-Fɔɛ-Fila-Nyɔgɛ 30:3

wota Mari Alla fanan si kinikini wo ma. A ya wo don bɔnsɔn minnu bolo nun, a si wo labɔ wonu tɛma. Wola koe bɛɛ si ta a kilɛ fɛ wo bolo tun.

Tɔn-Fɔɛ-Fila-Nyɔgɛ 32:26

A bɛnta nun, Mari ni wo lato dogbe, woletɔ mɔgɛnu ti anu miri wo ma tun.