Tɔn-Fɔɛ-Fila-Nyɔgɛ 4:23 - ALLALA KUMƐ

²³ Wo ni a ma wo fɛrɛma, wo kana nyina wobɛ Mari Alla sarata min na. Wo ni ata kumɛ bira, wo kana bɛsi-wo-bɛsi ladan wo nyɛrɛ ye

Tɔn-Fɔɛ-Fila-Nyɔgɛ 4:23 ပူးပေါင်းရင်းမြစ်များ

2 Mansɛnu 17:38

Ma sarata min ma, wo kana nyina wo ko.

1 Ko-Kɔrɔta-Karan 16:15

Alla ara sarama-kan min kiri mabɛ ma benba Iburayima anubɛ Isiyaka ye, a si a yili to wo ko habadan, ado tele kelen ko ma wo la!

Bɔ-Koe-Iyipiti 23:13

“Wo kana bɛsɛnu kɔ, hali anu wara-ko-kumɛ kana taran wo da rɔ. N bara min bɛɛsi fɔ wo ye kɛ la, wo ni a ma wo fɛrɛma wonuna ko la.”

Aiseya 24:5

Duninya la ara tinya bawo mɔgɛnu bara Allata tɔnnu tinya ka ata habadan-sarama-kan boloka.

Yɛrɛmaya 31:22

Wole minnu bara wo kan-kɔ sɔ Mari la, wo si to dɛnkɛninyabɛlitayɛ kɛ rɔ ha tumɛ nyamintan? A manɛ iko Mari ara ko kurɛ do dabira. Wo makawara iko musi tenbi kei kumafunfanna.

Isikiyɛli 16:59

“ ‘Nde, i tigi Mari kan le kɛ la. N ko n si i bira iko i sɔn-yogomɛ ye nya min bawo i ma i yili to ma sarama-kan ko.

Isikiyɛli 8:10

N donta. N ma fenfen taran dandan ma nyɔ fɔ duguma-fannuna muninyɛ anubɛ sogo-haramunɛnuna muninyɛnu anubɛ Alla gboyana-bɛsɛnu Isirɛla bɔnsɔn-mɔgɛnu bi minnu kɔla.

Malakayi 4:4

A ya tɔn min di ala wɔli-kɛla Musa ma Sinayi kɔnkɛ kuma, a ko wo ni wo miri wonu denu ma. A ya wo don a bolo alako Isirɛla mɔgɛ bɛɛ ni ala tɔn wonu bira.

Yilan-Yilan Koe 15:39

Wo wa a bunsan kɛnu yen tumɛ min, wo si wo miri Marila tɔnnu ma ka anu bira. Wo si a ma, wo ti wo nyɛrɛ sako kɛ ka wo kan-kɔ sɔ a la.

Matiyu 24:4

Yisa ya a fɔ anu ye ko, “Wo ni a ma wo fɛrɛma. Wo kana sɔn, mɔgɔ-wo-mɔgɔ ni wo mayuwaya.

Luka 12:15

Wo kɔma, a ya a fɔ anu dama ye ko, “Wo ni a ma wo fɛrɛma wasabɛlɛnuna ko la bawo mɔgɔ niyi ti suma ka a bɛn a bolo-fannu ma, hali a bananyara nya bɛɛ ma.”

Luka 21:8

Yisa ya a yabi ko, “Wo ni a ma wo fɛrɛma. Wo kana sɔn, mɔgɔ-wo-mɔgɔ ni wo mayuwaya bawo mɔgɔ siyaman si na n tɔgɛ rɔ ka a fɔ ko, ‘Ale le nde la!’ Anu si a fɔ fanan ko, ‘A wati ara ke!’ Kɔnɔ wo kana bila wonu fɛ.

Tɔn-Fɔɛ-Fila-Nyɔgɛ 16:22

Wo kana kuru-lɛsɛnɛ donu ma wota bɛsɛnu na. Wo sufanu ma di wota Mari Alla ye dɛɛ!”

Tɔn-Fɔɛ-Fila-Nyɔgɛ 27:15

“ ‘Alamɛ Allata dankɛ taranta wo mɔgɛnu kuma minnu bi fannu lɛsɛla bɛsɛnu muninyɛ rɔ ka anu kɔ hali dogɔn rɔ bawo bɛsɛnu ma di Alla ye.’ “Minnu bi danka-kɔnkɛ wo bu la, wonu si a labira ko, ‘Amina.’

Tɔn-Fɔɛ-Fila-Nyɔgɛ 27:9

Wo kɔma, Musa anubɛ saraka-masɔlɛnu ya a fɔ Isirɛla mɔgɛ bɛɛ ye ko, “Wole Isirɛla mɔgɛnu, wo ni wo yɛ sɔ n na ka wo tole masɔ. Wole ara ma Mari Allata mɔgɛnu na bi.

Tɔn-Fɔɛ-Fila-Nyɔgɛ 29:25

Wo yabilɛ si ma ko, ‘Anu bɔɛ Iyipiti, Mari ya lanyiri kiri ata mɔgɛnu ye kɔnɔ wonu kegeyɛnu ya lanyiri wo tinya ka don bɛsi-kɔ-koenu tɔ, ado anu benbanu ma bɛsɛnu kɔ. Mari ya a fɔ anu ye nun ko anu kana bɛsɛnu kɔ hali!

Tɔn-Fɔɛ-Fila-Nyɔgɛ 31:20

N bara anu benbanu yili-madiya nyamani-hakikɛ min na, n si anu bi ka ta anu na nyɔ rɔ. Anu bi nyinina dɔn-fan min bɛɛsi ma, anu si wo bɛɛsi sɔrɔn nyɔ rɔ. Anu si taran anu diya nyɔ. Kɔnɔ hali wo, anu si anu kan-kɔ sɔ n na ka don bɛsi-kɔ-koenu tɔ. Anu si anu ban n na ka ma-tɛma-sarama-kan tinya.

Tɔn-Fɔɛ-Fila-Nyɔgɛ 4:25

“Wo mɛra nyɔ nya-wo-nya, wo ni dannu sɔrɔn anubɛ wo mamanɛnu, wo kana bɛsi-wo-bɛsi ladan. Bɛsi-yogomɛ-ladan-koe kana wo don hakɛ rɔ. Ko-yogomɛ le wo la Mari yala. Wo si a ma, a fonde ni bɔ wo kuma.

Tɔn-Fɔɛ-Fila-Nyɔgɛ 4:9

“Wo ni a ma wo fɛrɛma de! Wo ara min yen wo nyɛrɛ yɛ la kɛ la, wo kana nyina wo ko wo siyi-tele bɛɛ kɔrɔ. Wo benbanu ya min yen anu sɔra Mari yakɔrɔ Sinayi kɔnkɛ kɔrɔ tumɛ min, wo ni wo rakaran wola dannu anubɛ wo mamanɛnu ye. Mari ya a fɔ nde, Musa ye nun ko n ni Isirɛla mɔgɛnu nadɛn kan-tina-kelen kɔnkɛ wo kɔrɔ nyɔ. Mari ko a sɔgɛ ye a la, anu ni a lamɔɛn a ye nala min fɔla nyɔ woletɔ anu si ale Mari gbiliya anu siyi-tele bɛɛ rɔ. Wo si a ma, anu ni anuna dannu karan alako anu si mata Mari Alla gbiliya nya min.

Tɔn-Fɔɛ-Fila-Nyɔgɛ 5:2

Wo tumɛ ma ye Sinayi kɔnkɔ kɔrɔ, mata Mari Alla ya lanyiri kiri ma ye.

Tɔn-Fɔɛ-Fila-Nyɔgɛ 6:12

Wo ni a ma wo fɛrɛma, wo kana nyina Mari ko min ya wo labɔ yɔɔnyɛ rɔ Iyipiti nyamanɛ rɔ.

Hiburunu 3:12

Woletɔ n na-kelen-nyɔgɛnu, wo ni a ma wo fɛrɛma. Ni-yogoyɛ wo, dɛnkɛninyabɛlitayɛ wo, wo fenfen kana taran wo tɛma min si a ma, wo ni wo kan-kɔ sɔ Alla nimɛ la.

Yasowa 23:11

Wo ni a ma wo fɛrɛma ka wola Mari Alla keni.

Yasowa 23:16

Ni wo ya bɛsɛnu kɔ, Marita diminya-wɛ si wo tɔrɔ, ado a si wo bɔ nyamani-hakikɛ kɛ rɔ.”