Tɔn-Fɔɛ-Fila-Nyɔgɛ 4:19 - ALLALA KUMƐ

¹⁹ Fenfen min bi san ma iko tele anubɛ karɛ anubɛ lolenu, wo kɔ-sɔgɛ kana wo bira. Wota Mari Alla ya wonu di duninya mumɛ ma le.

Tɔn-Fɔɛ-Fila-Nyɔgɛ 4:19 ပူးပေါင်းရင်းမြစ်များ

Ko-Dabirɛnu 1:14

Wo kɔma Alla ko, “Fan donu ni taran san-kole rɔ minnu si waan raka alako ka suyi anubɛ tele dan-natɛgɛ lɔn wonu fɛ, anubɛ ka watinu dan-nafarɛ lɔn fanan.

Ko-Dabirɛnu 2:1

Alla banta duninya danna ka le anubɛ fan min bɛɛ ye a rɔ.

2 Mansɛnu 17:16

Anu ya anuta Mari Allata tɔn bɛɛ tinya. Anu ya nɛgɛ ladan ninki-den filala muninyɛ la. Anu ya kɔlɔma lɛsɛ musila muninyɛ la ka a kele ko Asura. Anu ya lolenu bato. Anu ya anuna bɛsi Beyali kɔ.

2 Mansɛnu 21:3

A fa Mansa Hɛsakaya ya Alla-batobɛlɛnuna kɔ tinɛ minnu tinya, Mansa Manasa ya wonu sɔ a kurɛ la tun. A ya bɛsi-kɔ-tina-mayɛlɛnɛnu nadan anu si Beyali kɔ kan min. A ya kɔlɔma lɛsɛ musila muninyɛ rɔ iko Isirɛla Mansa Ehabu ya a ma nya min nun. Bɛsɛ wo tɔgɛ le Asura. Min sanɛ wo kuma, a ya lolenu fanan bato.

2 Mansɛnu 23:11

Yuda mansa-kɔrɛnu ya soee minnu ma tele-bato-fan la, a ya soee wonu nabɔ kata burɔ ka anuna kirindi mintan. (Soee wonu namaranɛ kata le burɔ don-dɛ dafɛ nun Netan-Mɛlɛkila bɔn dafɛ. Mɔgɔ-ba do le wo la nyɔ.)

2 Ko-Kɔrɔta-Karan 33:3

A fa Mansa Hɛsakaya ya Alla-batobɛlɛnuna kɔ tinɛ minnu tinya, ale Mansa Manasa ya wonu sɔ-kurɛ-kɛ tun. A ya saraka-bɔ-tinɛnu nadan anu si Beyali kɔ kan min. A ya kɔlɔma lɛsɛ bɛsi-musi Asurala muninyɛ la. Min sanɛ wo kuma, a ya lolenu fanan bato.

Nihɛmaya 9:6

Wo kɔma, Isirɛla mɔgɛnu ya matarali-kɛ. Anu ko, “Mari, ile le kelen pe ye Mariyɛ la. Ile le kelen pe le ya san-kole anubɛ lolenu dan. Ile le ya dugu-kole anubɛ kɔgɔ-yi dan anubɛ fan min bɛɛ ye anu tɔ. I ya niyi di ma dama ma. Melikanu fanan si anu madu i kɔrɔ ka i bato.

Yaburi 19:3

Kɔnɔ a sa mɔgɔni-fin-kan fɔla, ado mɔgɔ ti anu kan lamɔɛn.

Yɛrɛmaya 19:13

Yerusalɛmna bɔnnu anubɛ mansɛla bolon-sɛninyabɛlɛ si to iko Tofɛti kɛ. Wo ye mala le bawo wo ye yɛlɛla anuna bɔnnu kuma bɛsi-kɔ-tinɛ. Wo wa yɛlɛ nyɔ, wo si to lolenu kɔla ka isɛnti mintan anu ye nyɔ. Wo si minni-fannu ma sarakɛnu na wola bɛsɛnu ye nyɔ.”

Yɛrɛmaya 31:35

Alla ya tele labɔ le alako waan ra ni to kala. A ye a mala, karɛ anubɛ lolenu ta ni gbɛ suyi rɔ. A ye kɔgɔ-yi latugula a rɔ alako anu ni kuma. A tɔgɛ le Mari Sɛnbɛ-Bɛɛ-Tigi.

Yɛrɛmaya 33:25

Mari ko a ara tɔn sigi dugu-kole anubɛ san-kole ye.

Yɛrɛmaya 8:2

Furi wonu kɛndɛnu ya tele anubɛ lolɛ anubɛ karɛ minnu kɔ, anu kolenu ta si nyɛnsɛn wonu kɔrɔ. Anu bi kɛnu kɔla nun alako ka anu matara. Mɔgɔ sa tun min si kole wonu madɛn ka anu togon. Anu si to dugu-kole ma iko bo-gbalɛ.

Isikiyɛli 18:6

min sa Isirɛla mɔgɛnuna bɛsɛnu kɔla. A ti bɛsi-kɔ-fan dɔn anuna kan-tina-layan-bɛnu tɔ. A ti bila mɔgɔ-gbɛrɛla musi fɛ, ado musi tenbi ala wati rɔ, a ti a sa wo fɛ.

Isikiyɛli 8:16

A tara n na kata burɔ. N ya mɔgɔ mogan-ni-loli yen saraka-mintan-tinɛ anubɛ Bato-Bɔn don-dɛ tɛma. Anu kan-kɔ sɔnɛ Bato-Bɔn la. Anu yɛ lamununnɛ tele-bɔɛ la ka tele bato.

Sɛfanaya 1:5

Mɔgɔ-wo-mɔgɔ yɛlɛta kan-tina-layan-bɛ kuma alako a ni tele anubɛ karɛ anubɛ lole bato nyɔ, Mari ko a si wo tigi kasara pɔ! Minnu bi Mari batola ka telenbagaya-lanyiri kiri a ye, wo kɔma, a ni ta a gboro bɛsɛ wo rɔ min tɔgɛ Molɛki, Mari ko a si wonu fanan kasara.

Matiyu 5:45

Wo le si a ma, i si ma iko i Fa Alla min bi Arinyɛni tɔ bawo a ye ala tele labɔla mɔgɔ-nyimɛ anubɛ mɔgɔ-yogomɛ bɛɛ ye nya-kun-kelen. Ko-latelenni-kɛla wo, ko-yogoma-kɛla wo, Alla ye bandɛ lanala wo bɛɛ ye.

Kɛwɔlɛnu 7:42

Woletɔ Alla ya a kan-kɔ sɔ anu na feu, alako anu ni tele anubɛ karɛ anubɛ lolenu bato san ma, ado a sɛbɛnɛ nɛbinuta buku do rɔ ko, ‘Isirɛla mɔgɛnu, wo ya kolo-fan minnu kan natɛgɛ ka wonu ma sarakɛ la san bi-nani kɔrɔ wulɛ rɔ, wo ma wonu di nde ma wo yisi bɛɛ la.

Romu 1:25

Anu ya Allala tonyɛ mafelen foninyɛ la. Anu wɔlita dali-fannu denu ye ka wonu denu kɔ. A bɛnnɛ anu ni Dali-Mansɛ min tanto, anu bara wo to nyɔ tolon! Tonyɛ le wo la.

Tɔn-Fɔɛ-Fila-Nyɔgɛ 13:10

Wo ni a mabon kuri la bawo ale le ye kɛwuyɛ ladan-koe rɔ ka wo bɔ wo Mari Allata kilɛ fɛ min ya wole labɔ yɔɔnyɛ rɔ Iyipiti.

Tɔn-Fɔɛ-Fila-Nyɔgɛ 13:5

Ni wɔlɔyi anubɛ kiyo-kɔrɔ-takarannɛ do ya wo labila kɛwuyɛ do la alako wo ni murutiya Alla ma, wo si wo tigi faga. Wota Mari le ya wo kunka ka wo labɔ Iyipiti nyamanɛ rɔ. Maritɛ le wole la gbɛ! Mɔgɔ-sufa wo yogo. A sɔgɛ ye mɔgɔ-sufa wo la ka wo labɔ Allata kilɛ fɛ. Wo si a faga alako ka ko-yogoma-sufa wonu nabɔ wo tɛma.

Tɔn-Fɔɛ-Fila-Nyɔgɛ 4:18

Fenfen sufa min bi a niyi la, wo kana wonu muninyɛ ladan ka anu kɔ.