Tɔn-Fɔɛ-Fila-Nyɔgɛ 4:16 - ALLALA KUMƐ

¹⁶ wo kana ko-yogoma ma ka bɛsɛnu nadan. Wo kana bɛsɛ ladan minnubɛ hadama-dan muninyanɛ.

Tɔn-Fɔɛ-Fila-Nyɔgɛ 4:16 ပူးပေါင်းရင်းမြစ်များ

Bɔ-Koe-Iyipiti 32:7

Anu bi wo kun na, Mari ya a fɔ Musa ye kɔnkɛ kuma ko, “I buri yigila kamasɔrɔn i wara na mɔgɛ minnu na ka bɔ Iyipiti nyamanɛ rɔ, wonu bara yɛlɛma ka yogoya.

Aiseya 40:18

Mɔgɛ si Alla sanka yon ma? Mɔgɛ si ke Alla faranfasɛ lɔnna kama?

Aiseya 44:13

Kɔlɔma-lɛsɛlɛ wo si kɔlɔma suma. A si bɛsɛ wo ladan-bole suma kɔlɔma wo ma ka a lɛsɛ dabira. A si a ladan a kin na iko hadama-dan. A wa ban a ladanna, a si ta a sigi a kɔ tinɛ rɔ.

Isikiyɛli 8:10

N donta. N ma fenfen taran dandan ma nyɔ fɔ duguma-fannuna muninyɛ anubɛ sogo-haramunɛnuna muninyɛnu anubɛ Alla gboyana-bɛsɛnu Isirɛla bɔnsɔn-mɔgɛnu bi minnu kɔla.

Saraka-Masɔlɛnuta Tɔnnu 19:4

“Wo kana nde, Mari Alla boloka ka bɛsɛnu kɔ. Wo tigi le nde, Mari Alla la, woletɔ wo kana nɛgɛ-fenfen ma bɛsɛ la wo nyɛrɛ ye ka a kɔ.

Saraka-Masɔlɛnuta Tɔnnu 26:1

Mari ya a fɔ Musa ye ko, “Wo kana kuri malɛsɛ ka a kɔ bawo nde nyɛrɛ-nyɛrɛ le wota Mari Alla la.

Yɔni 4:24

Alla, niyi le. Minnu bi a batola, anu ni a bato a kila-bɛrɛbɛrɛ fɛ ala Ni-Sɛnimɛta dɛnbɛnɛ fɛ iko a ye nyinina a ma nya min.”

Kɛwɔlɛnu 17:29

Nba, ni ala dannu le male la, ma kana ma miri ko Allayɛ manɛ iko sɛnɛ anubɛ wodi-gbɛ, ni wo ma, kuri min lɛsɛnɛ mɔgɛnuna halliyɛ anubɛ hɛnkili la.

Tɔn-Fɔɛ-Fila-Nyɔgɛ 16:22

Wo kana kuru-lɛsɛnɛ donu ma wota bɛsɛnu na. Wo sufanu ma di wota Mari Alla ye dɛɛ!”

Tɔn-Fɔɛ-Fila-Nyɔgɛ 27:15

“ ‘Alamɛ Allata dankɛ taranta wo mɔgɛnu kuma minnu bi fannu lɛsɛla bɛsɛnu muninyɛ rɔ ka anu kɔ hali dogɔn rɔ bawo bɛsɛnu ma di Alla ye.’ “Minnu bi danka-kɔnkɛ wo bu la, wonu si a labira ko, ‘Amina.’

Tɔn-Fɔɛ-Fila-Nyɔgɛ 31:29

N ya a lɔn ko n ba faga tumɛ min, Isirɛla mɔgɛnu si ma wunduyogenu na. Anu si anu ban nta karan kɛnu na. Kɔnɔ tɔ-a-la, anu si masiba-koenu sɔrɔn bawo anu ya Alla kuman-kan masɔsɔ. Woletɔ anu bara a ma, Mari fonde ara bɔ anu kuma dɔgɔma-ma-de!”

Tɔn-Fɔɛ-Fila-Nyɔgɛ 4:23

Wo ni a ma wo fɛrɛma, wo kana nyina wobɛ Mari Alla sarata min na. Wo ni ata kumɛ bira, wo kana bɛsi-wo-bɛsi ladan wo nyɛrɛ ye

Tɔn-Fɔɛ-Fila-Nyɔgɛ 4:25

“Wo mɛra nyɔ nya-wo-nya, wo ni dannu sɔrɔn anubɛ wo mamanɛnu, wo kana bɛsi-wo-bɛsi ladan. Bɛsi-yogomɛ-ladan-koe kana wo don hakɛ rɔ. Ko-yogomɛ le wo la Mari yala. Wo si a ma, a fonde ni bɔ wo kuma.

Tɔn-Fɔɛ-Fila-Nyɔgɛ 5:8

“A ko fan minnu bi san-kole rɔ wo, fan minnu bi dugu-kole kuma wo, fan minnu bi yi kɔrɔ wo, wo kana wonuna muninyɛ fenfen ladan

Tɔn-Fɔɛ-Fila-Nyɔgɛ 5:9

wo si wo nyɛnkin min kɔrɔ ka a bato. Ale le wota Mari Alla la min sa nyinina a senɛ ma. Ni Mari sɔgɔ labɔra bɛsi-kɔlɛ minnu na, a ko a si wonu tɔrɔya, hali anuna dannu anubɛ anu mamanɛnu ha ka ta a sigi anu tolo-birɛnu na anubɛ anu tolo-bira-sɔɛnu. A ko minnu si anu ban a la, a si wonu tɔrɔ.

Tɔn-Fɔɛ-Fila-Nyɔgɛ 9:12

Wo kɔma, Mari ya a fɔ nde ye ko, ‘I buri yigila kɔnkɛ kɔrɔ tiriya bawo i nara mɔgɛ minnu na ka bɔ Iyipiti nyamanɛ rɔ, wonuna ko-yogoma-ladan ara a ma, anu bara anu nyɛrɛ kɔsɔ. N ma n tade lefan, n ya min fɔ anu ye, anu bara anu kan-kɔ sɔ wo la. Nba, i yɛ lata de! Anu bara bɛsɛ ladan anu nyɛrɛ ye.’

1 Timoti 1:17

Alla min ti faga, a ti yen, ado a ye nyɔ tolon, alamɛ bonya anubɛ gbiliyɛ dira ale kelen pe ma! Amina!