Tɔn-Fɔɛ-Fila-Nyɔgɛ 4:12 - ALLALA KUMƐ

¹² Wo ni a fɔ anu ye fanan ko wo ya Mari kuman-kan lamɔɛn ka bɔ ta-mɛlan wo rɔ kɔnɔ wo ma ke ale yenna wo yɛ la.

Tɔn-Fɔɛ-Fila-Nyɔgɛ 4:12 ပူးပေါင်းရင်းမြစ်များ

Bɔ-Koe-Iyipiti 19:9

Mari ya a fɔ Musa ye ko, “N ba wuli kumala i ye tumɛ min, n si na i ma banda-finyɛ rɔ, woletɔ mɔgɛnu si wo yen ka n kuman-kan lamɔɛn. Wo si a ma, anu ni la i la burubukai!”

Bɔ-Koe-Iyipiti 20:22

Mari ya a fɔ Musa ye ko, “I ni a fɔ Isirɛla mɔgɛnu ye ko anu bara a yen anu nyɛrɛ yɛ la serr, ko n bara kuma anu ye banda-finyɛ wo rɔ.

Aiseya 30:21

Min ba kilɛ madasa doni bɛrɛn, wo si a lamɔɛn a kɔma ko, “Ta kila-telennɛ kɛ fɛ. Doi wo ma de!”

Aiseya 40:18

Mɔgɛ si Alla sanka yon ma? Mɔgɛ si ke Alla faranfasɛ lɔnna kama?

Aiseya 40:3

Mɔgɛ do gbele-gbelen kan ye bɔla, a ko, “Wo ni kilɛ rabɛn Mari ye wula-da-rakolɔn rɔ. Wo ni tagama-kilɛ bɛɛ matelen mata Alla ye.

Aiseya 40:6

Mɔgɛ do gbele-gbelen kan ye bɔla ko, “Nna kilayɛ lake!” N ya nyinikalɛ kɛ, n ko, “N bi nfen kilaya sufa lakela?” A fɔ ko, “Hadama-dan bɛɛ mani de dɔrɔn iko kalɛ. Anu ti mɛ iko kala-fere ti mɛ nya min.

Yilan-Yilan Koe 12:8

Mabɛ Musa si kuma ma nyɔgɔn na kɔnɔ n sa tamayi-kumɛ fɔla a ye. Ka tenbi wo bɛɛ la, a ya n nyɛrɛta tamasere yen, yɔ! Nfen ya a to gbɛ, wo sa kilanna ka murutiya-kumɛ kɛ fɔ a ma.”

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 3:17

Wo kɔma, kuman-kan bɔra Arinyɛni tɔ, a ko, “N nyɛrɛ diyana-dan le kɛ la min wara-koe ara n hɛnɛ feu!”

Matiyu 3:3

Ado nfan, Nɛbi Aiseya taranta kumala Yɔni kɛ lela ko la nun. A ya a fɔ ko, “Mɔgɛ do ye gbele-gbelenna wulɛ rɔ. A ye a fɔla ko, ‘Bɛɛ ni kilɛ laka Mari ye. Bɛɛ ni kila latelennɛ ladan a ye.’ ”

Tɔn-Fɔɛ-Fila-Nyɔgɛ 10:4

Wo tumɛ wo ladɛnnɛ Sinayi kɔnkɛ kɔrɔ, Mari kumara wo ye kɔnkɛ wo kuma ta-mɛlan rɔ ka Tɔn-Tan di wo ma. Mari ya Tɔn-Tan min di wo ma ta-mɛlan rɔ, wonu denu sɛbɛnɛ kuru-walan fɔlɔtɛ ma. A ya wo le sɛbɛ a tolatɛ fanan ma. Mari ya kuru-walan wonu don n bolo.

Tɔn-Fɔɛ-Fila-Nyɔgɛ 4:11

“Wo ni a fɔ wola dannu ye ko wo tumɛ wo sɔnɛ Sinayi kɔnkɛ kɔrɔ, Mari ya Sinayi kɔnkɛ yamatogon banda-fin-digidigi-wɛ anubɛ ta-sisi-fin-bɛ la anubɛ ta-mɛlan min bi yɛlɛla fɔ san-kole.

Tɔn-Fɔɛ-Fila-Nyɔgɛ 4:13

A ya a fɔ wo ye wo si ata sarama-kan bira nya min. A ya ata tɔn tan minnu sɛbɛ kuru-walan fila ma, wo ni wonu natɔnbagaya.

Tɔn-Fɔɛ-Fila-Nyɔgɛ 4:15

Musa ya a fɔ Isirɛla mɔgɛnu ye ko, “Mari ye kumala wo ye ka bɔ ta-mɛlan rɔ tumɛ min Sinayi kɔnkɛ kuma, wo ma ke a yenna, hali ala muninyɛ. Woletɔ min fisa, wo ni a ma wo fɛrɛma,

Tɔn-Fɔɛ-Fila-Nyɔgɛ 4:33

Ha bi, wo ara a lamɔɛn Mari ara kuma mɔgɛ donu na ta-mɛlan rɔ wa, anu kɛndɛ ni to?

Tɔn-Fɔɛ-Fila-Nyɔgɛ 4:36

A ya a ma, wo ya a kuman-kan lamɔɛn san-kole rɔ alako a si wo karan. A ya a ma, wo ya ata ta-sɛnimɛ yen. A kumara wo rɔ wo ye.

Tɔn-Fɔɛ-Fila-Nyɔgɛ 5:22

“Tɔn le kɛnu na Mari ya minnu di wo ma wo tumɛ wo ladɛnnɛ Sinayi kɔnkɛ kɔrɔ. Mari ya tɔn tan kɛnu denu dɔrɔn di wo ma a kulu-mayɛlɛnɛ la banda-fin-digidigi-wɛ anubɛ ta-mɛlan ta-sisi-fin-bɛ rɔ. Wo kɔma, a ya a sɛbɛ kuru-walan fila ma ka anu don nde, Musa bolo.”

Tɔn-Fɔɛ-Fila-Nyɔgɛ 5:4

Mari kumara wo ye gbɛ rɔ ta-mɛlan rɔ kɔnkɛ kuma nun iko mɔgɛ si kuma a ta-nyɔgɛ ye nya min.

Tɔn-Fɔɛ-Fila-Nyɔgɛ 9:10

Wo ladɛnnɛ Sinayi kɔnkɛ kɔrɔ tumɛ min, wo ya kuman-kan min namɔɛn ta-mɛlan wo rɔ, Mari ya kumɛ wonu denu sɛbɛ kuru-walan filɛ wo ma a nyɛrɛ kɔɛn la ka anu ma tɔn la.

Kɔlɔsi 1:15

Alla min ti yen, ata muninyɛ le Kirasiti la. Yanni fenfen ni dan, a ye nyɔ nun, ado dali-fan-bɛɛta kun-tigi le ale la.

Hiburunu 12:19

Anu ya buru-fɛ-kan anubɛ kuman-kan min namɔɛn, wole ma wonu namɔɛn. Isirɛla mɔgɛnu ya Allata kuman-kan wo lamɔɛn tumɛ min, anu kilanta ha anu ya a madiya alako anu kana wo su lamɔɛn tun