Tɔn-Fɔɛ-Fila-Nyɔgɛ 34:9 - ALLALA KUMƐ

⁹ Nunna dan Yasowa salɛ fanɛ hɛnkili la bawo Musa ara ban a dantɛgɛla Mari ma a nyɛrɛ gbɛ rɔ. Mari ya tɔn minnu di Musa ma nun, Isirɛla mɔgɛnu ya wonu bira anu bolo filɛ la gben Yasowa bolo.

Tɔn-Fɔɛ-Fila-Nyɔgɛ 34:9 ပူးပေါင်းရင်းမြစ်များ

1 Mansɛnu 3:12

Woletɔ n bi nala hɛnkili anubɛ lɔnnɛ dila i ma tɛban! Mɔgɔ-wo-mɔgɔ ti hɛnkili sɔrɔn duninya rɔ ka ke i rɔ.

1 Mansɛnu 3:9

Awa, i ni hɛnkili di n ma alako n si ke nya min ka mɔgɛ wonu kiti ka ko-nyimɛ anubɛ ko-yogomɛ dan-nafarɛ lɔn. Ni wo ma, n si ke mɔgɔ-sɛrɛ-wɛ kɛnu kitila kama ka mansayɛ kɛ?”

2 Mansɛnu 2:15

Yɛrikɔ nɛbi-karan-dan minnu yɛ bɛnnɛ anu ma nun, wonu ko, “Nɛbi Ilayata sɛnbɛ ye Nɛbi Ilaisa fɛ!” Anu tara a labɛn ka anu madu dugu ma a kɔrɔ.

2 Mansɛnu 2:9

Anu ke bɛ kɔma, Nɛbi Ilaya ya a fɔ Nɛbi Ilaisa ye ko, “Yanni n ni ta ka i to yan, n si nfen ma i ye?” A ya a fɔ a ye ko, “I si i kɛɛ min to n bolo, Marita sɛnbɛ min bi i fɛ, alamɛ wo nyɔgɔn fila tora nde bolo.”

1 Ko-Kɔrɔta-Karan 29:23

Wo le ya a ma, Silamɛni sigira a fa Mansa Dawuda gbɛ rɔ. Ata mansayɛ sabatira. Isirɛla mɔgɛ bɛɛ ya a gbiliya.

Bɔ-Koe-Iyipiti 12:28

Musa banta kɛ fɔla nya min wo, Isirɛla mɔgɛnu ya a dabira ka a ma iko Mari ya a fɔ Musa anubɛ Aruna ye nya min.

Bɔ-Koe-Iyipiti 31:3

N bara nta sɛnbɛ di a ma alako a ni hɛnkili sɔrɔn ka wɔli sifa kɛnu dama nya-lɔn.

Aiseya 11:2

Marita Sɛnbɛ si hɛnkili di mansɛ wo ma. A si hɛnkilimayɛ anubɛ mɔgɛnu-namara-hɛnkili di a ma. A si Mari sako lɔn ka a gbiliya.

Daniyɛli 6:3

A ma mɛ, mansɛ wo ya Daniyɛli kɛ nya-yen ko a kusan wɔlila ka tenbi a ta-nyɔgɛ mɔgɔ filɛ wonu na anubɛ kun-tigi mɔgɔ kɛmɛ ani mɔgɔ mogan. Bawo ale kusan ala wɔlɛ la min kɛ, woletɔ a sɔgɛ ya mansɛ bira ka ale ma ala kandɛ la nyamanɛ wo rɔ.

Yilan-Yilan Koe 11:17

N si ile Musa taran nyɔ. N ya nta Sɛnbɛ min di ile Musa ma, n si wo nyɔgɔn di mɔgɔ-ba wonu fanan ma. N ba ban nna Sɛnbɛ wo dila anu ma tumɛ min, anu si ke worɔ ka i dɛnbɛ dunɛ kɛnu bila. Wo le si a ma, ile kelan ti sɔ mɔgɔ-siyamɛ kɛnu yarɔ tun fɔ wobɛ mɔgɔ-ba kɛnu.”

Yɔni 3:34

Alla ara min sɔ, wo si Allala kumɛ fɔ bawo Alla le si ala Ni-Sɛnimɛ di a ma duk!

Kɛwɔlɛnu 6:6

Nyama ya wonu yira Marita kilayɛnu na. Wonu ya Alla matara anu ye ka anu bole sa anu kuma.

Tɔn-Fɔɛ-Fila-Nyɔgɛ 34:8

Tele bi-sawa, Isirɛla mɔgɛnu bi Musa dila Mohabu lɛɛ rɔ.

Kɔlɔsi 2:3

Kɔnɔ ka tenbi wo la, Allata hɛnkili anubɛ ala lɔnnɛ bɛɛ dogonnɛ ale Yisa rɔ.

1 Timoti 4:14

I kana i ban Allata Ni-Sɛnimɛta fandɛ la min bi wɔlila i rɔ. Wo dira i ma wo tumɛ chɔchi-mɔgɔ-banu ya anu bole sa i kuma wɔlɔyiya-kumɛ fɔ tinɛ.

1 Timoti 5:22

I kana gbaran i nyɛrɛ la ka i bole sa mɔgɔ kuma tiriya Marita wɔlɛla ko la. Ni i ya wo ma, wo wa bui, wo filɛ ara don hakɛ rɔ. I ni i nyɛrɛ mara sɛninyɛ rɔ wati bɛɛ.