Tɔn-Fɔɛ-Fila-Nyɔgɛ 34:5 - ALLALA KUMƐ

⁵ Wo kɔma, Marita wɔli-kɛlɛ Musa fagara Mohabu nyamanɛ rɔ nyɔ iko Mari ya a fɔ nya min.

Tɔn-Fɔɛ-Fila-Nyɔgɛ 34:5 ပူးပေါင်းရင်းမြစ်များ

2 Mansɛnu 1:17

Ale Mansa Ehasaya fagara a gbɛ wo rɔ nyɔ iko Mari ya a fɔ Nɛbi Ilaya ye nya min. A na-kelen-nyɔgɛ Yɔram sigira a gbɛ rɔ mansayɛ la bawo den-kei sa ale bolo. Kɛ mara wati min, wo ya a taran, Mansa Yɛhosafatila den Yɛhoramla mansayɛ ara san fila bɔ Yuda nyamanɛ rɔ.

Malakayi 4:4

A ya tɔn min di ala wɔli-kɛla Musa ma Sinayi kɔnkɛ kuma, a ko wo ni wo miri wonu denu ma. A ya wo don a bolo alako Isirɛla mɔgɛ bɛɛ ni ala tɔn wonu bira.

Yilan-Yilan Koe 12:7

Kɔnɔ nta lanaya-mɔgɛ le Musa la, woletɔ n ya a sigi Isirɛla mɔgɛ bɛɛsi kun na.

Tɔn-Fɔɛ-Fila-Nyɔgɛ 31:14

Mari ya a fɔ Musa ye ko, “A ti mɛ tun ile si so-sɛgi-kɛ. Yasowa kele ka na a la nde, Marita Fani-Bɔn la. N bi nala kumɛ do fɔla a ye ale si min ma.” Musa tara Yasowa kele ka na anu sɔ Marita Fani-Bɔn tenbi-bolɔn la.

Tɔn-Fɔɛ-Fila-Nyɔgɛ 31:16

Mari ya a fɔ Musa ye nyɔ ko, “Musa, i sa mɛla so-sɛgi-kɛla tun. I wa so-sɛgi-kɛ tumɛ min, mɔgɛ kɛnu si n boloka ka sarama-kan tinya ka don lanyiri-nyamanɛ bɛsi-kɔ-koenu tɔ anu bi tala kan min.

Tɔn-Fɔɛ-Fila-Nyɔgɛ 32:50

I si so-sɛgi-kɛ nyɔ iko i kɔrɔ Aruna ya so-sɛgi-kɛ Hɔ kɔnkɛ kuma nya min.

2 Timoti 2:25

A dinyanɛ ni a sɔsɔlɛnu natelen. Tumado, Alla si fɛrɛ di wonu ma ko anu ni tubi ka tonyɛ lɔn.

2 Pita 1:1

Nde, Saimon Pita ye kɛdi kɛ sɛbɛla, nde min bi Yisa Kirasitila wɔli-kɛlɛ anubɛ kilayɛ la, kɔni. Minnu bara dɛnkɛninya-bɛrɛbɛrɛ-wɛ sɔrɔn iko male, n bi kɛ sɛbɛla wonu denu ma. Anu ya wo sɔrɔn ma Kisilɛ Yisa Kirasitila telenbagayɛ baraka le tɔ, mata Alla, kɔni.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.