Tɔn-Fɔɛ-Fila-Nyɔgɛ 34:3 - ALLALA KUMƐ

³ A ya a yɛ layigi ka Yuda bɔnsɔn-mɔgɛnuna dugu-doi mafɛlɛn. A ya lɛɛ wo mafɛlɛn ka a fɔlɔ Sowa soe ma ha ka ta ke Yɛrikɔ soe ma tin-kurinu bi kan min.

Tɔn-Fɔɛ-Fila-Nyɔgɛ 34:3 ပူးပေါင်းရင်းမြစ်များ

Ko-Dabirɛnu 13:10

Lɔti ya a yɛ lata ka Yorodan-ba-lɛɛ mafɛlɛn tala ha ka ke Sowa soe ma. A ya yi yen nyɔ iko yi ye Marita nakɔɛ rɔ nya min nun anubɛ Iyipiti nyamanɛ rɔ. (Wo wati rɔ, Mari ma Sɔdɔm anubɛ Kɔmɔra soenu halaki bɛ.)

Ko-Dabirɛnu 14:2

Anu bi so loli minnu kɛlɛla Dalɛ Faganɛ dafɛ wonu tɔgɛ le kɛnu na, Sɔdɔm soe wo, Kɔmɔra soe wo, Adima soe wo, Sebom soe wo, anubɛ Bela soe min tɔgɛ fanan Sowa. Sɔdɔm so-tigi-tɔgɛ le Bera. Kɔmɔra so-tigi-tɔgɛ le Birisa. Adima so-tigi-tɔgɛ le Sinabu. Sebom so-tigi-tɔgɛ le Sɛmɛbɛri.

Ko-Dabirɛnu 14:8

Wo kɔma, so-tigi loli minnu ya anu kundɛn Dalɛ Faganɛ dafɛ, wonu fanan ya tele-bɔɛ warala-mansa nanɛ wonu fanan kun-kɔrɔ-bɛn kilɛ la kɛlɛ la.

Ko-Dabirɛnu 19:22

I lakaliya tala ka i dogon nyɔ kamasɔrɔn n ti Sɔdɔm kɛ tinya fɔ i wa ke nyɔ.” Bawo Lɔti ya a fɔ soe wo ma, a ko, “So-nɛ,” woletɔ tɔgɛ wo tora so-nɛ wo kuma ko, “Sowa,” min kɔrɛ ko a dɔgɔ.

2 Ko-Kɔrɔta-Karan 28:15

Mɔgɔ-ba nanɛ kɛnu ya mɔgɔ-biranɛ kɛnuna kurɛnu tatala mɔgɔ-biranɛ kɛnu na. Wonu ya kurɛnu anubɛ sanbarɛnu di anu ma. Anu tora dɔn-fannu dila anu ma ka tuli kɛ anuna tɛlɛnu ma. Minnu ti ke tagamana, anu ya sofɛlɛ di wonu ma. Anu ya mɔgɔ-biranɛ wonu bi ka anu nasɛgi anu barɛ Yuda nyamanɛ rɔ ka ta anu boloka Yɛrikɔ, anu bi soe min kelela ko Tin-Kuriya. Isirɛla kɛnu sɛgira anu kɔma Samariya soe burɔ.

Yilan-Yilan Koe 34:3

Ka a fɔlɔ dugula wara la, wola nyamani-dan si a dabira Dalɛ-Faganɛ ma ha ka ke Akiribin Don-Dɛ ma ka tenbi Sin wulɛ rɔ ka ta a labila Idɔm nyamani-dan ma min bi Kɛdɛsi-Baniya dugula-waralɛ rɔ. Dan wo le ye tala ha kan tinɛ do anu bi a fɔla min ma ko Hasa-Ada, tarɛnu bi kan min. Dan wo le ye tala tun ka bila yi-dɔgɔmɛ do fɛ min bi Iyipiti dan la ka ke kɔgɔ-yi ma.

Kɛlɛ-Kurugbɛnu 1:16

Nɛbi Musa biran-kei min bɔra Kena bɔnsɔn rɔ, wo kegeyɛnu bilara Yuda bɔnsɔn-mɔgɛnu fɛ ka bɔ Tamaro Kɔrɔ ka ta anu sigi Yuda bɔnsɔn anubɛ Amalɛkinu fɛ dugu la wula-da-rakolɔn rɔ Aradi soe dafɛ.

Kɛlɛ-Kurugbɛnu 3:13

Mansɛ wo ya Amonnu anubɛ Amalɛkinu kele alako wonu ni ta a dɛnbɛ Isirɛla mɔgɛnu kɛlɛ tinɛ. Anu ya Isirɛla mɔgɛnu nɔ ka Tamaro Kɔrɔ bɔ anu bolo.