Tɔn-Fɔɛ-Fila-Nyɔgɛ 34:10 - ALLALA KUMƐ

¹⁰ Ka a fɔlɔ wo wati ma, nɛbi-gbɛrɛkɛ mumɛ ma taran Isirɛla mɔgɛnu tɛma min si ma iko Nɛbi Musa bawo anubɛ Mari kumara anu nyɔgɔn na iko mɔgɔ si kuma a ta-nyɔgɛ la nya min.

Tɔn-Fɔɛ-Fila-Nyɔgɛ 34:10 ပူးပေါင်းရင်းမြစ်များ

Bɔ-Koe-Iyipiti 11:3

Mari ya a ma, Isirɛla mɔgɛnu diyara Iyipiti kɛnu ye kɔikɔi! Ka tenbi wo la, Musa wara-koe diyara Iyipiti mɔgɔ-banu anubɛ nyɔ-nyamanita-mɔgɛnu ye.

Bɔ-Koe-Iyipiti 33:11

Mari si kuma Musa ye iko mɔgɔ si kuma a ta-nyɔgɛ ye nya min. Ale si bɔ nyɔ ka sɛgi dagɛ rɔ tun kɔnɔ a dɛnbɛni-kɛlɛ, Nunna den-kei Yasowa, wo ti bɔ Fani-Bɔn wo burɔ.

Bɔ-Koe-Iyipiti 8:13

Mari ya Musala madiyalɛ yabi. Turukɔɔkɔ wonu damasi fagara, a bɔnnu na wo, a lu-kɔndɛnu wo, a sɛnɛnu tɔ wo.

Kɛwɔlɛnu 7:37

Ale Musa le wo la min ya a fɔ Isirɛla mɔgɛnu ye ko Alla si nɛbi do lana anu ma iko a ya ale lana nya min, ado a si nɛbi wo yabɔ anu denuta mɔgɛnu tɛma.

Tɔn-Fɔɛ-Fila-Nyɔgɛ 34:11

Nɛbi mumɛ sa nyɔ min si kabana-koenu nadan iko Nɛbi Musa. Mari Alla ya Musa sɔ ka kabana-ko-siyaman nadan Iyipiti mansɛ anubɛ ata mɔgɔ-banu anubɛ nyamanita-mɔgɛnu yala.