Tɔn-Fɔɛ-Fila-Nyɔgɛ 33:8 - ALLALA KUMƐ

⁸ Musa duwara Lifayi bɔnsɔn-mɔgɛnu fanan ye ka le ko, “Kuru filɛ min tɔgɛ Yurim anubɛ Tumin min bi saraka-masɔla-kun-tigi kɔgɔ-dala-kurɛ ma, ma si Mari sako lɔn wonu fɛ tuma-wo-tuma bawo i ya male Lifayi mɔgɛnu yabɔ i nyɛrɛ ye ila wɔlɛla ko la. I ya Lifayi mɔgɛnu nakɔrɔsi nde, Musa rɔ Kɔrɔbɔ Tinɛ rɔ. Lifayi mɔgɛnu ya yakɔrɔ-mamɔɛ sɔrɔn nde, Musala ko la Sɔnkɔ-Sɔnkɔ Tenke dafɛ.

Tɔn-Fɔɛ-Fila-Nyɔgɛ 33:8 ပူးပေါင်းရင်းမြစ်များ

2 Ko-Kɔrɔta-Karan 23:6

Mɔgɔ-wo-mɔgɔ kana don Bato-Bɔn nyɛrɛ burɔ fɔ saraka-masɔlɛnu nyɛrɛ-nyɛrɛ minnu bi anuna saraka-masɔ-wɔlɛ kɛla nyɔ rɔ. Wonu denu dɔrɔn si don a burɔ bawo mɔgɔ-dantɛgɛnɛ le wonu na. Kɔnɔ a mɔgɛ toenu, fɔ wo ni to luyi ma ka Marita kumɛ to a gbɛ rɔ.

Ɛsira 2:63

Yuda nyamani-kun-tigi ma sɔn anu ni saraka-masɔla-niyi dɔn. A ko anu ti ke a dɔnna fɔ saraka-masɔlɛ min ya Alla-sako-lɔn-fan lawɔli-nya lɔn, wo wa bɔ gbɛ rɔ tumɛ min. (Alla-sako-lɔn-fan wonu tɔgɛ Yurim anubɛ Tumin.)

Ɛsira 8:28

N ban kɛ damasi labɔla, n ya a fɔ anu ye ko, “Wole dantɛgɛni de ma benbanuta Mari Alla ma. Mɔgɛnu nara sɛnɛ anubɛ wodi-gbɛ-miran minnu na Mari ye hɛniki-sarakayɛ la, wonu fanan dantɛgɛnɛ a ma iko wole.

Nihɛmaya 7:65

Yahudiyanuna kun-tigi ma sɔn anu ni saraka-masɔ-niyi dɔn. Anu ti a sɔrɔn fɔ saraka-masɔlɛ min ya Alla-sako-lɔn-fan lawɔli-nya lɔn, wo wa bɔ gbɛ rɔ tumɛ min. Fen filɛ wonu tɔgɛ Yurim anubɛ Tumin.

Yaburi 106:16

Donu ya Nɛbi Musa makeliya wulɛ rɔ nyɔ. Donu fanan ya Marita wɔli-kɛla-sɛnimɛ Aruna makeliya fanan.

Yaburi 16:10

bawo n yili-latɛgɛnɛ le ko ile Mari ti i ban n na ka n kunyɛ ladon lakira. I ti sɔn ita mɔgɔ-latelennɛ ni tuli kanbɛ rɔ.

Yaburi 81:7

Wo ye kɔndɔfili rɔ tumɛ min, wo ya n takele. N ya wo lakisi.” Alla ko, “N dogonnɛ ya a labira banda-fin-gbɛ rɔ. N ya wo kɔrɔbɔ wulɔn kan tinɛ do rɔ anu bi min kelela Sɔnkɔ-Sɔnkɔ tenke.”

Bɔ-Koe-Iyipiti 17:7

Isirɛla mɔgɛnu ya gbunya-kumɛ dabira Mari ma a kɔrɔbɔ-koe la min kɛ alako ka a lɔn ni Mari ye anu tɛma, ka, ni a sa anu tɛma. Woletɔ a ya kan tinɛ wo tɔgɔ sa Kɔrɔbɔ Tinɛ anubɛ Sɔnkɔ-Sɔnkɔya.

Bɔ-Koe-Iyipiti 28:30

Wo si nde, Alla sako-lɔn-fen filɛ minnu fɛ minnu tɔgɛ Yurim anubɛ Tumin, i ni wonu sa kɔgɔ-dala-kurɛ wo yifɛ rɔ. Aruna wa don nde, Marita Fani-Bɔn la tumɛ min, wonu ni to a kɔgɔ dɛ rɔ ka nde sako lɔn Isirɛla mɔgɛnuna ko la.”

Bɔ-Koe-Iyipiti 28:36

“Wo ni sɛnɛ ladan ka a ma fagbatara! Wo ni a sɛbɛ sɛnɛ wo ma ko, ‘Mɔgɛ Kɛ Dantɛgɛnɛ Mari Le Ma.’

Saraka-Masɔlɛnuta Tɔnnu 21:7

Mari ko saraka-masɔla wo saraka-masɔla kana musi-yɛlan furu, ni wo ma, musi min bara kei-koe lɔn, anubɛ yili-bɔ-musi bawo wole saraka-masɔlɛnu sɛninyanɛ de!

Saraka-Masɔlɛnuta Tɔnnu 8:8

A ya kɔgɔ-dala-kurɛ bila a kan na anubɛ fen filɛ min bi wo ma, anu si Alla sako lɔn min fɛ.

Malakayi 2:6

Wo wati rɔ, a ko wole saraka-masɔlɛnu ya mɔgɛnu karan kila-telennɛ la, kila-raduni ma de! Anubɛ saraka-masɔlɛnu bi ko kelen tɔ nun wo wati rɔ. A ko wo ye ko-latelennɛ minnu mala wo wati rɔ, wo ma dan wo dɔrɔn ma de! Wo ya mɔgɔ-gbɛrɛkɛnu fanan karan alako wonu fanan ni fara ko-yogomɛ la.

Yilan-Yilan Koe 16:5

Wo kɔma, a ya a fɔ Kora anubɛ a ta-nyɔgɛ wonu ye ko, “Sina sɔgɔma, Mari si ata mɔgɛ yira ma la bawo Mari ye sɔnna mɔgɛ min na, a si mɔgɛ wo madon ale la.

Yilan-Yilan Koe 20:13

Mari ya ata telenbagayɛ yira anu na nyɔ. Anu ya yi kɛ tɔgɔ sa “Sɔnkɔ-Sɔnkɔ Tenke” bawo Isirɛla mɔgɛnu kumara Mari ma nyɔ.

Yilan-Yilan Koe 20:24

“Aruna ti don lanyiri-nyamanɛ wo rɔ. A ye so-sɛgi-kɛla yan de bawo wo murutiyara n ma Sɔnkɔ-Sɔnkɔ Tenke dafɛ.

Yilan-Yilan Koe 27:21

A si a yɛ bɛn Ɛliyasa ma. Wo si ke ka nde diyana-koe lɔn fen fila fɛ min bi saraka-masɔla-wɛla kɔgɔ-dala-kurɛ ma. Yasowa anubɛ Isirɛla mɔgɛnu si min ma, kɛnu si a ma, Ɛliyasa ni wo rakaran anu ye.”

Yilan-Yilan Koe 35:8

Bɔnsɔn kɛnu si soenu di Lifayi mɔgɛnu ma iko anuna nyamanɛ kolo nya min. Ni soe siyaman bi bɔnsɔn minnu bolo, wonu si siyaman bɔ wonutɛ la ka wonu di Lifayi mɔgɛnu ma. Ni bɔnsɔn minnuta soe ma siya, wonu si doni bɔ wonutɛ la ka wonu di Lifayi mɔgɛnu ma.”

Tɔn-Fɔɛ-Fila-Nyɔgɛ 6:16

“Wo kana wota Mari Alla kɔrɔbɔ iko wo ya a ma nya min Kɔrɔbɔ-Tinɛ wulɔn.

Tɔn-Fɔɛ-Fila-Nyɔgɛ 8:16

Wo ye wula-da-rakolɔn tumɛ min, a ya ata biredi di wo ma nyɔ, hali wo benbanu ma min dɔn fɔlɔ nun. Mari ya gbɛlɛyɛ lana wo kuma ka wo kɔrɔbɔ. Wo dama wa tenbi wo kuma tumɛ min, a si ata duwɛ layigi wo kuma worɔ ka wo makoenu nyinya.

Tɔn-Fɔɛ-Fila-Nyɔgɛ 9:22

“Wo tumɛ wo ye Kɔrɔbɔ Tinɛ, wo ya a ma, Mari fonde bɔra wo kan ma. Wo kɔma, wo ye Ta-Layigi Tinɛ tumɛ min, wo ya a ma, Mari fonde bɔra wo kuma nyɔ. Ma ya nyɔ boloka tumɛ min ka ta kan tinɛ do rɔ, ma ya a fɔ min ma ko Ko-Latenbi-Kaburu-Soe, wo ya a ma, Mari fonde bɔra wo kuma nyɔ tun.

Hiburunu 7:26

Nba, mala Saraka-Masɔla-Kun-Tigi-Wɛ Yisa si ma makoe bɛɛ nyinya! A sɛnima! Fɛɛ-wo-fɛɛ sa a la, ado a ma hakɛ si kɛ! A sa iko male hakɛ-tiginu feu! A layɛlɛta san-kole bɛɛ kuma pon!

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.

1 Samuwɛli 28:6

Woletɔ a ya Mari manyinika wola ko la. Kɔnɔ Mari ma sɔn a yabila kiyo rɔ anubɛ kuru filɛ wonu fɛ, Yurim anubɛ Tumin, kɔni, hali nɛbinu fɛ.