Tɔn-Fɔɛ-Fila-Nyɔgɛ 33:7 - ALLALA KUMƐ

⁷ Musa duwara Yuda bɔnsɔn-mɔgɛnu ye ko, “N Mari, i wɔlɔ matɔlɔ mɔgɛ kɛnu di-kɛ-kan la ka anu dɛnbɛ. I yandi, a ma, anubɛ bɔnsɔn doinu ni to kan kelen tɔ tun. I yandi, Mari, anu tenbi anu yogenu kɛlɛla, i ni anu dɛnbɛ kɛlɛ rɔ. Alamɛ anu ya anu yogenu nɔ.”

Tɔn-Fɔɛ-Fila-Nyɔgɛ 33:7 ပူးပေါင်းရင်းမြစ်များ

2 Samuwɛli 3:1

Kɔnɔ hali wo, kɛlɛ-nyɔgɔnyɛ tora Mansa Sɔlita fɛ-biralɛnu anubɛ Dawudala keminɛnu tɛma wati-yan kɔrɔ. Dawudala sɛnbɛ ma tora kofula kɔnɔ Sɔlita sɛnbɛ ma tora yigila.

2 Samuwɛli 5:1

Wo kɔma, Isirɛla mɔgɔ damasi nara Dawuda warɛ Hiburɔn soe burɔ. Anu ya a fɔ a ye ko, “Yele kelen de ma dama la.

2 Samuwɛli 5:19

Mansa Dawuda ya Mari manyinika, a ko, “Ni n tara Filisitinu kɛlɛ tinɛ, n si anu nɔ, wa?” Mari ko, “Ɔn, n si a ma, i ni anu nɔ.”

2 Samuwɛli 5:24

Ni i ya kinta-kan lamɔɛn pɔpɔ kɔlɔma-yanbɛ wonu na san ma, i si a lɔn wo rɔ ko nde, Mari ara ta wo yarɔ anu kɛlɛ tinɛ. Wobɛ ila kɛlɛ-dannu si anu kɛlɛ ka anu nɔ.”

1 Ko-Kɔrɔta-Karan 12:22

Tele-wo-tele, kɛlɛ-dannu si na kofu Dawudala kɛlɛ-dannu ma ha ala kɛlɛ-dannu siyayara iko Allata kɛlɛ-kɛlɛnu siya nya min.

Yaburi 146:5

Mɔgɔ-sewanɛ le mɔgɛ wo la, Yakobata Alla ye min dɛnbɛna, ado a yigi bɛnnɛ ata Mari Alla le ma.

Yaburi 20:2

Alamɛ i dɛnbɛn-fan bɔra Mari bolo a Bato-Bɔn la. Alamɛ i makoe nyinyara ka bɔ Yerusalɛm kɔnkɛ kuma.

Yaburi 21:1

E, Mari, mata mansɛ ara sewa bawo i wara ila sɛnbɛ di a ma. A ara nyagalen bawo i wara a ma, a ara a yogenu nɔ.

Yaburi 21:8

Mansɛ si a yoge damasi bira gbuturu! Ale mansɛ gbo min bɛɛ ye, a si wonu bira.

Yaburi 78:68

A ya Yuda bɔnsɔn yabɔ, a diyana-so Yerusalɛm ye kan min, kɔni.

Yaburi 78:70

Alla ya ata wɔli-kɛla Dawuda yabɔ, saga-fɛ-biralɛ, kɔni.

Yaburi 89:24

I si a keni ka i lanaya a ye. I si a ma, a ni to nɔ-ko sɔrɔnna.

Aiseya 9:17

Woletɔ Mari ti sɔn kemini-mɛsɛ wo fenfen kunyɛ ni bɔ a rɔ muk! Hali kelennɛnu anubɛ kɛɛ-nyaganɛnu, a ti kinikini wonu ma bawo Alla-lɔnbɛlɛ anubɛ karagbɛlɛ le mɔgɛ damasi la. Anu darɔ-kan bɛɛ yogo. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Malakayi 3:1

Mari Sɛnbɛ-Bɛɛ-Tigi ko a ye ala kilayɛ lanala min si kilɛ rabɛn a ye. Wo kɔma, wo ye wo Tigi min nyinina, wo si na a Bato-Bɔn la tiriya! Kilayɛ min yen-sɔgɔ-bɛrɛbɛrɛ ye wo la, wo si na ka a nyɛrɛta sarama-kan wara-koe fɔ.

Yilan-Yilan Koe 34:19

Kun-tigi min bɔra Yuda bɔnsɔn rɔ, wo le Yɛfunɛla dan Kelabu la.

Luka 19:27

Nba, n yoge kɛnu, a ma di minnu ye ko n ni ma anuna mansɛ la, wo na wonu na yan ka anu faga n yala!’ ”

1 Kɔrɛnti 15:25

ado a fɛrɛ sa fɔ Kirasiti ni kun-tigiyɛ kɛ ha Alla ni a yoge bɛɛsi ladon a kin kɔrɔ.

Hiburunu 7:14

Bɛɛ ya a lɔn ko Mari sɔrɔnta Yuda bɔnsɔn le tɔ, ado Nɛbi Musa ya saraka-masɔya-koe fɔ tumɛ min, a ma bɔnsɔn wola ko fɔ.

Yasowa 15:20

Soe minnu dira Yuda bɔnsɔn-mɔgɛnu ma, wo le kɛnu na. Wo donu bi wulɛ rɔ pon dugu la Idɔm dan da kɔrɔ. Soe minnu bi nyɔ, wo le kɛnu na, Kabisili, Idɛri, Yeguri,