Tɔn-Fɔɛ-Fila-Nyɔgɛ 33:5 - ALLALA KUMƐ

⁵ Isirɛla mɔgɛnu anubɛ anuna kun-tiginu ya anu nadɛn Sinayi kɔnkɛ kuma tumɛ min, anu sɔnta Mari la ka ata mansayɛ gbiliya.”

Tɔn-Fɔɛ-Fila-Nyɔgɛ 33:5 ပူးပေါင်းရင်းမြစ်များ

Ko-Dabirɛnu 36:31

Mansɛ le kɛnu na minnu ya mansayɛ kɛ Idɔm nyamanɛ kun na yanni Isirɛla mɔgɛnu ni anuta mansaya-koe dabira Isirɛla nyamanɛ rɔ.

Bɔ-Koe-Iyipiti 15:18

Ile Mari si to ila mansayɛ la habadan habadan!”

Bɔ-Koe-Iyipiti 18:16

Ni kiti ye anu bolo, anu si na nde wara. N si kiti tɛgɛ mɔgɛnu tɛma. N si Allata kumɛnu anubɛ ata tɔnnu fɔ anu ye.”

Bɔ-Koe-Iyipiti 18:19

I tole masɔ n kuman-kan la, n si hɛnkili di i ma. I ni i tunadiya ka Isirɛla mɔgɛnuna koe lake Alla ma. Alamɛ Alla tora i fɛ.

Aiseya 44:2

A ko ale le ya ma dan kebi ma ye ma na burɔ. Ale le ye ma dɛnbɛna tolon! A ko ma kana kilan bawo ata wɔli-kɛlɛ le male la. Ata mɔgɔ-yabɔnɛ le male la. Ma di a ye kosɛbɛ!

Yilan-Yilan Koe 23:21

N bara a yen, wati ye nala, Isirɛla mɔgɛ kɛnu ti nanparan mumɛ sɔrɔn. Anuta Mari Alla ye anu fɛ. Anu si a fɔ ka a gbɛ feu, ko anuta mansɛ le Alla la.

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.

Tɔn-Fɔɛ-Fila-Nyɔgɛ 33:26

“Alla dogbɛrɛ sa nyɔ min manɛ iko male Isirɛla mɔgɛnuta Alla, ale min bi tagamana san-kole rɔ, kɔni. Ale le ye bɔla banda-finyɛ rɔ ka wo dɛnbɛ.

Kɛlɛ-Kurugbɛnu 17:6

Wo wati ya a taran, mansa sa Isirɛla mɔgɛnu bolo. Woletɔ Isirɛla mɔgɛ bɛɛsi ye anu diyana-koe mala wo wati rɔ.

Kɛlɛ-Kurugbɛnu 8:22

Isirɛla mɔgɛnu ya a fɔ Kidiyɔn ye ko, “I wara ma lakisi Midiyan kɛnu masibɛ ma min kɛ, a sɔgɛ ye ma la, i ni ma mala mansɛ la, ado mansayɛ ni to ita bɔn la.”

Kɛlɛ-Kurugbɛnu 9:2

“Wo ni Sɛkɛm so-burɔ-mɔgɛnu manyinika ko Kidiyɔnla den mɔgɔ bi-wɔrɔnfilɛ wonuta mansayɛ wo, mɔgɔ kelanta mansayɛ wo, anu ni anuta bi wo rɔ. Kɔnɔ min sanɛ wo kuma, anu ni a lɔn ko anuna den-bɛrɛbɛrɛ le nde, Abimɛlɛki la.”