Tɔn-Fɔɛ-Fila-Nyɔgɛ 33:3 - ALLALA KUMƐ

³ Marita mɔgɛnu di ale ye. A ye ata mɔgɛnu fɛ-birala. Woletɔ ma ye ma sala a tontɛ kɔrɔ ka a bato ka karan-tɔnɔnamɛ sɔrɔn ale bolo.

Tɔn-Fɔɛ-Fila-Nyɔgɛ 33:3 ပူးပေါင်းရင်းမြစ်များ

Yaburi 31:15

N bi ita gbɔfɛ rɔ wati mumɛ bɛɛ kɔrɔ. N nakisi n yogenu ma. Minnu bi n napɛrɛnna, n nakisi wonu ma.

Yaburi 47:4

Male, a diyana-mɔgɛnu bi sigila nyamanɛ min tɔ, ale le ya wo yabɔ ma ye. Nyamanɛ wo, a diyana-mɔgɛnu bi anu wasila wo le la.

Yaburi 50:5

Alla ko ata lanaya-mɔgɛ minnu bara sarama-kan kiri a ye saraka-bɔ-koe rɔ, wonu ni anu gbɛrɛn a ma.

Hɛnkilimaya-Kumɛnu 2:1

Nna den, n bara i karan min na, i ni wo bira gben! I kana nyina wo ko de!

Makawandili Kumɛnu 9:1

N ban kɛ damasi lakɔrɔsila, n ya ko-gbɛrɛkɛ yen. N ya a yen ko hɛnkili ye mɔgɛ min tɔ, ado a telenta, Alla ye wo le fɛ. Mɔgɔ ti a lɔn ni a si a laban gboyɛ anubɛ diyɛ le ma.

Yɛrɛmaya 2:2

n ni ta kuma Yerusalɛm kɛnu na. A ko n ni a fɔ anu ye ko anu sibole wuli-san, anu telennɛ a ye. A ko ale Mari di anu ye nun koikoi iko kei di ala kɔɛn-kurɛ ye nya min. A ko anu bilanɛ a fɛ nun wulɛ rɔ, wulɛ min da-rakolɔn filili, kɔni.

Yɛrɛmaya 31:3

a ya a nyɛrɛ yira wo la wula-yan la. A ko wola habadan-keninteyɛ ye a rɔ, ado a ko a si to keninteyɛ wo kun na.

Yɛrɛmaya 32:40

A ko a si habadan-sarama-kan kiri anu ye wo le, ko a ti a fara ko-nyima-kɛ la anu ye, ado a ko a si a ma, anu ni to a gbiliyala anu yisi bɛɛ la. Wo si a ma, anu ti anu kan-kɔ sɔ a la tun.

Hoseya 11:1

Mari ko, “Fɔlɔ nun, wole Isirɛla bɔnsɔn dɔgɔ tumɛ min, wo diyara n ye iko n halala-dan! N ya wo kele ka bɔ Iyipiti.

Malakayi 1:2

Mari ya a fɔ ala mɔgɛnu ye ko ka a bi fɔlɔ ma ha kaka, anu di a ye. Kɔnɔ anu bi a fɔla ko anu si a lɔn kama ko anu di Mari ye? Mari ya anu yabi ko na-kelenmɛ le Yakoba anubɛ Isɔ la. A ko Yakoba anubɛ a kegeyɛ di a ye

Matiyu 23:2

A ko, “Sɛnbɛ ye tɔn-karan-mɔgɛnu anubɛ Farisinu bolo ka Nɛbi Musata tɔn rakaran mɔgɛnu ye

Luka 10:39

A dɔgɔ-musi min tɔgɛ Mariyama, wo sigira Mari da kɔrɔ ka a tole masɔ ala karan la.

Luka 2:46

A tele sawa nyɔgɛ ma, anu ya a taran Alla-Bato-Bɔn la. A siginɛ Yahudiya karan-mɔgɛnu fɛ. A ye a tole masɔla anu na ka anu manyinika ko siyaman na.

Luka 8:35

Min mara, mɔgɛnu tara wo ragbɛ tinɛ. Anu nara Yisa wara ka kei wo siginɛ taran Yisa dafɛ. Nyinɛnu bara bɔ a fɛ, ado kurɛ ye a ma. A hɛnkili ma ara sɔ. Anu dama kilanta kati!

Kɛwɔlɛnu 22:3

“Yahudiya le nde la. N sɔrɔnta Tarasa soe burɔ Salesiya nyamanɛ rɔ kɔnɔ n makolota n karan-mɔgɔ Kameliyɛ bolo Yerusalɛm yan karan-denyɛ la. N ya ma benbanuna tɔn lɔn a kila-bɛrɛbɛrɛ fɛ! N bara n nyɛrɛ di Allata wɔlɛ ma fasai iko wo dama ye nya min yan bi.

Tɔn-Fɔɛ-Fila-Nyɔgɛ 14:2

Mari Allatɛ le wole la. A ya wole yabɔ ka wo ma ata mɔgɛnu na duninya-mɔgɛnu tɛma.

Tɔn-Fɔɛ-Fila-Nyɔgɛ 4:37

Bawo wo benba benbɛnu di a ye min kɛ, woletɔ a ya wole yabɔ Iyipiti ka na wo la yan ata sɛnbɛ fɛ.

Tɔn-Fɔɛ-Fila-Nyɔgɛ 6:1

Musa ya a fɔ Isirɛla mɔgɛnu ye tun ko, “Mata Mari Alla ya tɔn kɛnu don n bolo ka wo karan anu na. Wo ye nala wo sigila wola nyamanɛ min tɔ kaka, wo wa ke nyɔ rɔ, wo si tɔn kɛnu bira.

1 Tɛsalonaika 1:6

Wo ya malebɛ Mari ma wola misalɛnu na. Wo tɔrɔta kosɛbɛ kɔnɔ hali wo, wo ya karan wo bira sewɛ la, ado sewa-sufa wo ye bɔla ata Ni-Sɛnimɛ le bolo.

1 Pita 1:5

Wotɛ le duwɛ wonu na, wole minnu maranɛ Allala sɛnbɛ baraka rɔ dɛnkɛninyɛ fɛ, kɔni. Ma ye kisi-koe min makɔnɔna, wo la si bɔ wo ye gbɛ rɔ wati-laban-tumɛ.

1 Yɔni 4:19

Ma si ma nyɔgɔn keni bawo Alla fɔlɔn ya male keni.

1 Samuwɛli 2:9

“Ale le si ata mɔgɔ-latelennɛnu niyi latanka kɔnɔ karagbɛlɛnu na si to pinpi rɔ dogbe, bawo mɔgɔ nyɛrɛta sɛnbɛ dɔrɔn ti a ma, a ni ta yarɔ.