Tɔn-Fɔɛ-Fila-Nyɔgɛ 33:26 - ALLALA KUMƐ

²⁶ “Alla dogbɛrɛ sa nyɔ min manɛ iko male Isirɛla mɔgɛnuta Alla, ale min bi tagamana san-kole rɔ, kɔni. Ale le ye bɔla banda-finyɛ rɔ ka wo dɛnbɛ.

Tɔn-Fɔɛ-Fila-Nyɔgɛ 33:26 ပူးပေါင်းရင်းမြစ်များ

Yaburi 104:3

I wara a balan-kɔnnu gbangban kɔgɔ-yi rɔ. Ila kirindi le banda-finyɛnu na. I kanban le fɔnyɔ la min bi tala i la.

Yaburi 18:10

A sigira melika-sufa do la. Wo tora a buri-wɛ kɛla a la fɔnyɔ rɔ duninya kuma.

Yaburi 68:35

Isirɛlata Alla tenbi bɔla ala kan-tina-sɛnimɛ rɔ, a makilannɛ. A si sɛnbɛ di ala mɔgɛnu ma. Alla tanto!

Yaburi 68:4

Wo ni sigi sa Alla ye ka a tɔgɛ tanto. Wo ni kilɛ laka a ye, ale min siginɛ banda-fin-gbɛ rɔ. A bɛnnɛ, wo ni sewa a yala bawo Mari le ale la.

Yaburi 86:8

E, n tigi, i rakɛn sa, ado i kolo bɛsɛ bɛɛ ko. Ha bi, mɔgɔ ma ko ma wɛ iko ile.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Bɔ-Koe-Iyipiti 15:7

Minnu wulita ila mɔgɛnu kan ma, i wara wonu nabui ka anu dɛ ragborokan ita sɛnbɛ-makawanɛ la. I ya ila diminyɛ lana anu kuma ka anu mintan iko bin-gbalɛ.

Bɔ-Koe-Iyipiti 8:10

Mansɛ ko, “Nba, sina i ni na madiyali kɛ n ye.” Musa ko, “N si a ma iko i wara a fɔ n ye nya min alako i ni a lɔn ko Alla-dogbɛrɛ sa nyɔ min bi iko mata Mari Alla.

Bɔ-Koe-Iyipiti 8:6

Woletɔ Aruna ya sewuri wo rasagan Iyipiti yinu kuma. Nba, turukɔɔkɔnu yɛlɛta ka Iyipiti nyamanɛ lafa pen!

Aiseya 19:1

Kilayɛ le kɛ la Iyipiti kɛnuna ko la. Mari si a mayigi banda-finyɛ rɔ, a ni ta tiriya Iyipiti nyamanɛ rɔ. Bɛsɛ min bɛɛ ye nyɔ, wonu si yɛrɛyɛrɛn a kɔrɔ, ado nyɔ-mɔgɛnu yisi si tɛgɛ gbat!

Aiseya 40:18

Mɔgɛ si Alla sanka yon ma? Mɔgɛ si ke Alla faranfasɛ lɔnna kama?

Aiseya 40:25

Mɔgɛ si Alla-sɛnimɛ sanka fan mintan ma? A nyɔgɔn ye nyɔ?

Aiseya 44:2

A ko ale le ya ma dan kebi ma ye ma na burɔ. Ale le ye ma dɛnbɛna tolon! A ko ma kana kilan bawo ata wɔli-kɛlɛ le male la. Ata mɔgɔ-yabɔnɛ le male la. Ma di a ye kosɛbɛ!

Aiseya 66:8

Ha bi, mɔgɔ ma wo sufa lamɔɛn bɛ, ado ha bi, mɔgɔ ma wo rayen bɛ. A ye wo nya na le fanan ko ha bi, mɔgɔ ma nyamanɛ yen bɛ a lasɔla tele-kelen-kirikiri! Ha bi, mɔgɔ ma wo lamɔɛn bɛ fanan ko nyamanɛ ara a lasɔ tele-kelen-kirikiri! Kɔnɔ Yerusalɛm buyi wa a lamaga nya min wo, a si ala dan sɔrɔn.

Yɛrɛmaya 10:6

Mari, i nyɔgɔn sa. I makawara. I tɔgɛ mankan kolo.

Hoseya 13:9

“N si wole, Isirɛla mɔgɛnu kasara pɔ! Wo wa ma, yon si wo dɛnbɛ gbɛ?

Emɔsi 8:7

Wole fɛlɛtenɛnu, Isirɛla mɔgɛnuta Mari Alla ya lanyiri kiri wo ye a kila-bɛrɛbɛrɛ fɛ. A ko a ti nyina yila wonuna ko-yogomɛnu ko mumɛ!

Habakuku 3:8

Mari, ila fondo-bɔɛ le ya a ma, i ya yinu gbesi a rɔ ka kɔgɔ-yi fara? I kɔrɔtɔnɛ anu ma, wa? Ade, i nara i mayiginɛ banda-finyɛnu kuma ka nɔlɛ di ila mɔgɛnu ma.

Tɔn-Fɔɛ-Fila-Nyɔgɛ 10:14

“Fan min bɛɛsi ye san-kole rɔ anubɛ dugu-kole kuma, Maritɛ le wonu na.

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.

Tɔn-Fɔɛ-Fila-Nyɔgɛ 33:5

Isirɛla mɔgɛnu anubɛ anuna kun-tiginu ya anu nadɛn Sinayi kɔnkɛ kuma tumɛ min, anu sɔnta Mari la ka ata mansayɛ gbiliya.”

Tɔn-Fɔɛ-Fila-Nyɔgɛ 4:35

Mari ya wo bɛɛsi yira wo la ka a ragbɛ wo ye alako wo ni la a la ko a kelan le Alla la. Alla-gbɛrɛkɛ sa duninya rɔ fɔ ale kelen pe.